عقب البطا سلام تسليمة اسلام=سلام ٍ انقا من بياض السحابي
ابطيت لكن عذري السمح قدام=واشكر جميع اللي نشد عن غيابي
وانا بخير و عادة ظروف الايام= تحجز ذهاب و ملتزم بالإيابي
ملزوم بالرجعه و تحرير الاقلام=دام القصيد الجزل يحسب حسابي
وانا و شعري عشقنا ما هو العام=رابي معي وانا معه كنت رابي
اليانخيته فز مفزوع ثم قام=كنه اخوي و منحبس من صوابي
وانا لياشفته مشتت و منضام=افزع.. ومن يجرأ على الشعر هابي
و مادام عزي في خوالي و الاعمام=والله ما اخيب هقوة اللي هقابي
و ياطير ياللي كل ماجيت حوام=زعجت لك بالصوت ثم جيت بابي
وصل سلامي من مداهيل الاكرام=للي يحل معقدات الصعابي
سلم على المطنوخ و الدرب قدام=والذيب ما يخشى عوات الذيابي
و قل له علوم المرجله درع و حزام=و انا تعبت اشوف قصف الرقابي
وقل تحرق الرمضا متاعيس الاقدام=والعين يحرقها جفول السرابي
والحر ما يخضع لمملوك ما دام=نفسه عزيزه لو يذوق العذابي
ويا صاحبي حسبي على بعض الاحكام=اسلاّ شوي هناك والقى صوابي
ارقام ترفعني و تطرحني ارقام=مدري حساب الوقت و الا حسابي
يا بري حالي كل ما مرت اعوام=وانا بعمق الوقت حزني غدابي
أدور المرسى و ثم اتجه شام=على نجوم الليل فكري سرابي
وقمت اتذكر ما مضا لي من ايام=قبل البس عقالي و افصّل ثيابي
عفوية الطفل و متاهات الاحلام=تملا حياتي قبل ملي المخابي
مكسور خاطر عايش الوقت باوهام=واحزاني تبكي عيون السحابي
محدود تفكيري وانا اشوفه حطام=ما كنت اميز ميلتي و انتصابي
آمال كانت لكن آمالي آلام=فجأه لقيت الغير ياخذ نصابي
و اسكت مدام الضيم في داخلي نام=والصمت ستر جروحي و كل ما بي
والعذر لاهل المعرفه و اهل الاكرام=على قصور القاف و ايضاً غيابي

وانا بخير و عـادة ظـروف الايـام
تحجـز ذهـاب و ملتـزم بالإيابـي

الحمدلله انك بخير وصح لسانك ياسعد

دمت بود واسأل الله لك التوفيق

المشاركة الأصلية كتبت بواسطة هندي المقبل (المشاركة 212122) الشاعر سعد النفج ستبقى شامخا في غيابك وحضورك حينما تغيب تأتي بالغنيمه ... وغنيمه ليست اي غنيمه بل رائعه شعريه من ذائقه لاتقبل الهزل ابدا صح لسانك ياسعد وان شاء الله تلحق الي في خاطرك تقبل اعجابي

المشاركة الأصلية كتبت بواسطة احساس شاعر (المشاركة 212127) السلام عليكم ورحمة الله وبركاته مسأكم الله با الخير اخوي سعد النفج صح السانك وتقبل تحياتي وتقديري

المشاركة الأصلية كتبت بواسطة ابن هندي (المشاركة 212137) الرائع سعد النفج ابداع من مبدع ..الله يعطيك العافيه صح لسانك

المشاركة الأصلية كتبت بواسطة خلف الغريب (المشاركة 212142) عقب البطـا سـلام تسليمـة اسـلام ................سلام ٍ انقـا مـن بيـاض السحابـي ابطيت لكـن عـذري السمـح قـدام .................واشكر جميع اللي نشد عـن غيابـي وانا بخير و عـادة ظـروف الايـام .................تحجـز ذهـاب و ملتـزم بالإيابـي ملزوم بالرجعـه و تحريـر الاقـلام ................دام القصيد الجزل يحسـب حسابـي وانا و شعري عشقنا ما هـو العـام ................رابي معي وانـا معـه كنـت رابـي اليانخيتـه فـز مفـزوع ثـم قــام ................كنه اخوي و منحبس مـن صوابـي وانـا لياشفتـه مشتـت و منضـام ..............افزع.. ومن يجرأ على الشعر هابـي و مادام عزي في خوالي و الاعمـام ................والله ما اخيب هقـوة اللـي هقابـي وعليكم السلام ورحمة الله وبركاته يا سعد.. وكفو والف صح لسانك على رائعتك .. لا غبت غبت وعادتي لا عدت مارجع بالهزيل ...( هنا هذا البيت ينطبق على سعد ) جزل يا سعد ولا هنت وشبكة ويلان تفخر بوجود مثلك في جنباتها ... تحيايت لك وكل عام وانت بخير واستأذن المشرفين الكرام بالتثبيت ..

المشاركة الأصلية كتبت بواسطة ماجد الجعفري (المشاركة 212143) الغاااالي سعد النفج صح لسااانك ...ولاهنت قصيدة راائعه بالفعل .... اعتلت قمة الروعه .. حبكه شعريه من شاعر جزل ...تخللها الأحساس الصادق والنقي .... . . غبت عنا لكن حضرة بكل قوة لتنسينا ذلك الغياااب الذي لا نرضااه منك .. .ولكن ما يشفعلك هو انك عريس وقد يكون الزواج اشغلك وابعدك عنا قليلاً نتمنى ان لا يطيل غيااابك اهلاً بك وبعودتك ... وسجل اعجااابي بهذا النص الشاامخ الذي راضيتنا به دمت بكل خير ...وداام هذا التميز تقبل جل تقديري واحتراااامي

المشاركة الأصلية كتبت بواسطة بدرفهد الجعفري (المشاركة 212150) الشاعر سعد النفج صح لسانك قصيده جزله من شاعر لاياتي الا بالجزل كعادتك نجما حينما تحضر ونجما في الغياب كفو والف مليون صح لسانك

المشاركة الأصلية كتبت بواسطة الجادل (المشاركة 212181) اخوي سعد ........ حضور مشرف وقصيدة شامخة ,,, صح لسانك ملايين

المشاركة الأصلية كتبت بواسطة صالح الجطيلي (المشاركة 212284) وانا بخير و عـادة ظـروف الايـام تحجـز ذهـاب و ملتـزم بالإيابـي الحمدلله انك بخير وصح لسانك ياسعد دمت بود واسأل الله لك التوفيق

المشاركة الأصلية كتبت بواسطة سالم صالح (المشاركة 212423) الشاعر المبدع سعد النفج اهلا بك في غيابك وحضورك صح السانك ودائما وانت رائع واعتقد من يكتب بهذه الجزالة لن ينسى خصوصاً اذا كان باخلاق سعد تقبل تقديري واعجابي

المشاركة الأصلية كتبت بواسطة تركي صالح (المشاركة 212561) المبدع دومً الشاعر / سعد النفج رائع رائع يا سعد متميز ومبدع دائمً أتقنت وتفننت بهذه الرائعه وكأنك كتبت عن ما يجول في خاطري كلماتً جزله من شاعراً جزل تشرفت بتصفحي لها وقراءتها لله درك على هذه الابداع وكم هو رائع وجميل من الشاعر بأن يبلور ما يجول في خاطره بهذه الحرفنه وهذا الاتقان المميز شاعراً تبهرنا دائمً بما تقدمه لنا دمت وسلمت وتقبل فائق التقدير والاحترام

المشاركة الأصلية كتبت بواسطة الخالدي (المشاركة 212636) الشاعر سعد النفج عساك ماتغيب الا عن الشر صح لسانك على هذه القصيده الجمليه تقبل اعجابي

المشاركة الأصلية كتبت بواسطة عاشق المعالي (المشاركة 212646) صح لسانك ياسعد ليس الابداع بغريبا عليك فـأنت موطنه تقبل اعجابي