هلا باللي نخا شعره وجاله يفتخر مسرور =وجاه القاف يتمخطر على كيفه وبمراده
هنا واجهت لي شاعر ومبدع يبهر الجمهور=تفنن في بحور الشعر وسجل ضمن رواده
من احساسه بدع معنى وكنه ينحته بصخور = وصار الشعر يفخربه ويجزم بانه اجاده
ولد عمي سعد شايش ولد شايش عريق اجذور=حفيد سعيد بن صياح مورث طيبه احفاده
حفيد اللي على الفزعه ذكر له في زمانه دور = عرفها القاصي والداني وهي نبذه من امجاده
واذا جيت الخواله عز عيال الشيخ ابو منصور = هذاك الطيب الوافي فرحان وتشهد انداده
هلا باللي ورث طيبٍ وسن الطيبته دستور = سعد اللي وضع نفسه بدرب الطيب وارتاده
اذا فكرت في مدحه يفوح بساحتي عطور = وحتى الشعر من مدحه يقوم ويعلن اعياده
ويلبس للفخر بشتٍ ويفز ابداخلي ويثور = وكنه فارسٍ منخي وجاني ممتطي اجواده
وجا مقبل على الفزعه ولاهو يابشر معذور = مدامه في كريم النفس وقوم الطيب واسياده
نعم كذا يجي شعري يعرف الطيب وله منظور= ويثمن وقفة الوافي ويسعى دوم لسعاده
سلامٍ جيت ابرده واقول الصاحبه مشكور = على ماقدمه ليه وغلاه ابداخلي زاده
يومٍ انه ارسل ابياته وأوفى ولا لحقه قصور =وقلدني وسام الفخر واخذته كاجمل اقلاده
الا يالله يالوالي تزيل الهم ويا الجور = وتبعد عن سعد يالله شرور الكون وانكاده

وسلااامتكم

المشاركة الأصلية كتبت بواسطة صالح الجطيلي (المشاركة 193280) ماجد الجعفري صح لسانك ونعم به يستاهل سعد وطيب ولد طيب شرواك وشروى من يقرى عز الله ان كلكم ونعم وتستاهلون كل خير ادام الله هذه الاخوه على طاعته اسأل الله لكم التوفيق لكم الود حتى يلين الحصى

المشاركة الأصلية كتبت بواسطة فهد الشافي (المشاركة 193288) ماجد الجعفري صاحب الكلمة الشعرية الممتعة والتي تجبر من يقرأها ان يقف وقفة تأمل في جماليات هذه الكلمة قصيدة صنعت بها جميع الفنون الادبية وتسطرت بأساليب الشعر الحديث صح لسانك على هذه القصيدة الجزلة فائق تحياتي

المشاركة الأصلية كتبت بواسطة سالم صالح (المشاركة 193297) الشاعر المشرف الرائع ماجد الجعفري صح السانك قصيدة رائعة لاتحتاج المدح بل اكثر من ذلك وانت تعرف وجهة نظري فيك وكذلك يستاهل الشاعر المبدع(سعد النفج) كل ماقيل به فلقد جملتو القصيدة على جمالها لله در المبدعين والوافين

المشاركة الأصلية كتبت بواسطة الجوكر (المشاركة 193301) الشاعر القدير ماجد الجعفري دائما حرفك ينثر لنا الأبداع دائما كلماتك لها نكهاتها الخاصه دائم مبدع بكل حالاتك يارائع وسعد يستاهل الطيب من اهل الطيب

المشاركة الأصلية كتبت بواسطة صقر الصقور (المشاركة 193323) ماجد الجعفري بارك الله فيك وفي ابداعك الرائع الله لايهينك ولايهين سعد النفج ودمتم بكل خير

المشاركة الأصلية كتبت بواسطة ابو ياسر الهبداني (المشاركة 193333) صح السانك اخوي ماجد وسعد اخ وعزيز يستاهل كل خير وتقدير

المشاركة الأصلية كتبت بواسطة رابح الغضيان (المشاركة 193340) أخوي الغالي ومشرفنا المميز وشاعرنا الرائع... ماااااااااجدالجعفري.. شقول ياماجدغيرصح ألسانك وسلم بوحك وبنانك... والاهي غريبه منك .... وخوي الشاعر سعد يستاهل هذا المدح فهو أهلا له ... تحيااتي للجميع..

المشاركة الأصلية كتبت بواسطة عبدالله الحجيلان (المشاركة 193342) الشاعر القدير ماجد الجعفري ابداعكم لايختلف فيه الاثنين تحياتي لكم

المشاركة الأصلية كتبت بواسطة السيف القادم (المشاركة 193426) صح لسانك وسلمت بنانك الف نعم بالمادح والممدوح قصيده جزله من شاعر اعتاد على الجزاله تقبل مروري واعجابي

المشاركة الأصلية كتبت بواسطة زياد الشمري (المشاركة 193812) الصديق ماجد الجعفري صح السانك قصيدة رائعة وابو شايش يستاهل كفو والله بكم

المشاركة الأصلية كتبت بواسطة تركي صالح (المشاركة 193835) الاخ القدير / ماجد الجعفري مبدع كعادتك صح لسانك وسلم بنانك على هذه الجزاله المتناهيه والاخ الشاعر / سعد النفج يستاهل والطيبه لهل الطيب دائمً دمت بكل ود وتقبل فائق التقدير والاحترام

المشاركة الأصلية كتبت بواسطة ابوهيثم النومسي (المشاركة 193863) الشاعر المشرف الرائع ماجد الجعفري صح السانك قصيدة رائعة