ياراكبا ً مـن فاخـرات البنـوزي=وصل سلامي للاهل والعجـوزي
سلم على كـل المناعيـر ربعـي=عياش من بيـن البدايـد بـروزي
عياش ربعي وجد عينـي عليهـم=وجد الاسير اللي بسجن محجوزي
لمعان واللعاق مع سربـة غريـر=بلاز وظبيـان ربعـي وعـوزي
متروك ومعقل الكرامات والطيب=مقدارهم وسط الضمايـر ينـوزي
محد ٍ يلام بحـب ربعـه وناسـه=خصا ً ليا من صارو رجال ٍفوزي
فازو وحازو كل علـم ٍ يشـرف=يوم ان بعض الناس ماهي تحوزي
يوم انها بالسيف والرمح والخيـل=من هو على العياش يقدر يهـوزي
مامن ورى العياش كبسبٍ وعيشه=قد قالها اللـي بالملاقـا يجـوزي
ترمس على الموت الحمر بالملاقا=حمر النواظر ذاقو الهـم جـوزي
شراف شاهد له ويشهد له اسـلام=وقايعـن محـد ٍ عليهـا يشـوزي
يومنهـا طالـت ودارت رحاهـا=سيوف ربعي بالحناجر ركـوزي
عياش تقطع لك نمـا كـل عايـل=اللي توفى واللي عـاد بعكـوزي
هـذه تراهـا نبذتـن مـن نباهـم=عقدين لولو من جبـال الكنـوزي
غازي وضـاري بالقيـادة وغانـم=شاعر هل البل كل ذولا رمـوزي
مع باقي العياش مهديـن الارواح=من عرض دهماش العريبه عنوزي

المشاركة الأصلية كتبت بواسطة خلف الغريب (المشاركة 206844) صح لسانك اخوي جمال ... الف نعم بالعياش عموم وكافة الدهامشة .. تحياتي ..

المشاركة الأصلية كتبت بواسطة ابن ريحان (المشاركة 206884) يعطيك العافيه ونعم بمحددة الجمل ومن صلب وائل الله يعطيك العافيه والف شكر وننتظر جديدك تقبل مروري

المشاركة الأصلية كتبت بواسطة المعتمد (المشاركة 206886) عياش ربعي وجد عينـي عليهـم وجد الاسير اللي بسجن محجوزي والله بالف نعم بك وبربعك وصح لسانك

المشاركة الأصلية كتبت بواسطة سلمان الفهد (المشاركة 206898) صح لسانك اخوي جمال ..ابيات صعبه ومحبوكه

المشاركة الأصلية كتبت بواسطة طلال الايداء (المشاركة 206955) صح الله لساانكـ اخووووي جمااال لاهنت على النص الجميل ونعم في وبربعكـــ وفي و انتظاااار جديدكـ

المشاركة الأصلية كتبت بواسطة م. ماهر الصقري (المشاركة 207012) صح لسانك يالقرم والله وسبعة انعام بالعياش وبالدهامشة لاهنت ولاهان منطوقك دمت بخير

المشاركة الأصلية كتبت بواسطة ماجد الجعفري (المشاركة 207030) جمال اللميع صح لسااانك .....ولاهنت والنعم فيك وبربعك دمت بكل خير ....ودام هذا الحضور المتميز تقبل تحيااااااااااتي