يالله ياجال الامور المهمه= تجلا وهج قلب برا حال راعيه
البر دجته والبحر رحت يمه= يقطعك ياحظ على الله مساعيه
يوم ان ولد اللاش رزقه على امه= رزقي على اللي ميت القشع يحييه
يامل قلب كل مامات همه= دارت دواليب الدهر لين تحييه
فراق شمل الناس عيا يلمه= وقت يشيب الراس من شاية فيه
احد ينام وحاط راسه بكمه =واحد تخم النوم عينه وتخطيه
واحد يحاول بالردى بنت عمه= واحد يحاول ستر عذرى عوانيه
ماني وانا بندر ببياع دمه= يقطعك يابياع دمه ومهفيه
اللي يبيع لابسات الازمه= ثور يبابيض الرعابيب تغنيه
يزعل ليا جت ليلة الدور يمه= يرضى بسوق المال فخوه وفابيه
خطو البخيل اللي يكبر معمه= يقرا الكتاب وواجب الله يخليه
إمر هرج لك في رفيقه بنمه= والا عطا وامه تضيع هقاويه
أنشدك ياللي كل فرض تتمه= تقرا الكتاب وكل فرض تصليه
ويش القليب اللي غميق مجمه= مافاد غرسه ماه وعطشى سوانيه
تخالف الانظار شرق ويمه= وكل هدف رآيه من الناس مرضيه
سم السبب ياعارف عنه سمه= سم السبب ياعارفه قبل اسميه

المشاركة الأصلية كتبت بواسطة صقر الصقور (المشاركة 223384) نافع بيض الله وجهك وتسلم يمناك على االاختيار الجزل لاهنت يالقرم تقبل مروري دمت بود

المشاركة الأصلية كتبت بواسطة الجوكر (المشاركة 223404) الله الله الله على هذه الباذخه للشاعر المرحوم بندر بن سرور اجاده بنقل المميز اخوي نافع تقديري

المشاركة الأصلية كتبت بواسطة البدر (المشاركة 223481) الشاعر نافع الجديد شكرا لك على نقل هذه القصيده المميزه لشاعر كبير هو بندر بن سرور لكني اعتب عليك لعدم ذكر اسم الشاعر حفاظا على حقوقه وبما انك مشرف هذا القسم اتمنى منكم وضع قانون يجبر الناقل لأي قصيده ان يضع اسم الشاعر وشكرا

المشاركة الأصلية كتبت بواسطة عاشق المشتاق (المشاركة 225441) تسلم يانافع على جزل نافع اختيارك لرائعت بندر سرور يحضالك بالتقدير عند محبين روائع الشعر. اسمح لي بالمرور شدي على رسم المواقيف همه = يثبت بها درس على حرف حييه شدى مع نافع راع المهمه = يختار جزل الشعر مسند لاهليه

المشاركة الأصلية كتبت بواسطة صقر وايل (المشاركة 225443) الشاعر نافع الجديد الله يعطيك العافيه على نفل قصيده الشاعر الكبير بندر بن سرور تقبل تحياتي

المشاركة الأصلية كتبت بواسطة ابن هندي (المشاركة 225470) سلمت يانافع فعلا قصيده رائعه رحم الله شاعرها وابقى ناقلها دمت بكل خير