لاضاق صدرك واتعبتـك الكوابيـس=أزبن على راعي الوفـا والشهامـه
راعي العليا متعب الخيـل والعيـس=ياسعد عين اللـي يحطـه احزامـه
اليـوم قلبـي متعبتـه الهواجيـس=ولافـاد معـه النصـح ولاالملامـه
أول يبـي لارا واليـوم لامـيـس=تعبـت عطنـي الحـل يابواسامـه
المشكله باالحـب مايعـرف يقيـس=كل زول شافه قـال ظبـي العدامـه
اركض وراه ودوم نرجـع مفاليـس=قلب العنا مطفوف مـدري علامـه
انا كبـرت وهـو مايلعـن ابليـس=تطري عليه احيان يبغـى المنامـه
باقي خضر ويدورخلـف الكواليـس=يقول خل عنك الكسـل والرخامـه
انهض تلحلـح يابعيـد المراميـس=أنته صغيـر وفيـك ملـح وسامـه
اقول له ياقلـب هـذي وساويـس=درب الهوى ياشيـن هـم وندامـه
من قبلنا ياقلب وش صارمع قيـس=وعنتر وغيره من رجـال الزعامـه
أتعبتنـي ياقلـب ماتفتهم(هيـس)=والظاهـر انـك ماتبيلـي السلامـه
جمال شف لي حل مع (لقطة غليس)=وش حيلـتـي بالله يابـواسـامـه

حـي الله الشاعربعيدالمراميـس=يامرحبا بـك يازعيـم الزعامـه
حييت يـاراع الوفاءوالنواميـس=من حدعرعرليـن حـد المنامـه
قدرك حقيقي ماتشيلـه قراطيـس=ولاجهاز ومنتـدى مـن مقامـه
معزتك فوق الحكـي والمقاييـس=لك يابن وايل بالمواقف شهامـه
ماإنتى من اللي غايته منبع الكيس=يوم إن غيرك لي عليـه الملامـه
لك موقفن يشمخ على كل تدليس=منساه والله ليـن يـوم القيامـه
واليوم أنا برجع على ضمرالعيس=وأشوف قصدك ثم احـدد مرامـه
لك يابوفايز من براد النسانيـس=فزعت صديقـآ مايغيـر كلامـه
دواس قاعن يابعدي مابعد ديـس=وأذا تكلـم فـي كلامـه علامـه
درب الهوى يقرع علينا المراويس=وحنا دفعنا فـي طريقـه غرامـه
مانشوف راداراتهم والمداسيـس=نهيم بالسرعـه ولوهـي ندامـه
تعال لي وأنا بجنـب المحاميـس=واركب معي وأبشر بجوالفخامـه
والله يلو لميس تسكـن اباريـس=لاغيـر نوصلهـا بعـز وكرامـه
كان انها بالنار حنـا المقابيـس=وكان انها بالمال نمسك أخطامـه
نستغفر الرحمن لو نركب ابليـس=والقلب وين القلب عند الوسامـه
فرحان يالفدعاني.بس فصل وقيس=وأنا علي اللبس وإلـف العمامـه

المشاركة الأصلية كتبت بواسطة جنون الحلم (المشاركة 206727) كفو والله شي بالفعل رائع لاعدمانك علا شانك اختك جنون الحلم

المشاركة الأصلية كتبت بواسطة محمد الدلماني (المشاركة 206730) المشكله باالحب مايعـرف يقيـس كل زول شافه قال ظبـي العدامـه اركض وراه ودوم نرجع مفاليـس قلب العنا مطفوف مـدري علامـه الجميل فرحان الفدعاني صح لسانك على هالأبيات الجميله وصح لسان الشاعر جمال الرويلي على هالرد الطيب كان انها بالنار حنـا المقابيـس وكان انها بالمال نمسك أخطامـه

المشاركة الأصلية كتبت بواسطة ابن هندي (المشاركة 206791) الاخ فرحان الفدعاني........... صح لسان الجميع ........لارا ... ..ولميس ......اصبرو ابي اروح معكم .....

المشاركة الأصلية كتبت بواسطة خلف الغريب (المشاركة 206794) فرحان الفدعاني .. الف صح لسانك ولا هنت ... مشكلة القلوب الخضر .. شفت لي شايب مرة عمره فوق الثمانين يقول لي : انا صحيح شايب بس قلبي ما خط شاربه .. ( اخضر الماخوذ ) الف صح لسانك ولسان الرائع جمال الرويلي ويا ليت لو تدعيه لنا هنا في ويلان ... تحياتي لك ولجمال ..

المشاركة الأصلية كتبت بواسطة ابن ريحان (المشاركة 206887) اقول له ياقلـب هـذي وساويـس درب الهوى ياشيـن هـم وندامـه من قبلنا ياقلب وش صارمع قيـس وعنتر وغيره من رجـال الزعامـه أتعبتنـي ياقلـب ماتفتهم(هيـس) والظاهـر انـك ماتبيلـي السلامـه جمال شف لي حل مع (لقطة غليس) وش حيلـتـي بالله يابـواسـامـه صح لسانك اخوي فرحان قصيده جميله ومن شاعر جميل ورد جميل ومن شاعر اجمل يعطيك العافيه اخوي فرحان وتقبل مروري دمت بخير

المشاركة الأصلية كتبت بواسطة سلمان الفهد (المشاركة 206899) لاضاق صدرك واتعبتك الكوابيـس أزبن على راعي الوفـا والشهامـه صح لسانك والشاعر جمال الرويلي

المشاركة الأصلية كتبت بواسطة ماجد الجعفري (المشاركة 206939) الغالي فرحان الفدعاني صح لساانك .............ولاهنت مساجلة رااائعه .......... بينك وبين الشاعر الراائع جمال الرويلي وصح لسااانه ....على هذا الرد الرائع دمت بكل خير ....ودام هذا الحضور الجميل تقبل تحياااااااااتي

المشاركة الأصلية كتبت بواسطة طلال الايداء (المشاركة 206954) صح الله لسانك اخووووي فرحااان والجزل ماايجي الا من الجزل وصح الله لساان اخوووووي جمااال وننظر الجديد تقبل مروور اخوكـــ طلال الايدااااء

المشاركة الأصلية كتبت بواسطة العليا (المشاركة 207095) : : الصوت والصدى كلاهما جميلان وألف ألف صح لسانهما تقديري لك شاعرنا : :

المشاركة الأصلية كتبت بواسطة شاعر المعنى (المشاركة 207247) الاخ العزيز والغالي فرحان الفدعاني صح لسانك على كل بيت كتبته وصح لسان الشاعر جمال الرويلي وعلا شانك والله يكثر من امثالك وانا من المتابعين لك لانك شاعر بما تعني الكلمه تقبل اصدق التحايا شاعر المعنى

المشاركة الأصلية كتبت بواسطة مسعد النافل (المشاركة 207279) الاخ العزيز والغالي فرحان الفدعاني صح لسانك على كل بيت كتبته وصح لسان الشاعر جمال الرويلي وعلا شانك والله يكثر من امثالك وانا من المتابعين لك لانك شاعر بما تعني الكلمه تقبل اصدق التحايا مسعد النافل

المشاركة الأصلية كتبت بواسطة هندي المقبل (المشاركة 207827) فرحان الفدعاني شكرا لك على نقل هذه المساجله الشعريه بين شاعرين مميزين صح لسانك وصح السان الشاعر جمال الرويلي دمت بود

المشاركة الأصلية كتبت بواسطة البدر (المشاركة 208121) رائع يافرحان الفدعاني والظاهر انك ماراح توصل لنتيجه مع قلبك الله يعينك عليه صح لسانك

المشاركة الأصلية كتبت بواسطة فهد السلقاوي (المشاركة 210769) قصيده متعوب عليها عفيه يابن اخي عفيه والله انك كتبت قصيده من جد قصيده