رباعيه انا وكاتب ضد ....
الليل ياربعنا نبغى رباعيه= انا وكاتب رجال نارهم حيه لكن نبغى ثنين ٍ تنطح الهيه= والامر والمنتهى لله سبحانه
يالشاعر الاول تقدم على الماد =واحسب حساب الاوله والاخيره
|
رد: رباعيه انا وكاتب ضد ....
الليل ياربعنا والنار جنب النار=انا معك ياسلامه وانت لاتحتار والطايرة ماتطير الا بها طيار= والامر والمنتهى لله سبحانه
يالشاعر الثاني بها قدح وزناد= (اما نصر والا غلايب كسيرة)
|
رد: رباعيه انا وكاتب ضد ....
اتحدو اثنين ياستار ياكافي
لاشك نبغى علوم تكشف الخافي سلامه الجعفري تعال ياسنافي والامر والمنتهى لله سبحانـه الشاعر الي جايب جيش وسناد-------جيته وجاه الشعر شره وخيره |
رد: رباعيه انا وكاتب ضد ....
يامرحبا جاهزن بسلاح واعتادي وانا على منازل الابطال معتادي يامرحبا ياسلامه وكاتب البادي والامر والمنتهى لله سبحانـه يازينها كان صارت حرب واجهاد == بسيوفنا نردع وجيه ٍ شريره |
رد: رباعيه انا وكاتب ضد ....
مبدعين مشا الله عليكم
|
رد: رباعيه انا وكاتب ضد ....
رتيونا صرنا خمسسسسسسسسسسسه
يعني خماسيه هههههه انا بين الصفوف واصلو يزن مع نافع الليييييييل |
رد: رباعيه انا وكاتب ضد ....
ابن هندي انا سحبت المشاركة
فعليك موصلت المحورة |
رد: رباعيه انا وكاتب ضد ....
ابشر يانافع ---معكم على الخط عبر الفضاء --
|
رد: رباعيه انا وكاتب ضد ....
وصلت يالشاعر اللي غايب ٍ مده = اللي مع الناس دايم منكشف سده يالربع من هذي سواته وش نعده = والامر والمنتهى لله سبحانه
السالفه ماهي بدله وبراد = مار المشقى مايريح ضميره
المعذره انقطع الاتصال ويالله وبالله اتصل هلحين |
رد: رباعيه انا وكاتب ضد ....
قالوا خصيمك يزن واقول ماشالله= شاعر لكنه يجيب ابيات مختله الظاهر انه يجمعها من الشله = والامر والمنتهى لله سبحانه
الكسر مايضبط بلا جبر وضماد = ياصاحب ٍ جانا ويشعب بعيره
|
رد: رباعيه انا وكاتب ضد ....
ماغبت عن واجبي في حزت الداعي
ولاني من يدخل المجلس بلا داعي والبنك شغله ذهب في صرف ويداعي والامر والمنتهـى لله سبحانـه ماجيت لك خايف ولا جيت نقاد---- ندن لند بكل شلفى شطيره |
رد: رباعيه انا وكاتب ضد ....
كفو كفو للجميع
وانا بين الصفوف |
رد: رباعيه انا وكاتب ضد ....
اقتباس:
ياكاتب اكتب وانا اكتب والله الداري منهو يضيع مساره ان سرى ساري وانا على النايفه ياصاحبي ضاري والآمر والمنتهى لله سبحانه الكسر يجبر وبعض الناس معتاد == وده ركاب العرب دايم كسيره |
رد: رباعيه انا وكاتب ضد ....
لاهنتم جمبعاً
سلامة الجعفري كاتب الجعفري ابن هندي يزن علا متااابع لكم بقوة دمتم بكل خبر |
رد: رباعيه انا وكاتب ضد ....
لاهنتم جمبعاً
سلامة الجعفري كاتب الجعفري ابن هندي يزن علا متااابع لكم دمتم بكل خير |
رد: رباعيه انا وكاتب ضد ....
انا ماذمك لكن اللي عنا وينه = يوم الجماعه تدور عن عناوينه الخط معروف يقرا من عناوينه= الامر والمنتهى لله سبحانه
ان غبت والا جيت وش عاد وش عاد = مطحون حيك بالرحا المستديره
|
رد: رباعيه انا وكاتب ضد ....
شرفنا مروركم جميعا
لكم كل الود والتقدير |
رد: رباعيه انا وكاتب ضد ....
الله رماني معك من حظي الاقشر= ماابغاك لكنك انته جيت متحشر الشعر ماهو ميكانيكا ولابنشر= والامر والمنتهى لله سبحانه
ياعنتره ياعنتره يابن شداد= الثور لو ينطحك ماهي معيره
|
رد: رباعيه انا وكاتب ضد ....
لاهان الجميع على مروره الرائع
شرفتوتا واسعدوتنا احترامي للجميع |
رد: رباعيه انا وكاتب ضد ....
صح السنتكم ياشعّار ولاهنتو جميع
تقديري ,, |
رد: رباعيه انا وكاتب ضد ....
الشاعر الي يدور له على حجه
يسمع بعيد الضحيه بس ماحجه ون كان صادق كلامه يثبت الحجه والامر والمنتهـى لله سبحانـه المشكله طيحتك بيدين جلاد ---يقصر يدينك لو عيونك بصيره |
رد: رباعيه انا وكاتب ضد ....
لاهان الجميع على المرورر المشرف لنا
واكيد تواجدكم يسعدنا ودافع لتقديم الافضل فلكم جزيل الشكر |
رد: رباعيه انا وكاتب ضد ....
اقتباس:
الشعر حنا نلوكه وكنه الشبه نسكب قوالب ذهب ياراعي الصبه والوايلي لو يسب لايمكن اسبه والآمـــر والمنتهى لله سبحانه ياكاتب المسأله ماهي اعناد اقلط على الوالمه والآمر خيره |
رد: رباعيه انا وكاتب ضد ....
صح السنتكم ياشعّار ولاهنتو جميع
تقديري ,, متابع |
رد: رباعيه انا وكاتب ضد ....
متوضحة يابن هندي ماتبي قصه= من شاف دربك نهار الامس من قصه ترى سوالفك بين الناس منقصه= والامر والمنتهى لله سبحانه
مازال راسك يضرب الضلع من غاد= مدري براسك كم حبة شعيرة
|
رد: رباعيه انا وكاتب ضد ....
اشكرك اخي ابن هندي على هاللعب الطيب
كما اشكر كاتب الجعفري ويزن وجميع من تابعو هذه المحاورة والختام عندكم يابن هندي |
رد: رباعيه انا وكاتب ضد ....
ياراعي الشبه وراعي اللوكه= طعني وكملهن بطرشي وشكشوكة وان قيل ويش انت لحيه قول سكسوكه=الامر والمنتهى لله سبحانه
مااشوف براق ٍ ولا اشوف رعاد= و(البايسن) من يجهله قال بيره
اشكرك اخوي يزن علا واشكر الاخوان سلامه الجعفري وابن هندي والشكر موصول لكل من تابعنا واتحفنا بمروره العاطر لكم ودي وتقديري |
رد: رباعيه انا وكاتب ضد ....
الـــــــــــــــلــــــــــــــــــه الـــــــــــــــــلــــــــــــــــــه عليـــــــــــــــــــــــكــــــــــــــــــم
شعراء من الوزن الثقيل أطربتونا بيض الله وجيكم على هاالمحاوره الرائعه متابع بشغف لهذه الكوكبه من النجوم في سماء المحاوره أنا معكم بصفكم كلكم ماأبي أكون بصف واحد عن واحد بصراحه كلكم مبدعين أساتذتي دام هذا التميز والأبداع تقبلوا مروري المتواضع تحياتي وتقديري |
رد: رباعيه انا وكاتب ضد ....
السالفه واضحه وخططك مدروسه
وعلوم نطرب لها وجهود ملموسه يوم ان بعض الاوادم يفرك ضروسه الامــر والمنتـهـى لله سبحـانـه عد النجوم وحط دفتر وعداد --- وخمن ونا باقول رمعه خطير |
رد: رباعيه انا وكاتب ضد ....
كل الشكر لك ياسلامه
وارجو اني وفقت والعذر والسموحه اذا بدر مني اي قصور والشكر موصول للاخ يزن والاخ كاتب وشكرا لجميع من شرفنا بالمرور |
رد: رباعيه انا وكاتب ضد ....
اقتباس:
اضحكتني ياالسنافي بشغلة الفوطه لو ان الاخبار علي بالحيل مغلوطه ومعذور دامك حروفي تجهل نقوطه والآمــــر والمنتهى لله سبحانه اعكس حروفي ان كنت نشاد =والعز في لابتي بكل ديره ____________________ اخواني الكرام ابن هندي , كاتب , سلامه , وكل من مـــــر من هنا .....شكراااا لكم تشرفت جداااا باللعب معكم ... واعترف بان هذه اول مره اللعب محاوره , واعتذر عن اي زلل غير مقصود او خلل في النص . |
رد: رباعيه انا وكاتب ضد ....
دام هذا التميز والأبداع
تقبلوا مروري المتواضع |
رد: رباعيه انا وكاتب ضد ....
ابداع لامثيل له
كل الود والتقدير |
| الساعة الآن (10:31 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه