اهداء الى الشيخ جاسم ال ثاني
الاهداء الى الشيخ / جاسم ال ثاني والذي قام بالتبرع بالديه عن الاخ / مطلق العنزي كامله جعله الله في ميزان حسناته يوم العرض عليه
على الله اتكالـــي والله اللي ينصــــر المنصور = كريــــــــــمٍ دعوه الداعـــــــي بشأنه مايخيبها هو الجبـــــــار والمتكبر اللي يكشف المستور = عبــــــــــاده في عيونٍ ماتنــــــــام الليل راقبها عزيز الملك سبحانــــــــه كـريم وياجر المأجور = مقادير الليالي فـــــــــي جبيـــــــن العبد كاتبها هـو الباقي وخلقه مستمره فـــي الزمان عبـور =طلبناه الرضــــــى تعداد ماهبـــــــــــت هبايبها بعد ذكره بقول اللي ببالي والشعـــور شعـــــور =واعبــــــر عن احاسيس الصــــدور وماتغيبها سلام الله على قومن لها يوم الحضور حضور =هل الوقفــــات يومن المــواقف غاب غايبهــــا سلام الله على منهــــــو حسمها ماذخر مذخور =رموز أهل المراجل بينه في وجـــه صاحبهـــا يعيش الشيخ جاسم للمواقف والوفا مشهــــور =على طــــــول الليالي والسنين اللي نمر ابهـــا من الدوحه على الهاتف حملها واطلق المآسور =عسف مهر الصعايب في يدينه لين هذبهـــــــا تطيعه وتخضع له في قناعه وبفرح وســــرور = واذا شانت مذاهبها وقف واصلح مذاهبهــــــا مهو مشكـــور لاوالله أنا مو مقتنع مشكــــــور = ملايييـن الشكـــر ياقلها في حــق كاسبهـــــــا انا مقهور مدري كيــــف اطلعها وانا مقهــــور = ابي اكبر شكــــر واحوسها وارجع وارتبهـــــا لقيت اني اقول اجره هوى الجنه وطيب الحـور = مهو منـــــــي من اللي خالق الدنيا ووهبهــــا مدامه فرح اطفال وجبـــر بالخاطر المكســــور = جزاه الجنه اللي عنــــــه مـ الرحمن حاجبهـــا سلالة قوم للفزعات والمعـــــروف درع وسور = من الثاني شيـــــــــــوخٍ طيبها معدن مناسبها عليكم نور ياصحاب العلوم اللي تجي من نــور = من اصغر سن فيهم لين راس العود شايبهـــــا حرارٍ ماخذلها عيب وإلا كبرياء واغـــــــــرور = تعيش ودحـــــم اكبار المصايب فـــي مناكبهـــا مواقفكم شموخ وكل واحد من قطر مشكـــــور = مواقفكـــــــم بياض وجيهكــــــم والعز ناجبهـــا اجر عتق رقبه ماهو بحاجه روحة الدكتـــــــور = عسى الله يكتب اجر اللي سعى فيها وحسبهــــــا واثنــي في الشكر لهـل الشكرولكـــل واحد دور = على وقفــــــات ناسٍ تسكــــب الجزله شواربهـا على وقفة قبيله كاملـــــــــــه مافيهم المعـذور = عشان نقـــــول يعــــذر من تأخـــــر في مواجبها ولاننسي حمد راعي مواقــــف ماوقفهــــا زور = قناته مستمـــــره بالنقل دورة كـــــــــــــواكبهـا ابو تركي من اللي طيبهم في الـواجبات بحـور = من الحبـــــلان ربعن تعتزي فيها قرايبــــــــــها اقوله وافتخــــر بأني من اللي ماتجــي بقصور = عزيزين القصيــــــر ان حل بالدنيا مصـــايبهــا يبـــور اللي يبـــور وقوم وائل مستحيل تبــور = اذا طاحت عيـون الخايفيــــــن ورف حاجبــــــها بني وائل وفزعتنا عن الفزعـــات يوم الجـــور = ليابانت عفون اعبــــــاد ربـــــــي من غواربهـا |
رد: اهداء الى الشيخ جاسم ال ثاني
الشاعر الكبير عبدالله الحجيلان
بيض الله وجهك وصح الله لسانك على هذه القصيده التي أتت بوقتها لمن يستحقها طبعاً يستحقها الشيخ جاسم ال ثاني كتب الله له الاجر والثواب وفيت وكفيت يابو خالد وايضاً يستاهل حمد لانه صاحب وقفات مشرفه دائماً,, هذه الجزله بموضوعهاوجزالة شاعرها الشاعر المخضرم عبدالله الحجيلان (( تستحق التثبيت)) |
رد: اهداء الى الشيخ جاسم ال ثاني
الاخ الشاعر / عبدالله الحجيلان
للشعر جزالته الخاصه ومواقفه الرائعه وانت هنا تقف هذه الوقفه واللتي أتت في وقتها وبمحلها لمن يستحق الشكر بعد الله سبحانه وتعالى ألا وهو الشيخ / جاسم ال ثاني بعد قيامه بتبرعه السخي لاعتاق رقبة مطلق العنزي جعلها الله في موازين حسناته الرائع / عبدالله الحجيلان صح لسانك وسلم بنانك ودمت بكل خير وعافيه وتقبل فائق التقدير والاحترام |
رد: اهداء الى الشيخ جاسم ال ثاني
الشاعر عبدالله الحجيلان
بيض الله وجهك وصح لسانك على هذه القصيده الجزله والشيخ جاسم ال ثاني جعلها الله في موازين حسناته ودمت بود وخير وعافية |
رد: اهداء الى الشيخ جاسم ال ثاني
عبدالله الحجيلان
صح لسانك مليوووووووووووووون ولايكفون من حصل شي يستاهله جاسم ال ثاني من أهل الخير المعروفين بفعل الخير جزاه الله خير وجعلها في موازين حسناته |
رد: اهداء الى الشيخ جاسم ال ثاني
عبدالله الحجيلان
شاعر المواقف .. وقصيده بلسان كل افراد قبيلة عنزه لمن يستحق الشكر ولاننسى افراد القبيله واهل الخير ممن مدوا يد العون تسلم يمينك ياوبخالد وعاداتك الوفا .. صح لسااااااااااااااااااااااااانك ولاهنت |
رد: اهداء الى الشيخ جاسم ال ثاني
الشاعر عبدالله الحجيلان صح لسااااااااانك مدد جزله من راس جزل وجاسم ال ثاني يستاهل المدح للمره الثانيه صح لسانك وعلا شانك ولا هنت |
رد: اهداء الى الشيخ جاسم ال ثاني
المبدع/ عبدالله الحجيلان
رائع رائع رائع قصيدة ولدت من موقف عظيم ولأنها قصيدة عظيمه وجهت لأنسان عالي بأخلاقه ومواقفه ووقفاته انه الشيخ / جاسم آل ثاني اطال الله بعمره وجعلها بموازين حسناته وموقف لاتنساه قبيلة عنزه لأنها وفيه ولاتنسى الأوفياء تقديري لك اخوي عبدالله مره اخرى |
رد: اهداء الى الشيخ جاسم ال ثاني
.
عبدالله الحجيلان شاعر فوق العادة ودائما جزل يابوخالد ومن روائعك يستمد الابداع نفسه ومهما قلت وكتبت تظل شهادتي فيك مجروحة بادرة عظيمه من شخص رائع وفي شخص يستحق الثناء شكرا ابوخالد وصح لسانك مليار وبيض الله وجهك تحياتي لك |
رد: اهداء الى الشيخ جاسم ال ثاني
الأخ العزيز
والشاعر القدير عبدالله الحجيلان ......... صح لسااانك ...ولاهنت وبيض الله وجهك ....... ويستاااهل الشيخ حمد ال ثاني ..والله يجزاه الجنه ا. دمت بكل خير .. وداام هذا الحضور المتميز استاذنا القدير تقبل تحيااااتي |
رد: اهداء الى الشيخ جاسم ال ثاني
ال
متميز الشاعر عبدالله الحجيلان هنا يتضح قدر الشعر والإبداع والتوقيت الصحيح شكراً لك تكلمت بلسان كل عنزي بهذه الشامخة تقبل تحياتي أخوك صالح الجزاع saleh88100@maktoob.com |
رد: اهداء الى الشيخ جاسم ال ثاني
الشاعر عبدالله الحجيلان بيض الله وجهك وصح لسانك ولا هو غريب عليك الابداع |
رد: اهداء الى الشيخ جاسم ال ثاني
الأخ / عبدالله الحجيلان
صح لسانك رائع بكل حالاتك. ومبدع دائما وقصيده رائعه و في وقفت شيخ غالي على الجميع الشيخ / جاسم آل ثاني جعلها الله في موازين حسناته. |
رد: اهداء الى الشيخ جاسم ال ثاني
محمد المقبل
بيض الله وجهك ولاهنت دائمآ وافي طال عمرك وهذا من طيبك تقبل ودي |
| الساعة الآن (10:26 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه