ديوان الشاعر::: رابح الغضيان:::
|
ديوان الشاعر::: رابح الغضيان:::
السعوديه غير يـا مـغرماً بالشـام وديار بــيروت = ذي نظرتك واجب علي أحترمــها وبيت الشرف موجـود بالشام وابـيوت = ومن قـــال كل الشـام نفسه ظلمها والخـــليجيه غــير ان كـــنت مبــخوت = دانــة بحــر يا حـظ من يغتــــمها عـقـل وجـمال يعنـي كمثرى على توت= ابسامته تغنيك من زين فمــــــها مـا خبـت الدخـان بالصــدر والــكـوت = يغار تجار العطر من نسمـــــــــها جــمال فطـره خالـطه سـحر هـاروت = ولامرت الصالون ربي رســــمها اللـي كلامه مـوت ومشــــاهده مـوت = بنت الرجال اللي عريقاً كرمـــــها حورية العـيـنين والمـوت بالصـوت = وعن الرداء والعيب دينه عصمها ماصـــــورة عاري بستــيان وكــلوت = تلبس شرف من راسها الى قدمها ولاركز المخرج على الخصر منحوت= ولاباسة الا يد عوداً حشمـــها ولاصــفقة مع المـــلحن على الــنوت = ولازارة الفندق لجل تستلمــــــها تــكرم وتـــكرم امها وتــكرم بشوت = الفرق واضح جوهره واغتنمــها ........................... سمـــو الرجــوله بتصفح التاريخ وقراء افصوله=واهني الشعب السعودي بانسان انسان ما مثله بشر بالرجوله=بسلمان صرح المجد والمجد سلمان الشعر يفخر فيك لحظة نقوله=ورياضنا يفخر وتفخر بك أوطان كلن له اطباعه ويتبع ميوله=وانت الشهامه تعشقك عشق خلان خمسين عام ونجد عرضه وطوله=تحظى بامير الطيب والعز واحسان خليتها جنة تجارى سيوله=وبنيت له في ذروة المجد مسكان يمناك يمنى كل عالي تنوله=يمناك يمنى ما تقلد بالايمان والجود من جودك تدرس اصوله=والعلم من مبداك ياخذ له اوزان ابو الارامل واليتامى تعوله=اكفوفك البيضاء لهم دار واحضان يمناك لفعل الخير دايم عجوله=كم مرةٍ مسحت به دمع يتمان من أول حياتك يوم سن الطفوله=والعز بمحياك والمرجله شان بليهان مثلك يرتكي للحموله=ولا فيه مثلك يا سلايل كحيلان عقبك عود ٍ ماضيات فعوله=يا لله عسى قبره بروض ٍ من أجنان عبدالعزيز الخير ساعة نزوله =نهجه على السنة وآيات قرآن بطولته ما هي بأيا بطوله=الغرب يستنسخ من أفعوله ألوان صبح على ريمه تصاهل اخيوله=وفتح رياض العز والعز له بان ونادا المنادي معلن ٍ عن دخوله=بالرمح حررها وبالسيف شامان واستبشرت امه تحرى وصوله=على الجهل عاشت قبايل وعربان وصل بشير الخير على ذلوله=مثل المطر يروي ظمأ كل عطشان غيثاً على الصاحب بساعة هطوله=وابل جحيم لمن تعنت وخذلان وحّد شتات الشعب والتف حوله=وعقب العداوة صار أصحاب وأخوان من حدود عرعر لليمن بايعوله=ومن راس ٍ تنوره الي غرب عسفان شامت لبو تركي عروساًَ جفوله=بالسيف روضها على سرج وحصان ثبت قواعدها ورسا اصطوله=رجل بناء دوله وشيّد لها اركان زعيم حتى اعداه جو يشهدوله=كسب قلوب الناس للعدل ميزان وساروا على نهجه عيالن ٍ صفوله = فرسان من فارس صواريم فرسان وتوارثوا مجده رجال ٍ بنوله = دوله عظيمة يحسب لشانها شان وبين الامم له وزنها ومحفوله = يضربها الأمثال للخير عنوان حكامها شيوخ الجزيره شبوله = اخوان نوره قادة العز شجعان آل سعود المجد عالي رقوله = بشعب ٍ وفي إيجاز الاحسان بحسان والعاصمة بقيادتك شيدوله = أبراج من انجازك تشاهد بالأعيان يا عل ما تفقدك دار ٍ تطوله = خليتها مركز ثقافة للاوطان وياما على روس المنابر دعوله = وتضرعوا لله يحفظك رحمان وبسم الولي وعداد من يركعوله = يحفظ مليك الخير من كل عدوان ويا سيدي تملك سمو الرجوله = ولا خاب عود ٍ يوم سماك سلمان ............................ بسم الله الرحمن الرحيم احبائي اعضاء منتدى شبكة ويلان اليكم هذه القصيده التي تعبر عن نفسها امل ان تحوز على رضاكم حر الصقر حــــــر الصــقر تهواه كــــل الصــقاقير= وأنـا بـشـــعري حــــر والــجــود مــدي وصــيدي من الجـــزلات ماهي عصافير= وأرقــا على راس الـــطويـلــه واعــدي ولاكــــل صـــياداً خبـيـراً عـن الــــطـير= ولاكــل صــيـده لــه صــقــوراً تـهــدي ابــتحــدا فـــيـه نـــــاس مــغـــاريــــر= شـــعـــري وعـــرفــه قــد كـل التحـدي وبعتـــلـي به لــلــنجــوم الــمــشــاهـير= واقــول لـــلــحـســاد مـنـتــم بـقـــــدي وابـشـتــهـربـه شــهـــرة كـلـيب والزير= انــتـــاج تــفـــكــيـري وتـرتــيـب يـــدي وأدراه عــن زلـه وعـن هرجة الـغـير= واحـفـظ مـقامـه مـثل حفظــي الخـــدي ولــيــا مــدحــت امــدح ارجـالا ًمناعير= وكـلا ً لــه احــدوده وانــا عــنـد حــدي ولا المقصد الشـهـرة وصـفـقـة جماهير= ياصاحـب الــوجــهــيـن بـشويش هـدي ان كــان هــي بالشــعر الشعـر تـعـبـيـر = احـبـكلـك احـروفــه ذهــب مـا تـصدي وان عودت لمجاد قوم واساطير=ربعي هلالجدعاء وانا الجاز جدي وان عودت لـمـجـاد قـوم واسـاطـيـر= ربـعـي بـنـي وايـــل ومــعـروف جــدي وكــل الــقــبائــل مايــجـي فــيه تقصير= وكـلاً عــلــى حـــقــه يــمــيــنة تـمــدي ولاهـو غرور اقـولـهـا يـامــغــيــريـــر =يــــوم ً ســــــدك بـــــاح مـــا بـاح سـدي ومي البحر ماينقصنه نوافير=ومن كان عده رس ماهو بندي ادحم بكتفي وارتكي للمعاسير=مانضام لي كاهل لو الكل ضدي عـــطــيــتــك الـمـؤجـز و لك فيه تحذير =احـــذر تــكـــررهـــا تــــرى مــا تــعـدي .................................. الواسطة تكسر قضيت عمري بين تفكير واحلام = وإن لاح برق(ن)قلت هذا نصيبي قضيتها سنه سنه عدة اعوام = بالهم والهاجوس محدن دريبي ولا قلب مرتاح(ن) ولا عين بتنام = ولا من صديق(ن)لا نخيته يجيبي معقد(ن)وضعي مثل هنق كوهام = أسماء صينيه ونطقه صعيبي تشبه لوضعي في حروفه والارقام = ولا من مترجم بالعرب يعتنيبي ازرع وهم واجني وهم كلها اوهام = وليا ابتسم واحد هقيته حبيبي ماهي محبه يبتسم لك من العام = له حاجة(ن)ولياأنقضت وش يبيبي لا صار حظك مايساعدك تنظام = واشوف حظي كل يوم يغديبي ومليت من ترديد بكره وقدام = عيا يجي بكره وشمسي تغيبي ولا صار مالك واسطه عند الاعلام = وش فايده لو قيل مبدع رهيبي بالواسطه تكسر قوانين واحكام = بشهادة ممرض وتعمل طبيبي ولو منت شي يجملونك بهندام = وتصير نجم انجوم شي(ن)عجيبي ولا عم شعار(ن)كبيرين واهرام = بالعكس أنا النلميذ عند اللبيبي اقولها والوقت جاير وظلام = وياما ظلم غيري وربي حسيبي ونفسي عزيزه تكره الذل متلام = ولا مد يدي لو فضاء مابجيبي عندك خبر وش قال للزير همام = قال الكرامه فوق عشرة صحيبي ................................ اخواني اعضاء شبكة ويلان اليكم القصيده وارجو ان تنال اعجابكم غلا رابح تمـــنـيـتك بجــنـبي وارتــكـي يـمــك تحـــاكــيني=أبـــشكــي لـك ظروف الوقت وشرح لك معاناتي أبحـكي لك عن الـغــربــه ونـاره كيف تــكوينـي=وبشــرح لـك عن اغيـــابك وكــيف تـمر ساعاتي غريب وغربتي بعـدك وهـجير الشـوق يــضنيني=ونـاجي حـلمـك الـوردي واعيـشـه فـي كـتابـاتي اراجــع ذكـريـات الأمـس تـفـرحـنـي وتـبـكـيـني=وأقــول الله يــا زيـنـك ســعـاده مــن ســعـاداتــي إنا هــيـمـان فـي حـبـك ويــسـري فـي شـراييني=انا مـكـحـول دمـي حـب حـروف اسـمك عباراتي ألايـــا حــبي الــدايــم ســكـن قــلبي وكــافـيـني=وغــيــرك مــاقدر يعـرف وش اللي ساكـناً ذاتـي تــجـمـل يـا دواء روحــي دخـيـلـك لا تـخــلـيـنـي=دخـــيــلك تــسـمع القــصه وتـسـلا في خــيـالاتي رسمـتـك صـورة بــعــقــلـي اطالعـــها اتسـليني=وكـتبت اســمه < غــلا رابح> اداعبها بنظراتي وحــفظــة ألصوره بـقلبي وخيـالـك بــه يـناديني=اســامـر صـورتـك وحــدي يا أجـمـل كل لحظاتي اشـوفك فــرحـة أيـامي أحـسـك سـلوة اسـنـيني=اعـيـشك عـالـماً ثـانـي وتـشـك الـنـاس بـسكاتي فـضول اصحابي احرجني بكثرة قول وش فيني=تـكـرر عـذري الـمـفـضوح واجـامـل بـبتـسماتي ألا يــا عـشـقـي الـعــذري مـتـى قـربـك يدفـيـنـي=أبـيـك أتـضـمـنـي يـمـك وتـسـمـع صوت أهـاتي تــرى دنـياي بـغـيـابـك اتـعــبــنـي وتـشــقـيـنــي=إنــا لــولاك لــيـش اســعـى وليش اعد خطواتي إنــا مـليــت كـل الـنـاس تــعال ارجـوك خـاويـني=أبــي عـنـدك طـوال الــوقت ونـنسى كـل مـافـاتي تـعـال احــظـني بصـدرك بـحنان الحـب غـطـيني=أبــسـكـن بــيـن احـــظـانـك إذا ودك مــسـراتـي واذا احــد ســال عـنـي بــكــم الـبشـت ظـفــيـني=وقــولــي لـــه رابـح مـيـن؟ غـلط ماهو معرفاتي |
ديوان الشاعر::: رابح الغضيان:::
طيف العنود يا وجد حالي كل ما مر طيفه =طيف العنود اللي ذبحني هواها لا جيبت ابرقد بالغلا سل سيفه=وغليه وغلي طيفها من غلاها وجدي عليها وجد رملى ضعيفه=ماله قرايب وهجروها اقصراها تلوّعه بقعاء بحال ٍ كسيفه=والحظ الاقشر ساعده في شقاها والبيت طين ولا يذري سقيفه=وبعض الليالي ما تحصل عشاها ولا تبين الحاجة بطبعه عفيفه=صبور لكن صبرها ما قواها ماله بهالدينا سوى أمٍ كفيفه=ولها ولد صغير وآخر ضناها جيعان لكن ما تحصل رغيفه=تموت لا من صاح وإلا دعاها لا شافته يبكي تزايد رجيفه=وقامت تهل ادموعها من عناها من خوفها عليه حاله نحيفه=آخر أملها بالحياة وعزاها ترجيه يكبر له ويشغل وظيفه=وتطلب ولي الكون يقبل رجاها وانا رجايه بنت شيخ ٍ شريفه=محد ٍ بهالدنيا عرف وش وراها حبيبتي يا ناس ماله وصيفه=عقل وجمال وعال ٍ مستواها عطاه ربي مع جماله لطيفه=يا حظ من يقضي حياته معاها والله لو تسكن ديار الخليفه=دار الشيوخ اللي عزيز ٍ حماها لمشي وراها طوع من شان كيفه=وبيع ما أملك ودور رضاها واسكن بشارعها ومر برصيفه=يمكن تجي صدفه وفوز بلقاها ومن لا مني يا عل يفقد وليفه=ويبلا بعله ما يلاقي دواها ............................ دمي المحبره هيه يا للي غرامــك رحلتي للجنــــون = اشعل الشوق قلبي والغرام حطبي.. خوذي القلب ملكك بالعهد مايخون=الخيانه ماهي طبعي ولا مذهبي وخلي الرمش ظلك ورقــدي بالجفــون = ونزلـي يم صدري وبالضـلوع ألعبــي.. رتبيهن فداك اللي علي يسألون = وارجـعي بعثريهـــن زي ما ترغبــي.. بس تســـلا حـــياتي خلــهم يتعبــــون = دام هالمـلك ملكك قرري واشطبــي.. وانسجي لك قلم من أي ضلعٍ يكون = خلـي المـحبره دمــي ومنـها اسكبــي.. وسجـلي ذكرياتك بين ذيـك الطعـــون = أكتـبــي لــي أحبـــك أي شـي أكتبــي.. وكـان دقـات قلـبي ياغــلا يزعجــــون = اسكــني صـدري الأيمـن ولا تذهبــي.. ولاهــدا الجو عنـدك ياكحيل العيـون = غـردي مع مشاعرشاعــرك واطـربـي.. الله اللـي عطاك وصرت فينـي تمــون = صـرت كلـي حلالك بس قـل وشتبــي.. لـو طلبتي أعيـوني يالغـلا يرخصــون = لا حصـلي أرضـاكـم قلـت ذا مطلبـــي.. أنتــي اللــي جمـالك شاقنـي يافتـــون = فيك عين المهاة وفيك عنق الظبي.. ولاانجرفتي مع اللي بالجهل يغرقون=ولالهفتي وراء الموضه ولبس اجنبي كان بالــزين فـن أنتي مـلاك الفنــون = وكـان للزين شيخ أنتي عقيد عربـي.. لو يشوفك طفل باحضان امٍ حنون=يبتسم لك اعجاب ويندفع لك حبي كيف بعيوني ياللي عن غلاك يحكون=الشقى مبتليهن والعنى مركبي كل ماشفت زولك وأنت تمشي بهــون = قـمـت اكبـر واهــلل ياصـلاة النبــــي.. هذي اللـي اعيونـي لجلـها يســـهرون = وهـذي اللي سبت حالي وعقلي سبـي.. عاليه فوق عرش الزين لو يزعلــون = والبحــر مـاه كافـي ياغيـور اشربــي.. . .............................. الصقروالوز ويلان ربعي وفتخر حيل وعتز=في ربعي الويلان فخر ومعزه الصين تفخر بسورها كيف منجز=وحنا بوايل نفتخر كل حزه يومٍ انها بالسيف والطعن والكز=عدو عينك نطعنه ثم كزه وخوينا والضيف والجار في عز=وصديق جار الجار نال المعزه سيرة بني وايل تهز الوطى هز=من حدود صنعاء لين اريحا وغزه وكل القبايل عز والمملكه عز=حنا سعوديين تاااج المعزه واليوم تضحك يابو قصه وتغمز=وش عرفك غير المعسل تمزه الدحه اللي شفت اللموت ترمز=ماهي بشجرة قااات تفرح بجزه ترقص عليها الخيل واقلوبها تفز=زئير اسود وقلب مثلك تفزه وش يعجبك قلي ترى رقصتك هز=تربط لنا الوزره وخصرك تهزه الصقر مايشبه ترى طائر الوز=الوز يبقى وز والام وزه خلك على معسلك جالس ومغتز=وان مر زولٍ حاول انك تخزه وحرص على الخباز والفرن والقز=علوم القبايل خلها ياخو عزه |
رد: ديوان الشاعر::: رابح الغضيان:::
احبائي اعضاءوزوار هذا الصرح الشامخ بكم إليكم هذه المتواضعه أمل أن تنال رضاكم وكل عام وانتم بخير
يالله ياعالم خفي الكواليس=تزيل همٍ بين الاضلاع لاسي همٍ على قلبي بنا له متاريس=والصبر ما ينطاق والوقت قاسي وعجزت اميز سهلها والتضاريس=تشابه الاشكال عندي سواسي من خلقتي وانا اسمع بلقطة غليس=ودارالزمان وجابها فوق راسي ياطير ابن برمان وش جبت بالكيس=وش جبت لي ياطير وسط الكياسي مايشفي المرضان قولتك لا بيس=ولاينخدع راع الذهب بالنحاسي والنار ماتشعل بليا مقابيس=والبيت ما يعمر بدون الاساسي رمت بي ايامي بهيسٍ ولد هيس=الصحبه اللي من سببها انتكاسي كنت احسبه من كاسبين النواميس=اللي على الطولات والعز راسي غرتني الكشخه وزين الملابيس=وخدعني الديكورخلف اللباسي لو الرجاله بالمتر والمقاييس=عزالله كتوفه تهز المقاسي بالكذب والهذره بنا عرش بلقيس=وإلاالحقايق غير صفة كراسي يذبح ويصلخ في زمان المتاعيس=بفلوسه اصبح شيخ نسل الهلاسي مظهررجل والخافي ألعن من ابليس=وابليس ملعون النسب حيل خاسي همه يسافر يم لندن وباريس=ويرجع لنا(بربطه)وكعب المداسي ويقلد اخته بالعيون النواعيس=إلا ويقلدها ببعض اللباسي تشبهوا بالغرب بابا وقسيس=الله يستر ماتعمر كناسي والصحبه اللي مثل صحبتك يالهيس=احسن تفارق قبل تجرح احساسي أخوكم:رابح الغضيان ................ . . عطر ..لميس
ماعاد به تكفى ولاعاد تنقال=كلمه قديمه من يهزه صداها ؟ والغيره اللي نوب نلقى لها ظلال=قتلوا عياله والمعزب وطاها تبدلت يا سيدي حال في حال=حالٍ على الله حلها ومنتهاها زمان معك ريال تسوى به ريال=وتصيرفارس قوم فيك انتباها زمان فيه العولمه فعلها طال=ومن لادخل فيها سرح في حماها وبدل عرب صرنا طرب لال يا لال= انجازنا (غنوه) ومن مستواها ولاصار رب البيت للدف طبال=اكيد جاهلها كفيل بعماها راشد يذم رشيد , ورشيد محتال=وحنا الضحيه والهدف ومغزاها من قال هتلر مات هتلر ولازال=هتلر رسم خطه وخيه مشاها يا جيل صدقني ترى العود دجال=خطة صليبي والعريبي كلاها اقوالنا لعبه ولعبتهم افعال=وحنا نردد ياعساها عساها لاوين ياجيل الدعايه والارسال ؟=سلعة ردي الساس من هو شراها قتلن بنات شيوخ لعيون فريال=وفريال بنت الغرب نطلب رضاها شجاعنا يبكي على بعض الاطلال=وهامورنا يرقص ويدفع عشاها ادبك ورى ليلاك واربط لها الشال=والرقص دبكه وارقصوا يا قصراها واشتر عطر لميس يا طيب الفال=تحظى بلميس وخيها واقرباها يلعب علينا تاجر الفقر موال=يالعن ابو لميس واللي غذاها ماكل من ركب على الغتره عقال=قد العقال وكلمته لاحكاها إلا رجال الطيب للعز مدهال=عن الردى تكرم وتحشم لحاها من يفهم القصه يدرس له اجيال=ومن لا فهمها يعجبه محتواها ولازلت اقول رجال باقي به رجال=سيوف مسلوله على من نواها جبال الجزيرة يوم تذكر لها جبال=آل السعود اللي ذرانا بذراها لامال عفش شعيل تعباله حبال=يمشي ورجله فوق راسه ثناها ................... . . العيااداات
ياليتني ماجيت قسم العيادات=صادفت حوريه على صورة انسان ماني بيمه بس قالت سلامات=هي قالته : فرفشت من غير جنحان فكرت اكسبها ببيتين جزلات=قلت اسمعي شاقول ياعود ريحان من شان عينك باتفنن بالابيات=واصير لك شاعر وراوي وفنان بالشعر لي دوله تهابه دويلات=واهز واشنطن ولندن وطهران وعندي على بحور الشعر سبع موجات=واخيرك يازين باشكال والوان وبنيت في سطح القمر لي مدارات=اقطارها عينك ورمشك والاوجان وتردده يفوق كل القنوات=ارسالها همس ومشاعر ووجدان ياللي اسرتيني بسودٍ ظليلات=سبحان ربٍ صورك جل سبحان لو آصفك قالو خيال ودعايات=معقول فوق الارض يوجد كذا انسان تقول لي بالهون ياابو الخيالات=وبعض الخيال بدهورك في خبر كان تشر علي تقول دورك ترى فات=شف الممرض يزهمك دوركم حان هي صادقه نادوا علي خمس مرات=ماني هنا ياناس .. فيضت وديان هي طالعه وانا دخلت الملفات=ابي عيادة باطنه رحت الاسنان نسيت مافيني وعفت العلاجات=واصبحت متعافي ولاني بمرضان طلعت آبا اعرف وين راحت وبسكات=حصلت خيه يصرف علاج عجلان حركت وبسرعة قطعت الاشارات=الرنج راح وسايق الرنج بطران ضيعتها بالحي بين العمارات=فلل تشابه بالزوايا والاركان ضيعت بيته وسط حارة بهاوات=في حي راقي ما سكنه شخص طفران سيارتي شبهه , بحيه همارات=وفياقرا وجموس ماتشوف نيسان لفيت حارتها يجي عشر لفات=طلع علي جاره يقول انت سكران قلت العفو .. مضيعٍ لي قرابات=مامرك اسم فلان وفلان وفلان اسماء غريبه جبتها كيف هي جات=ناظر وقال الله يشافيك تعبان الله خلق خلقه وفيهم درجات=وهي بنت عز وزاد من شانها شان مصيفها بيروت وإلا الاهرامات=وانا مصيفي بين طلحه وشعبان الفرق واضح بيننا في علامات=وهقت نفسي كيف انا كنت غلطان قصده تعاطف يوم قالت سلامات=وجيتك من اقصايه على غير عنوان والموعد اللي من سنة بالعيادات=طوفته بساعة على شان الاعيان |
رد: ديوان الشاعر::: رابح الغضيان:::
هبوط اضطراري.......... ومن غير توقيت الرجاء قبولها واعذروني بالقصور يالطيبين........... ((طائر الشوووق))
البارحه بالحلم قبلت أياديك=واحرقتهن بالبوس من نار شوقي ومره اهلي بك ومره احييك=من وين هذا النور يانور موقي ؟ مدري شسولف لك ولا ادري وش اهديك=ياللي غرامك سال داخل عروقي عروق قلبٍ ياهوى البال ضاميك=قلبٍ على لاماك دايم يتوقي يازين حلمي يوم بالحلم اناديك=واداعبك بشويش واقول روقي وخذيت يدك يابعد يد مغليك=وحسستها صدري ونبضة خفوقي قلت اسمعي قلبٍ يحبك ويشريك=يمك يسوقه طائر الشوق سوقي انا اشهد ان الله من الزين معطيك=جمال فطري فاق مالا يفوقي فيك الحلا والذوق والملح كاسيك=ولمعة جبينك شمس عند الشروقي باسم الذي صورك ياريم يحميك=ويجبر عزا قلبٍ عليك محروقي المشكله لا جابوا الناس طاريك=اشرق بريقي يا عذابي وعوقي ماكنت احسبك تسرق انسان يغليك=لين انسرق قلبي واثرك السروقي أخوكم: رابح الغضيان |
رد: ديوان الشاعر::: رابح الغضيان:::
هبووووب-الوجــــد
ألاياتل قلبي تل بنزاً تله الحشاش=معه حملة حشيش وشاف دوريات وإنحاشي بليا اشعور دز البنز وفز البنز يوم إيناش=شرار البنز من خلفه تلامع كنها افلاشي رهن عمره على ثنتين حسبهن بالحياه ان عاش=حياة العز بين اهله وإلابالسجن عاشي حداه الدين والديّان يطالب في حلاله كاش=عطاه المهله اسبوعين ويقبض بعدهن كاشي ولاياوجدحالي وجد من ساقوه بالرشاش=اكلاشن كوف بكتوفه على غره وهو ماشي ثواني واختفا شوفه عيونه لبسوها شاش=ولايدري وش القصه ياغير القيد والشاشي ومضى عامين في سجنه ولايدرك وش اللي حاش=قضيه غامضه جداً لامجرم ولاهاشي على خلٍ ملك قلبي وعيني متخذها فراش=سهرت الليل من بعده كرهت النوم وفراشي حفيد شيوخ معروفه تفك الذود والأدباش=بزمان الرمح والشلفا وشبريه ونتاشي (بنيّت)شيخ مزيونه ولايذكر بأهلها لاش=ولاعمه ولاخاله ولاربعه بهم لاشي ابوخطوات موزونه مثل مشيت حمام الطاش=وخده لمعة مصقل بوسط اقتال وهواشي لياسلهم بذيك السود وناظرني بهن برماش=نسيت اسمي ورايح وين تشك اني بحشاشي سكرت امبيسمه والخد وعيونٍ هدبها اعكاش=وصوتٍ يخلف اليمه صهر قلبي على جاشي هبوب الوجد تلعبي وتدق القلب بالمهباش=وانا مابين سندانة هموم ودق مهباشي تمكن حبها بقلبي زرعته في خفايا الجاش=ولااصرّح بحبي له اداري هرجة الواشي ألايالله يامسقي غصونٍ يابسه برشاش=عقب وبلك يخضّر عودها من مّي رشاشي ترد الغايب لعيني قبل شوفه يجيها اغباش=دموع العين حراقه ومنها الشوف متلاشي أخووكم : رابح الغضيان |
رد: ديوان الشاعر::: رابح الغضيان:::
اليكم هذه القصيده وأتمنى ان تنال اعجابكم .......وترضي ذائقتكم عديل الروح
هلا ياقبلة الدنيا هلابك واسكن الاهداب=تمختر وسط بستانك حلالك مابها خشره تفضل صك بستانك غلا في منهج الاحباب=دخيلك ياعديل الروح ترى وسط الحشى جمره سئمت البعد ياعمري ترى جرح الزمن الهاب=ولو ادفع ثمن عمري غلاكم مالحق قدره انا لازارني طيفك خيال افتح له الابواب=اجل وشلون لو جيتي حقيقه يختلف امره ابي احكيلك معرفاتي دروس من الحياه اكتاب=حقايق يعرفه غيري مع العالم لها شهره اعرف أن الشجاعه قلب واكبر دليل عقاب=وعرف أن الكرم حاتم كريم الجودفي عصره وعرف الهيل من شمر وزين البال والترحاب=وعرف النخوه اعتيبه إذا جا فالخوي كسره وعرف أن الحميا عز رشيدي كان عض الناب=وعرف أن الخليجي غير قبايل طيب في ذكره وعرف أن الصداقه تااج ويحمل في كفوف اصحاب=وعرف أن الخيانه عيب ولا تعمر بها عشره وعرف أن الصحيح إيضيع أذا سولف لك الكذاب=وعرف أن المثل بيقول شجاعه تغلبه كثره وعرف أن الخطا تمشي طريق بلاهدف واسباب=وعرف أن التجارب درس شهادة وسمها خبره وعرف الحب من نظره وعرف ان الهواء غلاب=وعرف ان العيون تصيد وانا صادتني النظره وعرف أنك ملكتيني بعين وصوتك الجذاب=وعرف أني اسير الحب سجين وطالبي اسره وعرف إنك غريبة وصف ووصفك للحلا ينساب=وعرف إنك على قتلي جزوم وتدفعك جسره ترى هذي معرفاتي دروس من الحياه اكتاب=وحبك وعشقك واهواك ولاني ناكر العشره اخوكم رابح الغضيان |
رد: ديوان الشاعر::: رابح الغضيان:::
مع التحيه والاحترام للشاعر الجميل/شاعرالبيتين
ردٍ على اهداءه الجميل حيث قال
ليه أسبوعين يارابح ملاحظ لي=شيء غريب ٍ ولايطري على بالي من أول ٍ ناكر العشره يفض فض لي=واليوم ياصاحبي ماعاد يفضالي قام يتأخر برده ويتميرض لي=هو كيف ياخوك هذا الوضع يرضالي من عقب ماكان قبل أجيه يركض لي=مديت حبل الوصال وقطع حبالي وليا طلبته طلب ماعاد يرفض لي=ويقولي أنت تامر أمر ياالغالي ولايمشي الا على أمري ومن فضلي=مرات مر المذاق ومرة ٍ حالي ولو ما أعترض له يجيني ويتعرض لي=أشغل هجوسي وتفكيري وجوالي ورديت بهذه المتواضعه تقديراً لهذا الشاعر الرائع
نجمٍ سطع بالسماء عالي ويومض لي=وقفت احييه وارفع للفتى عقالي حييت ياللي بطاروقه تهّيض لي=يشكي هواء صاحبه والحب قتالي مالومك وماتعّرض لك تعّرضلي=والحب معروف بالاول وبالتالي لو به قوانين تفرض لك وتفرضلي=مايشتكي قيس ليلى عظمه البالي ولو به شجاعه وفتل اشناب والعضلي=كان اهتنوا فيه قومٍ تقطع الخالي احذر من احباب أخفّض لك وخفّض لي=عشرة مصالح عسى مال امها والي احرقني الوقت في فتله وينقضلي=واللي على بال رابح مادرى سالي والفضل ياسيد سيدي لـ لله الفضلي=والناس ياصاحبي دايم مع التالي وللجميع احترامي وتقديري اخوكم:رابح الغضيان |
رد: ديوان الشاعر::: رابح الغضيان:::
من الشاعر/الجميل محمد ابن مغيلث
يارابح اغضيـان مطلـوب فـوري=بالمنتـدى هـذا وطالبـك ديــان يارابـح غضيـان فجـرت طـوري=يومن قريت اسمك بلوحه وعنـوان اثرك عروفـن بالشعـر ومخبـوري=شاعر وتكتـب بالغـزل ياكحيـلان في مامضى بالمعرفـه والشهـوري=مابحت لي عن شعرك اللي له اثمان لاشك دونـك علتـي مـع نفـوري=مادمت شاعر هاك دمعي والاحـزان لي صاحبن يارابـح القـرم حـوري=حوري يابن عناز والقلـب لـه لان غروٍ جعل كـل الحواسـي تـدوري=ودارت حواسي صاحبك لـه يافـلان اللي وصاله لـي يشوبـه فتـوري=وعجزت لافهم مقصـده يالغضيـان؟ القلب مـن يمـه يلطـف شعـوري=ويرقص لها ساعه ويدبك له احيـان ويصفق اظلوعي والمعنى صبـوري=وصرت بتناقض بامتناعي والاذعان عجزت لاقدم وكل مقـدم جسـوري=في معركه مابه وسامـن ونيشـان تطحـن رحاهـا بالمعالـق وزوري=وسط الحشى ثارت مدافـع ودخـان النـوم مالـه للمغيلـث حضـوري=اقضيه كله يابيض القلـب سهـران ابي النصيحه من جنبكم و( sorry )=ان كـان انـا ازعجتكـم يابليهـان بيتيـن قلتـه ياجماعـه ظـروري=غصبن علي من ما بقلبي من اشجان رابح ودونك واقبلـه فـي سـروري=الطرح واضح وانت شاعر ولاتهـان دونك معاناتـي وعطنـي عبـوري=مادامنـي سطرتهـا بيـن ويـلان ورديت على ابوسعود
قرّب لي البراد عجل ضـروري=ربيع تلقيمه على جمـر خـدران أحمر على ذوقك ولاهو بغـوري=خل الغواري لأهل الشام ومعـان ساده بـلا نعنـاع خلـه يفـوري=لونه شفايف بنت عودٍ بالاسكـان البنت مزيونـه وفيهـا غـروري=هي اخر العنقود والعود بطـران اسكب لي الشاهي وشيلوا فطوري=الشاي كفانـي ولانـي بجيعـان وسبحت بالهاجوس غب البحوري=وجنيت منها عقد لؤلؤ ومرجـان جتني رسالة عطرها ورد جوري=من شاعرٍ في بدع الامثال فنـان دايم على الجزلات عزمه جسوري=بالطيب له منزل وبصمه وعنوان يالشمري لك عندنـا بالصـدوري=قدر وحشيمه والزماله لهـا شـان ياابن الطنايا يالكريـم الغيـوري=على العلوم الطيبـه فعلكـم بـان تاريخكم من ماضيات العصـوري=تشهد لكم حايل وسلمـى ورمـان لاتشتكي يالقرم خلـك صبـوري=قبلك وقع بالحب ذربين الايمـان الحب يامحمـد تـراه مخبـوري=عقاب العواجي والخفاجي وفرسان مابه شجاعـه ياوفـيّ الشبـوري=دمارشامـل زي ماتملـك ايـران وانا معك بالمال سجل حضـوري=من ريال للمليون في خدر الاعيان وان كان هي بالجاه دقيت زوري=عسى ردي الجاه يبـلا بخـذلان بجيب شيخان الجزيرة صقـوري=قحطان وعتيبه وشمـر وويـلان هذا جوابي وسمحوا بالقصـوري=ذيلتها بتوقيـع رابـح غضيـان وتقبلوا تحياتي أخوكم:رابح الغضيان |
رد: ديوان الشاعر::: رابح الغضيان:::
بدعوة كريمه من ناصرالشعر سمو الشيخ الشاعر/ناصربن حمد آل خليفه...........حفظه الله قلت هذه الابيات المتواضعه امام شموخ سموه الكريم أمل ان تنال رضاكم وذائقتكم
راكب اللي من موديله ميزوه=ولايجيك اقساط من بياعته قبل يصنع خططوا له وارسموه=بشاشة الحاسـوب قبل طباعته صانعه مايعترف في حب ابـوه=ولاتعلـم فـي حياتـه طاعتـه عبقري صنعه وبالمال اكرمـوه=مـن الطفولـه باينـه براعتـه بوذي الملـه ولكـن نصّـروه=طامعيـن بخبرتـه وصناعتـه رنـج روفرعز لـلـي وردوه=اشهد انـه مكسبـه ببضاعتـه يوم عرّض كنه الحـر ودعـوه=يشبهه في نوضتـه ولماعتـه ويوم قفـا بنـت شيـخٍ دلعـوه=مـن جمالـه زايـده مياعتـه نجـدة الفقـران يتفحـح بـ(أووه)=ليه حظي عنك قصّـر لاعتـه يتمنـى لوبجنبـه صــوروه=وتفتخر في صورتـه جماعتـه يـم ناصـر جهـزوه وكلفـوه=شبل شيـخٍ سيرتـه شجاعتـه وبالمنامـه لا وصلتـوا وقفـوه=عنـد قصر العز ياتباعتـه بالكرم والطيب ناصـر لقبـوه=والوفاء والجود هـو شماعتـه وللعدا ضرغام فارس جربـوه=سيف صارم بالوغـى قطاعتـه وللسلام شعار مـن عنـه يتـوه=من الشهامه منبعه ورضاعتـه فارسٍ شاعر صميـدع لا نخـوه=نصرة المضيوم هـي قناعتـه منبعٍ للطيب مـن جـده وابـوه=ولـه يميـنٍ بالمكـارم ناعتـه فاتـحٍ بابـه وغيـره سكـروه=يكرم اللي ظلم بقعـا صاعتـه ينفق الدينـار ماقال اكنـزوه=يوم غيـره يبخـل بولاعتـه يارفيع الشـان اسمـك علقـوه=في سنام المجد ماانـت بقاعتـه ياسلايل من على العليا عرفـوه=عاهـل البحريـن يارماعـتـه كل شعبه مـن ولاهـم يفتـدوه=بـارك الله بالعهـد وبساعتـه وتربة البحريـن دمـي لو بغوه=والمليك ارواحنـا في طاعتــه ربعه الويلان سور وحصنــوه=درع للبحرين عن طماعته جيّت اهني شعب في صرحٍ بنوه=دولةٍ فيها الولا ماباعته أخوكم:رابح الغضيان |
رد: ديوان الشاعر::: رابح الغضيان:::
أحبابي إليكم هذا الصوت من الشاعرالكبير/علي السابل
الكون زحمه و اعقل الناس مجنـون=واكبر مساحات العقل تمتلي شـات كنا عرب واللـي نـزل دونـا دون=واليوم صار الحي كلـه عمـارات والمجـد للـي بالملاسـن يفوقـون=والماضي الحاضر و ما فاتهم مـات طفل الشعر بيديـن الايـام غليـون=يلقط ضلوعه من عنا الوقت جمرات يا شاعري لو ضاق بانفاسك الكـون=غن بفضـاك وخلهـم للفضـاءات لوتنثر حروفك عبث صارت لحـون=لو تنظم انفاسك شعر صارت ابيات تكتب فرح فيـك الحزانـا يغنـون=تكتب حزن تشـب نـار المعانـات دامك شعر لا تجلس بكرسي الهـون=لا تمتطي للمجد صهـوة علاقـات دام انت ثابت قل لهـم وش تمنـون=ماني بحاجه ادفـع لعرفـي اثبـات رابح وغيري بالمواجـه يخسـرون=ليا اعتزيت بعـزوة ترفـع الـذات خل الفقر يشره على صيت قـارون=وحلم الثرى يوصل صفوف المجرات ورديت بصدى متواضع امام هذه الشامخه من شاعر شامخ بشعره وكرمه ورجولته
بستان من تفـاح والطلـع زيتـون=لاتندهـش هـذا زمـان الدعايـات والجو غايم ونمزج لون مـع لـون=ومدرّس التاريخ يصرف علاجـات والكون واسع يافتى الجود هالكـون=لوضاق في عين الردي كل الاوقات ماضاق كوني يوم غيري يضيقـون=طلعي سماء ورجلي تروم الطويلات ومن يدعي في شي من غير مضمون=يضحك على نفسه ويرسم خيـالات عمايـرٍ تبنـا ومـن ثلـج يبنـون=والشمس فضّاحـه وللثلـج بالـذات والفرق بحرف التاء نقطه عن النون=لواختلفنـا بالجـمـل والعـبـارات ومثلك يابن سابل رجـالٍ يعرفـون=لك بالشعر نظره ولك فيه بصمـات نبذه من ابياتك عن الغيـر يكفـون=تشبع شعر ماتشبع اهياط كشخـات والشعر لوله راس والسان وعيـون=كان اشتكى مـن عابديـن القنـوات الشعر ماينساق فـي سـوق تكفـون=ولاثابت إلامثل اجـاء والسـروات بغداد تحلم فـي فتوحـات هـارون=وهارون مات ولابقي بـه فتوحـات سميتني بالعـذب شكـراً وممنـون=شهـادة معلّـم تفـوق الشـهـادات |
رد: ديوان الشاعر::: رابح الغضيان:::
(بطل فيلم)
من لا عرف مدخله يضيع مخراجه=والناس ماهي سوا يمكن تصدقنـي والكذب سلعه رديه عنـد هراجـه=وحبٍ من النوع هذا مـا يوافقنـي لا صار حبك مزيف في رجا حاجه=من غير تمثيل خذ حاجتك واعتقني في نعمة الضوء ما نحتاج لسراجه=والنور نور الضماير يـا موهقنـي خدعتني بابتسامـه يـوم نتواجـه=وصدقت عينٍ بنظراتـه تلاحقنـي وغرّقتني بالكلام العذب وأمواجـه=وصبحت بيّدك على كيفك تغرّقنـي ولبست ثوب الحرير وسلك ديباجه=ومثّلت دور الحبيب وقلت عاشقني ماكنت داري عن التمثيل واخراجه=وانتي بطل فلم والتمثيـل شوقنـي وخلف الكواليس والمكنون بادراجه=بانت حقيقة غرامٍ كـان حارقنـي واليوم يا زارع البستـان وانتاجـه=هذي محاصيل حبـك لا ترافقنـي ولا عاد تشكي ولا تبكي وش تواجه=الله يوفـقـك وادع الله يوفقـنـي ومن لاعرف مدخله يضيع مخراجه=ويديّك ماهي سوا .. يازين صدقني أخوكم:رابح الغضيان |
رد: ديوان الشاعر::: رابح الغضيان:::
(مجنونة الشعر)
قصيدتي من بحور التيه جتني تتيه=وفتحت صـدري لهـا والقلـب حيّابهـا وثقتها صلب تفكيـري بعلـمٍ وجيـه=حتى لا مرت لبيب القـوم غنـا بهـا وحملتها الورد و والشعـر الرفيع النزيـه=وعففـت هندامها وطـرّزت جلبابـهـا مجنونـة الشعر يالمجنـون منّه و فيـه=وارسلتها لكفو تحضا به ويحضابهـا يم الفقيري خلف يشـوش ساعـة تجيـه=من روس قومٍ تهـاب القـوم مضرابهـا امد كفي وفا وانت اللبيب الفقيه =وربعك على الطيب دايم تشعب ركابها والا الردي عمر نفسي يا خلف ما تبيه=اعز نفسي عن الهزلة و طلابهـا ومالد للخلف والقاصر حشـا مااحتريـه=كذا تربيت من صغـري وانـا اولا بهـا وسود النوايا عرفنا وش تخطـط عليـه=وحقـك عليـه اذا اهتميـت بأسبابـهـا ومن يزرع الطيب بالجاحد خطا يرتجيه=ابعد عن الجاحديـن و طقة ابوابهـا وكلٍ علـى قـد مقـدوره تـقـدم إيديـه=والجوهرة ما خسـر بالسـوق جلابهـا ورسالة بدون ظرف يبان وش تحتويه=اللي دراها قراها قبل يبلا بها السالفة واضحة ما عاد تبغى نبيه=وان كان ترضابها اقنعنا ونرضابهـا رضاك يا الوايلي حنا ترا نشتريه =والا تركنا ديار الناس لاصحابهـا ماجيت اقبل كفـوف ولا اتوسـل اوجيـه=والناقصه والردىمن حظ من جابها وترا معمر ولو قالوا خبل او سفيه=بعض المسفه ينال الساقط اعجابها رابح الغضيان |
رد: ديوان الشاعر::: رابح الغضيان:::
جنة الـــــروح
يـاورد يافـلّ ياريحـان يـاكـادي=ياجنة الروح ياعطـري ويشمومـي ياشمعة الحـي ياحيـي ويامـرادي=يامهجتي لك غلا بالقلـب مرسومـي يا احلا من النوم لعيونـي بمرقـادي=في غيبتك جفن عيني حارب النومي ياللي تسيـدة قلبـي والغـلا سـادي=لاماك ياروح روحي تبعد اهمومـي مع كل طلت فجر لك شوق يـزدادي=وليا اقبل الليل صرت انطرك بحلومي مابين لذة دفـاك وعطـرك الهـادي=اشعلت شمع الغـرام وذاب بهدومـي انتي دواء سقم رابح وانتي الـزادي=وانتي هوايه ومطلوبـي وملزومـي العيد عيدين وانتـي ثالـث اعيـادي=ياقوم حالي علـى لامـاك ياقومـي دخيل خصرك وخدٍ كالبـدر بـادي=والعين عين الصقر والساق مبرومي لوسموا الغير غيرك شمعـة ابـلادي=انتي قمرنا بسمانا وغيرك انجومـي لو الغلا بالأشاعة ينعـرض عـادي=شيعة صدري وقلبٍ منـك مظيومـي ابيك تعرف وش اللي داخل فـؤادي=من بين ذيك الضلوع العوج مكتومي ياما على شارعك سـرداد مـردادي=ولاقيل لي ويش عندك قلت معزومي ياليت جدك حدا الجدين باجدادي=لو ليت منها عرفت اني بمحرومي تعال ابا غيـض عذالـي وحسـادي=تكفين ابا قول صار الزين مقسومـي ونهاية العبد يدفـن بيـن اللاحـادي=ماينفع الميت كثرة قـول مرحومـي رابح الغضيان |
| الساعة الآن (11:02 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه
