كتبت الشعر من غلطة خويٍ=تمادى بالغلط وأخطى علينا
كتبته من ظميرٍ باح سدّه =سبايب مزح بلسانٍ مشينا
زميلٍ بالعمل مزحه ثقيلٍ=يعلق بالنّكت والهرج فينا
يقول إن العنوز خبول قوم=من الحد الشمالي نازحينا
ألا ياصاحبي ثمن كلامك =تعدل وإسمع الهرج الثمينا
تفاخر يافتى بامجاد ربعك=ولاكنّ لاتحط الذلّ فينا
تفاخر وإفتخر بافعال ربعك=ولاكن لاتزاودبه علينا
صديقي لاتحسب إنّي غشيمٍ=بتاريخ الرجال الأولينا
أنا من لابة اللي قال بيتٍ=غدى مثل المثل عبر السنينا
إذا بلغ الرضيع لنا فطاما=تَخرّ له الجبابر ساجديناٍ
أنا من لابة تذكر وتخبر=من إعصور الرجال الأقدمينا
كليب الوايلي منّا ومنّا=ملوكن بالقبايل حاكمينا
حكمنا بالقبايل غصب عنها=بني وايل ومن يزعل لعينا
حكمنا حكم ماهو من عددنا=حكمنا بسيف مع قوة يمينا
ثلاثْ ادوَل حكّامٍ عليها=ملوكن بالعرب متبينينا
أنا ماخطيت في حق القبايل=ذكرة الحق والعلم اليقينا
يقول الزير سالم في زمانه=وأبا أذكر ما كتبه الكاتبينا
إذا دارة رحانا مع رحاهم=طحنّاهم وكنّا الطاحنينا
بمعنى لادخلنا حرب كنّا=بقطع الروس قومٍ مسرفينا

المشاركة الأصلية كتبت بواسطة خلف الغريب (المشاركة 201177) نايف .... الف صح لسانك والله لا يهينك .. تشكر على هذه الرائعة التي تدل على حميتك وتمكنك من الشعر ... عنزة فوق مستوى الانتقاد ولا هو مهونة بغيرها .... تبقى عنزة شامخة بشموخ مبادئ ابنائها الكرام الذين جبلهم الله على مكارم الأمور ... ومهما زاود المزاودون فهم كالذي يرمي الحجر في البحر ... شكرا لك بمقدار شموخك وشموخ قصيدتك... تقبل مروري....

المشاركة الأصلية كتبت بواسطة هيـاا العـازمـي (المشاركة 201190) . . . الفاضل .. نايف الشبيعان قصيدة تاريخية .. شامخة وباقية فـَ فيها من من الشعر وجماله ما يروق للذات تنفيس خاص وشموخ وعزة مستحقيّـن انشهد انك كفيت ووفيت صح الله لسانك وسلم بنانك والله يعين اللي استفزك :D تقديري هيــــااا

المشاركة الأصلية كتبت بواسطة طلال الايداء (المشاركة 201951) صح لسانــــــــــــــك اخوي نااايف والله مبدع مبدع ولا هنت على الابيات التي عبرت من القلب الا القلب وقل لخويك لاعااديمزح هههههههههههههههههههههههه وفي انتظاار جديدكـــ وسجل اعجااابي اخوكــــ طلال الايداااااااااااااااء