اصلك قزاز وظاهرك بارق الماس = واللي يشوفك يحسب انك عظيمه
الحب مايقبل مشاعر بلا ساس = لاصرت مظهر والمشاعر عديمه
ياللي خذيت الحب ربح" للفلاس = ترى التلاعب بالمشاعر جريمه
حتى الصبر وياك وصلني لياس = ياليش بصبر والنتيجه عقيمه
احلم واشوف الحظ صاير لي امواس = يقطع جناح الحلم واشرب اليمه
ياما عطيتك بالغلا دون مقياس = واخر نتيجه هالعطايا ظليمه
لعب التطور وكذبة الاسم ريماس = ماله معي مصلوح وعدة سليمه
غيري كثير" يشرب الحب من كاس = (برستيج)مظهر يقبل باسم ريمه
ومن لايودك لا تواااسيه بالناس = بعض البشر مايستحق الحشيمه
يعني(قزاااز) وظاهرك بارق الماس = بارق ولكن للاسف دون (قيمــه)

الشاعر القدير طلال الايداء

صح لسانك ولاهنت

بوحك جميل وعذب

دمت بهذا التآلق عزيزي

تحياتي