الطارف سديد
هذه المحاورة جرت بين الشاعرين ابن هندي وسعوط المجانين نسقناها لتسهل قراءتها سعوط المجانين
والله اني لي ايام ٍ حزين ٍ وضايـق=كل يوم ٍ نودع فـي زمنّـا فقيـده ماش حيله مدام الموت حال الخلايق=الله انـه يمتعنـا العمـار المديـده بن هندي
العمر حاسبه ربي بيوم ودقايق=وبشر الصابرين الله يرحم عبيده ونت خايف تموت وخابرن لك حقايق=لاكن ان الخبر محفوظ وسط الجريده سعوط المجانين
موترك ينقصه رخصه جديده وسايق=لاتعوّد ورا والدرب مكتـوب سيـده ماحسبنا حسـاب ٍ للتهـم واللفايـق=كل ٍ رجل ٍ يابن هندي مايجهل رصيده ابن هندي
موتري قايده بطران والفكر رايق=ومن وقف وسط خطه مابقيله شريده لاتوقف على جال القليب وتهايق=ونت رجال بك دوخه ورعشه شديده سعوط المجانين
لابغيت انهي الموساد بااربع دقايـق=مستعد ٍ ولاهي عن يمينـي بعيـده علمك اللي يجي من دون بند الوثايق=ماشغل بال سكان اليمـن والحديـده ابن هندي
انت عارف مفاتيح القفول الغلايق=اوثقو فيك وعطوك العلوم المفيده والله اني لحدك في جميع الطرايق=تحسب انك تصيد وصرت لناس صيده سعوط المجانين
يابن هندي انا طالبك طـف الحرايـق=قدم لاتشتعل من فوق راسـك وقيـده تحسب ٍ انك تعوق الولدعي منت عايق=مير وفر جهـودك يامطـوع بريـده ابن هندي
ادري انك على المشوار منته بطايق = ونارنا مايطيفيها خطاة الوليده منت شاهر ولا انت قريبن لبن شايق=والله انه يعز الدين وهل العقيده سعوط المجانين
بالجريده مسجل عسكري غير لايق=لكن الله يبارك باللوا مـع عميـده انت دوبك على القلطه بديت اتوايق=مير ماظن تصمل بالليال الشديـده ابن هندي
ماحسبنا حساب مجددين البطايق=والشجر كان مابه ضل قطع جريده لاكن اليوم بشرني عسى مانت ضايق=والسوالف معك حلوه و متعه مفيده |
رد: الطارف سديد
العمر حاسبه ربي بيوم ودقايق==وبشر الصابرين الله يرحم عبيده
ونت خايف تموت وخابرن لك حقايق=لاكن ان الخبر محفوظ وسط الجريده |
رد: الطارف سديد
الله الله
ابن هندي الشطر الاول لو تنتبه له فيه خلل واما باقي البيوت تمام التمام استلم يالذيب
موترك ينقصه رخصه جديده وسايق = لاتعوّد ورا والدرب مكتوب سيده ماحسبنا حساب ٍ للتهم واللفايق = كل ٍ رجل ٍ يابن هندي مايجهل رصيده |
رد: الطارف سديد
المعذره يابن هندي قريت _ حاسبه _ غلط شطرك موزون وانا اعتذرلك لابارك الله بالعجله
تقديري |
رد: الطارف سديد
سلمت ودمت يالغالي --اخر اليل كل شي يجوز -ولا استغني عن التوجيه
موتري قايده بطران والفكر رايق-- ومن وقف وسط خطه مابقيله شريده لاتوقف على جال القليب وتهايق---ونت رجال بك دوخه ورعشه شديده |
رد: الطارف سديد
لابغيت انهي الموساد بااربع دقايق = مستعد ٍ ولاهي عن يميني بعيده علمك اللي يجي من دون بند الوثايق = ماشغل بال سكان اليمن والحديده |
رد: الطارف سديد
انت عارف مفاتيح القفول الغلايق---اوثقو فيك وعطوك العلوم المفيده
والله اني لحدك في جميع الطرايق---تحسب انك تصيد وصرت لناس صيده |
رد: الطارف سديد
وش رايك نكمل بكره ان شاء الله لاني نمت علا المركاء--
وبكره دوام |
رد: الطارف سديد
:more45: خلوووووووووووووووووووووووووها |
رد: الطارف سديد
على راحتك والموعد باتسر اجل بإذن الله
|
رد: الطارف سديد
الله يستر طاروق من اوله مشكلة ..
دائما مبدعين يا ابن هندي ويا سعوط المجانين.. متابع بس خفت تدعسني هبوب وطلعت من بين الصفوف .. |
رد: الطارف سديد
شعار من الوزن الثقيل
مبدعين لاهنتو وتراي بين الصفوف |
رد: الطارف سديد
صحت السنتكم
مبدعين وحنا متابعين |
رد: الطارف سديد
يابن هندي انا طالبك طف الحرايق = قدم لاتشتعل من فوق راسك وقيده تحسب ٍ انك تعوق الولدعي منت عايق = مير وفر جهودك يامطوع بريده |
رد: الطارف سديد
هبوب العنزي , خلف الغريب , نافع الجديد , كاتب الجعفري
لاهنتو جميع وبيض الله وجيهكم شرفتونا |
رد: الطارف سديد
ادري انك على المشوار منته بطايق = ونارنا مايطيفيها خطاة الوليده
منت شاهر ولا انت قريبن لبن شايق--والله انه يعز الدين وهل العقيده |
رد: الطارف سديد
صح لسانكم جميعا وقواكم الله متابعين لكم
يابن هندي انا طالبك طـف الحرايـق قدم لاتشتعل من فوق راسـك وقيـده تحسب ٍ انك تعوق الولدعي منت عايق مير وفـر جهـودك يامطـوع بريـده |
رد: الطارف سديد
هبوب العنزي , خلف الغريب , نافع الجديد , كاتب الجعفري 0 محمد الدلماني
مروركم اسعدنا وحضوركم شرف لنا تحياتي للجميع |
رد: الطارف سديد
ابن هندي سعوط المجانين سلمتو على هذا الابداع طاروق يشوق للعب0 تحياتي لكم |
رد: الطارف سديد
بالجريده مسجل عسكري غير لايق = لكن الله يبارك باللوا مع عميده انت دوبك على القلطه بديت اتوايق = مير ماظن تصمل بالليال الشديده |
رد: الطارف سديد
محمد الدلماني , حمد الخمعلي
لاهنتم وشرفتونا بالمرور |
رد: الطارف سديد
شعراء مبدعين
ابن هندي وسعوط المجانين دمتم بكل أبداع متابعين لكم بحماس |
رد: الطارف سديد
ماحسبنا حساب مجددين البطايق---والشجر كان مابه ضل قطع جريده
لاكن اليوم بشرني عسى مانت ضايق--والسوالف معك حلوه و متعه مفيده كل الشكر لك على سعه صدرك -- تقبل تحياتي وتشرفت بالمحاوله معك |
رد: الطارف سديد
صح لسانك يابن هندي ولاهنت
واشكر جميع من قام بالمرور تقديري |
رد: الطارف سديد
صح لسانكم جميعا وقواكم الله
|
رد: الطارف سديد
سعوط المجانين
ابن هندي من عمالقة الشعر اشكر لكما هذا الابداع تقديري |
| الساعة الآن (01:35 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه