الى عائله من جمبها لغز عاجل
ياعرب من جمبها انا الشيخه العرجاء ..تعال جاي يانافع:sm31:
ناد العائله الكريمه من جمبها وحاولوا تحلون اللغز ,,, والى بيحله له سياره (جاكور كحلى )مع كيسين شعير هديه :more42: ياراكب اللي مايداني الصفيري هميلعن من نقوه الهجن سرساح امه نعامه وضربوها ببعيري جاء مشبهاني على خف وجناح يسرح من الطايف ويمشي العصيري والسوق والبصره دهجهم بمرواح واليا ورد يشرب من ثمانين بيري ولا يشرب الا من على قمه ارماح ياويش هو شيء طويلن قصيري يسبق زعاجيل الهواء يوم تنساح اي انتم حطوا رمعاتكم لين اجي من سفرتي القصيره لمدة يومين والموعد السبت اعلق على رمعاتكم ياعائله من جمبها,,, مشاعل وقص رقبه اذا حسيتي انك بتجبين العيد سكري جهازك وصمه:sm10: |
رد: الى عائله من جمبها لغز عاجل
اي اي نسيت اقولكم ترا الحل مفاجأأأأأأأأأأأأأأأأأأأأأأأأأه:sm156: |
رد: الى عائله من جمبها لغز عاجل
ياتركي بن حميد وش ذا البعيري
ماتجلبونه كان تبغون الارباح لا عاد له خف وجناحن يطيري انا اذكر الله راكبه كيف ما طاح أنا لقيت الكذب في كل اميري ويا حلو كذب مروية علط الارماح كيف النعامه نوخت للبعيري أقول ذا كذب على الناس فضاح |
رد: الى عائله من جمبها لغز عاجل
أنا لقيت الكذب في كل اميري
ويا حلو كذب مروية علط الارماح ------- هذا البعير طلبيه مستحيله تحياتي |
رد: الى عائله من جمبها لغز عاجل
ياتركي بن حميد وش ذا البعيري = ماتجلبونه كان تبغون الارباح لا عاد له خف وجناحن يطيري = انا اذكر الله راكبه كيف ما طاح أنا لقيت الكذب في كل اميري = ويا حلو كذب مروية علط الارماح كيف النعامه نوخت للبعيري = أقول ذا كذب على الناس فضاح الله يعطيك العافيه يانافع ماقصرت يالذيب لك تحياتي |
رد: الى عائله من جمبها لغز عاجل
هاذي والله البلشه ما أحد رمع عشان يوضح اللغز شوي
يعني لورمعت هاالحين رح أصير بوجه المدفع وأنضم رسميا الى عائلة من جنبها الله يعين ..................................وش الحل أقول أبي أرمع وأتكل على الله أما صابت وفزت باالسياره وهذا اللي ماظنيته والأ خابت وأنضميت للعائله رسميا ماهو حرف الألف (أ) الله يستر تحياتي وتقديري |
رد: الى عائله من جمبها لغز عاجل
عوووودت والعودوووووووووووووووووو احمدوووووووو<<<من زين هالخشه هالعوده:sm47: هبووووب<<<تطل مع دريشه الموضوع وتنتفظ وتقول حتى انا ما اعرف الحل وشوو الحل:sm31: :sm266: ماعندي حل امزح معكم بس لاتطقوني تكفون ما اعودها نوبه ثانيه |
رد: الى عائله من جمبها لغز عاجل
حسبي الله عليك ياهبوب ماتعرفين الحل أقوووووول فكي عمرك واهربي قبل لايجي نافع :sm127: شكله بينزل فيك حكم قضائي ,,,,,:more55: |
رد: الى عائله من جمبها لغز عاجل
ههههههههههههههههههههههههه
وانا اقول ليش ههبوب متغيبه عن الساحه على العموم تم تعيينك شيخة شمل عائلة من جنبها نتيجه طرحك للغز وانتي ماتعرفي حله |
رد: الى عائله من جمبها لغز عاجل
هذا النص ماكان بين تركي بن حميد وابن هنود الحربي؟
فشلتينا ياهبووووب وش يفكنا من شماته نافع اااخ يالقهر ودي اكفخ هبووووب تكفيخ هبوب عندي رمعه بس اخاف اجيب العيد |
رد: الى عائله من جمبها لغز عاجل
لا لا لا يامشاعل هههههههههههههههههههههه خلي رمعتك بينك وبين هبووووب هبوب يعطيك العافيه على هالغز الصعب تحيااتي نافع |
رد: الى عائله من جمبها لغز عاجل
مشاعلووووووووووووووووه شوفي ان كتبتي رمعتك حرام غير :sm119: اجرحك بموس ثم احط على الجرح ملح غير تناقزين لين يخيب ثناك:more52: هبوووب<<<شايفه طريقه التعذيب في فلم وبجربها على جلد مشاعل ان قالت رمعتها:sm156: |
رد: الى عائله من جمبها لغز عاجل
هبوب يعطيك العافيه على هالغز
|
رد: الى عائله من جمبها لغز عاجل
علمينا بالحل يا هبووووب
يمكن مفاجأة |
رد: الى عائله من جمبها لغز عاجل
اقتباس:
اي مفاجاه يافهد ماتشوفني منحاشه من المنتدى يومين ما اعرف الحل:sm31: |
رد: الى عائله من جمبها لغز عاجل
والله ياهبوب دائماً توهيق كل مادخلت موضوع الا وهبوب هي الي حايسة القش
انا والله عندي رمعة بس مااتعدى على الاخوان والاخوات الي اكبر مني مايصير ابداً والله ان تعدون اما البيت الاخير هو الي فيه الحل والله يستر امزح امزح هبوب يازين السجن لك نبي نحط لنا سجن هنا لعز رائع بروعة هبوب التوهيق |
رد: الى عائله من جمبها لغز عاجل
هبوب بنت العم وش ذا البعيري ماتجلبينه كان تبغين الارباح ! ! ! طبعا انا هنا اعرف اللغز . ولكن لا اقوله لااترك مجال لبقية العائله (من جنبها ) واذا سمحت لي شيخة شمل عائلة (من جنبها ) سمو الشيخـــــه هبوب اقول الحل,,,, يسعد مساء الجميع بالرضاء والسرور. وش رائك ......اعرف الحل والا ....لا ؟ |
رد: الى عائله من جمبها لغز عاجل
هبوووووب<<<داخله الموضوع ولابسه فوق راسها قدر تخاف احد يحذفها بعلبه ولا شين:sm31: فهد وربي ما اعرف الحل بس بهبل فيكم بس جت على راسي:more48: سالم وش سويت انا ,, انا مسيكينه لا اهش ولا انش وكله اشاعات انا مظلومه:sm266: يزن تكفى اذا انتا عارف الحل عطني اياه لجل افك حالي منهم وانا اختك:sm257: هبووووب<<<قالها جدي وجدي صادق انتي ياهبوووب تلفين الحبل ع رقبتك دايم:sm15: |
رد: الى عائله من جمبها لغز عاجل
يزن تكفى اذا انتا عارف الحل عطني اياه لجل افك حالي منهم وانا اختك....:sm257::sm257:
طيب ابشري وانا اخوك... اختي هبوب بعد التحيه ...........تفضلـــــي هذه قصيده للشاعر والشيخ /تــــركي بن حميد , رحمه الله وهي ثمانيه ابيات على بحر المسحوب ، وفيها يتحدث عن جمل خرافي يولد من لقاح نعامه وبعير واصفاً اياه بالكبر في الحجم ، والطيران ، وسرعه الحركه ، وهي على خلاف ما اعتبرها البعض من قصائد الشعر العبثي حيث اتت هذه القصيده في وصف قبيله عتيبه وتأكيد قوتها واتساع رقعه اراضيــها وهو ماجعل ابن هادي (شيخ قحطان ) يرد على هذه القصيده يقول تركي بن حميد ياراكبٍ اللي مايداني الصفيري هميلعٍ من نقوة الهجن سرساح أمه نعامه واضربوها بعيري جا مشبهاني على خف وجناح عليه خرجٍ من سلوك الحريري وسفايفه مثل الغرابين طفاح يسرح من الطايف ويمسي البصيري والسوق والبصرة دهجهن بمرواح مزهبك يارعيه تمر ومضيري واحذر تشب النار يجفل من الضاح والى ورد يشرب ثمانين بيري غرافهن تسعين ودليهن ماح رجليه بالحره وصدره يسيري ويشرب براسه من على جمه رماح ياويش هو شيٍ طويلٍ قصيري يسبق زعاجيل الهوى يوم تنداح تعتبر هذه القصيــده بمثابه تحذير شديـد اللهــجه للقبائل المجـــاور ، فرد عليــها ابن هـــادي بقصيــده جميـــله جــداً يتسغرب من اين هذا الجمل ؟؟؟ يقول ابن هادي ياتركي بن حميد هذا يصيري ماتجلبونه كان تبغون الارباح؟؟ لاعاد له خف وجناح يطيري انا اذكر الله راكبه كيف ماطاح ؟ انا لقيت الكذب في كل اميري وياحلو كذب مرويه علط الارماح كيف النعامه نوخت للبعيري اقول ذا كذبٍ على الناس فضاح وسلامتكـــــــــــم جميعاً,,,,,, |
رد: الى عائله من جمبها لغز عاجل
الحل ياجماعه اذا ماخاب ظني المقصود به جماعة تركي بن حميد يعني الحل هم (العتبان) هذا والله اعلم بس هذا الوكاد:more74: |
رد: الى عائله من جمبها لغز عاجل
هبوب لازلتي من جنبها
ههههههههههههههههههههههههه |
رد: الى عائله من جمبها لغز عاجل
كفووووووووووووووووووو يالذيــــــــــــــــب كفيت ووفيت
|
رد: الى عائله من جمبها لغز عاجل
يوووووووووووووووووه يووووووووووه وش من جمبها يعني انتا يانافع تعرف الحل؟؟:sm17: عطنا الحل يالله نشوف وش هوووو:sm31: |
رد: الى عائله من جمبها لغز عاجل
هبوب انحشي نافع جايب الخيزرانه ياويلك لا تجلسين زي اول تقولين ضالميني فضي
>>>>>>>>> نافع لاحد يسمعنا تراني كاذب عليها احم جاء نافع |
| الساعة الآن (12:54 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه