موال وبيتين بعد استلام الاشراف والطارف سديد
سلام مني على ربعي رجال اللزوم= عداد مايبرق البراق بين الغيوم يالله عساني من اللي بالمهمه يقوم= والارض يجبالها والدار برجالها
سلام مني على ربعي كعام الطليب = اقولها والعرب مبطي يقولونها يالشاعر الي تودي علم والا تجيب=نبغى السوالف معك ينباح مكنونها |
رد: موال وبيتين بعد استلام الاشراف والطارف سديد
سلامه
صح لسانك ومبروك مهمة الاشراف وتستاهل كل خير |
رد: موال وبيتين بعد استلام الاشراف والطارف سديد
يامرحبا بالعميل اللي عطوه الوسام = ماعطوه الا لأنه رجل قد المهام وانته مقامك كبير ونظرتك للامام = الارض بجبالها والدار برجالها
يامرحبا بالعميل اللي ترشح نقيب = سر المعاني يابن عمي على هونها اصعد براس الجبل لاتنزل امع الشعيب = والكلمه الثانيه مالوني بلونها |
رد: موال وبيتين بعد استلام الاشراف والطارف سديد
صح لسانك مشرفنا العزيز سلامه والى الامام والف مبروك
وصح لسانك ياسعوط المجانين رائعين-----كما عوتمونا الله يعطيكم العافيه متااااااااااااابع |
رد: موال وبيتين بعد استلام الاشراف والطارف سديد
صح لسانك مشرفنا الغالي سلامه والى الامام والف مبروك الاشراف وتستاهل وصح لسانك ياسعوط المجانين شعراء مبدعين وتراي بين الصفين |
رد: موال وبيتين بعد استلام الاشراف والطارف سديد
دام البقا والنشاما ماعليهم قصور= وانته بعد تصلح تسلم زمام الامور لو انك احيان رجال ٍ تلف وتدور= والارض بجبالها والدار برجالها
دام البقا واعرف ان الطيب يجزى بطيب = والا الامانه تراها عند مامونها مانته من اللي طريقه فيه شك ٍ وريب = وش فيك عودت جمره فوق غليونها |
رد: موال وبيتين بعد استلام الاشراف والطارف سديد
اشكر جميع المتابعين بدون تخصيص
لهم جزيل الشكر |
رد: موال وبيتين بعد استلام الاشراف والطارف سديد
الله يعزك ولكن لاتضيع الحقوق = انا رجل ماألف وفي حياتي صدوق ليش التهم وانت رجال ٍ حبيب وخلوق = الارض بجبالها والدار برجالها
من بعد جساس ماخان برفيقه كليب = رحل كليب ولقى له دار من دونها انا احسب انك لبيب آثرك منته لبيب = مير انتبه للذياب السحم وسنونها |
رد: موال وبيتين بعد استلام الاشراف والطارف سديد
ابن هندي , نافع الجديد , سعد النفج
لاهنتم على المرور وصحة ابدانكم |
رد: موال وبيتين بعد استلام الاشراف والطارف سديد
تعديل البيت
انا احسبك لبيب آثرك منته لبيب = مير انتبه للذياب السحم وسنونها
|
رد: موال وبيتين بعد استلام الاشراف والطارف سديد
مـــــــتابع
عساكم سالمين جميعا |
رد: موال وبيتين بعد استلام الاشراف والطارف سديد
الله لايهينكم
سلامه الجعفري سعوط المجانين صح السنتكم جميعاً وانا تراني داخل الصف |
رد: موال وبيتين بعد استلام الاشراف والطارف سديد
:more45:<<هبوووب تمر من جمب الصفوف بسيارتها وتناظر |
رد: موال وبيتين بعد استلام الاشراف والطارف سديد
الصدق طيب وبين الناس راعيه زين =وانا ماحطك يسار القوم والا يمين لكن ليا انك زعلت ابشر بسمن وسمين = والارض بجبالها والدار برجالها
ناس ٍ بليا نصيب وناس تلقا نصيب = خلك بشونك وخل الناس في شونها اللي يوصف علاج الجرح عند الطيبب= ملقوف واهل اللقافه مايخلونها |
رد: موال وبيتين بعد استلام الاشراف والطارف سديد
انته علومك تجي من كل حدب ٍ وصوب = احيان تهرج شمال احيان تهرج جنوب مير اعتنز بي ليا ضاقت عليك الدروب = والارض بجبالها والدار برجالها
مانرجي المد غير امن السميع الرقيب = يوم اكثر الناس بعض الناس يعطونها انته طبيب وجروحك من سنه ماتطيب = ياوجد حال العلوم اللي تقولونها |
رد: موال وبيتين بعد استلام الاشراف والطارف سديد
الله على الابداع ..
صح لسانك اخوي سلامة ومبروك الاشراف وتستاهل يا بعدي بس انتبه من سعوط المجانين تراه بلشة الله يامنك .. الف صح لسانك يا سعوط المجانين وعز الله انك مبدع .. طارووووق كاااااااااايف ولا زلنا بشوق للمتابعة .. وااصلواااااااااااا.. |
رد: موال وبيتين بعد استلام الاشراف والطارف سديد
سلمتوا على هذا الابداع
وترونا متابعين بحماااااااااااااااااااااس الله يقويكم |
رد: موال وبيتين بعد استلام الاشراف والطارف سديد
الله الله على الابداع شي جميل ورائع عساكم ع القوهـ متابع بس عالفرشه مو بالسيارة زي هبوب |
رد: موال وبيتين بعد استلام الاشراف والطارف سديد
سلامه الجعفري مبروك على الشراف اولا سعوط المجانين صح الله السنتكم0 |
| الساعة الآن (11:11 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه