ديوان الشاعر::: سالم صالح:::
|
رد: ديوان الشاعر::: سالم صالح:::
قصيدة مهداة الى الاخ العزيز/خالد بن مجول البجيدي العنزي ---- وهويستحق ذلك
من لايشكر الناس لايشكر الله ابيات بسيطة لعلها تصل لنصف ذائقتكم وكذلك اتمنى ان تشرفني عند من هي له واكون قد اجدت بوصف طيبه لو ببعض الابيات والعذر والسموحة على التقصير
الحر شلّع فـي جناحينـه ونـاض=يرقى سنود لعالـم المجـد ويطيـر مثل البحر في زمة الموج لافـاض=يجيك كله محتـدم بالفضـاء يديـر ويازين فعله لاضرب مخلبة قـاض=خرب الحباري ريشهن لـه بعاثيـر هذي فعول الصقر لاجـاك نهـاض=ابوفهـد حـرٍ فعـولـه مشاهـيـر يدخل على الصعبات بالمعركة خاض=كل المواقـف حلهـا فـاز بالخيـر خالد ولد مجول مع الطيب له ماض=وِلد الخساير مايعـرف المخاسيـر ماحسب لفعله مع الوقت باغـراض=يفعـل ويلقـى بالوجيـه المناعيـر يمد كفٍ وسطهـا الفعـل يهتـاض=يشوش معها راسـه ومـده يسيـر حتى تصير المعضلة تحت الانقاض=بيـن الحطـام ولالقوهـا المداويـر حرٍ فعوله كلهـا كبـار وعـراض=وعندي دلايل لـو تبـون التفاسيـر و ختامها سلامي و صل الافـراض=وادع الكريم يكثّـر بوقتنـا الخيـر |
رد: ديوان الشاعر::: سالم صالح:::
(المـــــــــــــــواقــــــــــف)
شفني على كـف القدروالمقاديـر=اصارع اجراح الزمن في مكاني اصبر على كثر البلا والمخاسير=واعن نفسي عن زعلها عشانـي ولاقول ليه وليه مامـن تحاذيـر=ولاعدد اللي صار ماصار فانـي هذي مقادير الزمـن والمناذيـر=نلقى بها ضوٍ مـع الليـل بانـي ناسٍ تقول الشر وقول يا خير=بعض المواقف فيها كل المعانـي تنبيك لدروب الوفـا والمناعيـر=وتبني قواعد من حديـد المبانـي حتى يصير العلم واضح بتسطير=وتدل دربك يـم ذيـك الموانـي الماء قراح ولابه ايـات تعكيـر=اشرب زلالٍ تل حبـل السوانـي مافات فات وصار عندي تباشير=ماهمني شخصٍ ابرمحه رمانـي خليت عرفه لن عرفـه بتغريـر=ماهوصحيبٍ سـد كـل الاذانـي راعي مصالح ماله اليوم تقديـر=دامه حقيـرٍ ياجماعـة ودانـي الاقصيرٍلـردى قـدرة صغير=ضعيف نفسٍ كـل ليلـه يعانـي بس الصحيح انه لعمري تباصير=درسٍ فهمته في علـوم التفانـي هذي مواقف خيرولابه ابد ضير=تنْور طريقي في متاهة زمانـي شفني جبل من سبتك ياعصيفيـر=سبحان ربٍ ملهم اللـي كوانـي هذا انا في وسط كـل الاعاصيـر=ثابت مكاني ماتزحـزح كيانـي |
رد: ديوان الشاعر::: سالم صالح:::
(الســـــــالفـــة)
هذي حيـاةٍ للبشـر كلهـا دروس =من حين منشاهـا لمدخـل لحدهـا تعطيك في وسط العسل سم مدسوس =حتى تبين اعلامهـا فـي جسدهـا والناس فيها تختلف لـون ونفـوس =ناسٍ تسب افعـال ونـاس تحمدهـا احدٍ فهم لـدرس والفكـر فانـوس =وصارت مواعظ من سبايب نكدهـا واحدٍ جهل بالدرس والعقل محيوس =وعينه رمـاد وزاد فيهـا رمدهـا والسالفة شفها اترجـم بقامـوس =يبييـن فيهـا جدهـا مـع ولدهـا شف هالبشر كون عصابات وطقوس =وكلٍ علـى ليـلاه غنـى نشدهـا قلوب سودا وسطها ينخر السـوس =ونار الحسد كـلٍ بصـدره وقدهـا متكالبه ابها الزمن صفت ضـروس =تطحن عشاهـم ليـن ولاّ رغدهـا والظلم بان انه بطل لانـه المـوس =وحنا حلوقٍ شافـت انـه وردهـا هيهات يامن قالوا الدرب محـروس =خل العدال وصافـي العلـم سدهـا يعني بها الدنيا كما حنيـت القـوس =خلك كذا ويصيب رمحـك اسدهـا هذا هو الواقـع وعلـمٍ ومـدروس =كل السوابـق هدهـا مـن عمدهـا والسالفة اني مشوش من الـروس =عقلي لقـط شفـرة وثـمٍ سردهـا |
رد: ديوان الشاعر::: سالم صالح:::
(الشـــــــــعر)
ياللي طرقت الشعر لشعـر ميـزان=الـوزن كفـه والمعانـي ابكـفـه ومع الوزن تختـار لشطـر قيفـان=حتى يصيـر الوضـع مافيـه لفـه واضرب على اللي دوم لشعر عنوان=معنى جليـل ولابـه ايـات خفـه جزل المعاني لشعـر ثـور بركـان=تهيج لكن مـن هـو اللـي يكفـه شف لي هذاك البيت مبني بعمـدان=قايم واذكـره فـوق بالعـون رفـه بيدين من هـو للعلـم دوم طربـان=مفتوح بابه طيـب والطيـب شفـه وعنده رجالٍ بالمواقف لهـم شـان=كـلٍ يقـدم بالوفـا لــه ملـفـه حتى يصير الذكر واضح للاعيـان=ويبيـن علمـه للنجـوم ويصفـه هذا هو المعنـى ولافيـه نقصـان=وافي واقول ان الخبـر فيـه وفـه قو المعاني بالشعـر وفـد سلطـان=شفهم يمينـه لادعـى عنـد كفـه الشعر معنى بنظرتي عالي اركـان=شـف المشاعـر بالجزالـة تزفـه وكلٍ ابفكره لـه شعـارات والـوان=والفكرواسع والبحـر فيـه ضفـه |
رد: ديوان الشاعر::: سالم صالح:::
-- قلــــبي يحــــبك --
قلبـي يحبـك ياحياتـي ويغلـيـك=وقلبي هواك وصرتي انتـي فـواده وقلبي عشقك و بعالي الصوت يدعيك=وردد صداه وجـاوب انـك مـراده ولجت ضلوعي مستعـدة لطاريـك=حتى انحناهـا شـوق ضـم واراده لانك ترى ارضـه ودمـه مغذيـك=وايضاً سمـاه ويعنـي انـك بـلاده وانت المزون اللي بقلبـي مرابيـك=اشـوف واسمـع برقهـا وارتعـاده واحس شيئاً مـن مطرهـا يداريـك=رد الوفـاء حـقٍ وهـذي افــاده ردت وقالت مـن غلاكـم ابرويـك=وقامت تديم وارتـوت فـي زيـاده طليت وشفت الباذر اللـي مزهيـك=ونوارهـا كنـه لصـدرك قــلاده وشفت الزهور اتفتحت في مفاليـك=والعشب الاخضر يبتسم في سعـاده وحتى عصافير الشجر غردت فيـك=ونسمة هواهـا تقـول فيكـم اشـاده وحتى شعاع الشمس يداعب خطاويك=وقوس القـزح يتبعـك يـدور وداده هذي حياة القلـب لاصـار يغليـك=تبقى مصيف القلـب وتبقـى بـراده اغليـك ياحيـي وقلبـي ينـاديـك=انـت الحيـاة بزينـهـا وبنـكـاده |
رد: ديوان الشاعر::: سالم صالح:::
(كتبت الدرس)
كتبت الـدرس رتبتـه بداياتـه بهـا تمهيـد=لجل موضوعنا الحالي يعرف دروب من قبله تركت اسلوب من قبلي عباراته صدا ترديـد=الين يصير هالطالب مسافاته علـى فصلـه مسحت اقواس كلماتي ابسلم من عنا التحديد=ابكشف عن ستار الهم وش الي من ورا عقله نهجت استخرج وفكر مجال العالم التصعيـد=بعد ماتعرف استنبط جنون التاجـر العملـه حفظت نصوص من غيري معاني لعبها تهديد=قواعد لعبهم تمشي وحنـا نعـرب الجملـه متاهه في ظلام الليل اصولة لهجـة التقييـد=تلخبط كل اوراقي تضيـع افكـاري بغفلـه مواضيعٍ تجيب الهم وتلغي منهـج التشييـد=ابترك لون صحواتي وبغمس جـوي بثملـه نسيت العالم الاسر ذكرت الحـب والتغريـد=ذكرت عيونه بصدري تلاعب قلبي وحبلـه حبيبي كوني الاخر وسط قلبي لك التمجيـد=على امرك ترى بيدك مصادر فتحه وقفلـه لوان الحرب باسبابك تقوم وتعلـن التشريـد=تبعثر كل احساسي على كف الهوى خصلـه جيوشٍ نابعه منـك سلاحـه سلـمٍ وتبريـد=تفكك قو قواتـي بسهـم رموشهـا الكسلـه تسلسل في خيوط العشق امان ونسجها تعييد=يحط رحاله بقلبي مابيـن شعـوره واهلـه تعمق صوته الدافي وترسمعي بقـى تخليـد=يزيل جروح اهاتي على حـد الشفـا قتلـه نزلته مادريت ان العسل في بيرها لـه قيـد=يازين قيود سجاني سجين النظـرة الخجلـه عرفت ان الدروس اللي كتبته باول التمهيـد=تروح بضحكة الغالي تزين الوانـه وشكلـه وطلعت بمامضى ان الحروب تزيد ايه تزيـد=من اسباب الهوى والعشق ومال العالم ودجله |
رد: ديوان الشاعر::: سالم صالح:::
قصيدة متواضعة ارجوا ان تحوز على رضى الجميع وكذلك رضى من هي به لانها قليلة في حق الطيب والطيبين
فهي موجهه الى اخي العزيز الاستاذ والشاعر/عبدالكريم الدريميح العنزي وكذلك الاخ الاستاذ والشاعر/ماجد الغانم العنزي والعذر والسموحة على التقصير
كل ماتذكرت الخوي قلت وينـه=وين الذي ابفعله الطيـب جـزام وين الذي تنصاه لاجـت غبينـه=تلقى السعد في وجه حرٍ وصرام يامن علومك دوم تهوى الثمينـه=شف كم لكم في قمة المجد ارقام كـم ليلـةٍ وانـا اجمـع بدينـه=احاول اصل يافتى الجود بشمـام اعدد امجـادك وافـك الرهينـه=عجزت لاصل طيبكم بحر لطـام قلت اكتب علـومٍ بهـا ذاكرينـه=خلك معي ياصاحبي بس بالمـام هذا كريّم لاعطـى خـذ سمينـه=حطه على يمناك وحطه لك حزام تلقى السخاء والطيب ساكن يمينه=ماتقصر اليمنى ولومرت اعـوام وسيع صدر ودوم يفرح عوينـه=حتى هروجه كلها نصح واحكام ماهو من اللي خلف يطعن قرينه=ولامن اللي ينقـل العلـم نمـام فيه المراجل كوم تسوى مدينـه=ينام غيره وهوعن الطيب مانـام تقصر يدين الاش ماهـي يدينـه=ويفداك كل عفنٍ لاصحت نـوام واذكر ابوغانم احصونه حصينـه=شف منزله بالطيب تلقـاه قـدام ماهو من اللي يتبع الشين شينـه=خل الهزايل لاهلها وانت عـلاّم حرٍ على يمنـاك يسعـد ظنينـه=هده على الجزلات لصيد غنـام ولواذكر اهل الطيب واعد زينـه=كان امتلت كل السجلات اوسـام بس العذر لاهل العقول الرزينـه=حيث ان مجدكم مايحتاج الاقـلام لاشك هذي وقفـةٍ مـن كنينـه=لاطيب واهله رافعاتٍ للاعـلام ويعل بيت الطيب حبالـه متينـه=وعمدان بيته مابها كسرة عظـام |
رد: ديوان الشاعر::: سالم صالح:::
الضـــــــــــيقة
الضيقة اللي بالصـدر مالهـا حـل=تراكمت فيني وصـارت عظيمـة تسج رجلي للفضاء يمكـن وعـل=تخف همومٍ بيـن ضلوعـي اليمـة اقول واللحن واعيـد اللحـن شـل=كله لجل قلـبٍ جروحـة وخيمـة بس البلا صَّدي وانا اقول ماتحـل=ياغير افك القلب وافضـح غريمـة يابولؤي بعض البشر عقلـة اختـل=انبيـر فكـرة مالـه ايّـات قيمـة عايش شتات بكل لحظاتهـا ضـل=حالـة ضيـاع ووضـعٍ الله عليمـة السان حالـه ينطـق وقولهـم زل=تنهش بعضها جـوع والا هزيمـة تقاطعـوا ببطونهـم نـار تـاكـل=حصاد الالسـن دوم نـارٍ هشيمـة احدٍ وطى الازهار واليـوم تذبـل=مواطـي الاقـدام حقـد وجريمـة واحدٍ يسب الطيب والطيب يسـأل=هو ليه مايرقـى ويخلـي الشتيمـة هو ليه لاصعبـت خطاويـة ينبـل=يم الذي يمشـي خطـاوي سليمـة اكـرر المعنـى واجيبـه واعـدل=كل السبايب مـن سهـام النميمـة ياهو ياللي دروبـك العـام تشتـل=ابعد وفـارق كـل يتـرك نديمـة وعندي ترى لك مني الحين منهـل=تفـرد بعلمـك وسـو الكريـمـة وعبّـد دروبٍ للبشـر خلـهـا زل=ولاتصير بوجه الطيب عوق وظليمة وهالضيقة اللي بالصدر جبت له حل=ركعات تال الليل تكسـب غنيمـة |
رد: ديوان الشاعر::: سالم صالح:::
يــــــــاذا القـــــــــــمر
ياذا القمر لاتغيـب ابرسـل رسالـة=يم الذي يشبهـك فـي طلـة النـور ابكتـب بصفحـة بياضـك مقـالـة=تاصل لزينٍ مع جمالة لـه حضـور ومع طلـة القمـرة وحيـن اكتمالـة=يشع ضوك ياقمـر وسـط هالـدور يداعـب بسحـرة مكامـن دلالــة=حتى يفيق اللي كما روضـة زهـور ويطـل بعيـنٍ تذبـح اللـي سعالـة=يشوف قلبٍ سطر شعـور وشعـور يقـرأ عبـارات الولـه واشتعـالـة=مضمونها حبه على الصدر منشـور وانه بعـد مـاراح هالـروح شالـة=بين اليدين وحبهـا صـار معمـور وانه سكـن كـل المشاعـر ونالـة=حتى تسلطن واسس قصور وقصـور وانـي احبـه واعشقـة واهنـا لـة=واحب ضحكاتة مع الصبح مسـرور شف فـي فـوادي حبكـم لا محالـة=صورتك حتى ضلوعي العوج له سور يسري بدمـي يكتـب انـه فـدا لـة=عاش العروق بوسطها بات مغمـور وقلـة تـرى قلبـي يتحـرى سؤالـة=لايطول غيابـة وانـا فيـه مقبـور مجمل كلامي جـاك منـي وصالـة=حتى البشر تعرف من الحب معـذور هذا الوفاء في صفحة النـور جالـة=هذي رسالة دمي وضلوعي سطـور |
رد: ديوان الشاعر::: سالم صالح:::
لحظــــــــة وداع
لحظة وداع وصافحتنـي وصديـت=ومن صدتي خطوة وصارت يتيمـة امشي جسد يحمل بوسطه توابيـت=حولة حطام ضلوع نـارٍ هشيمـة صدري يفوح اهات معها تناهيـت=ويفور دمعي وسط عيني واضيمـة ومن فوق كبدي ياهوى البال شبيت=نار الفـراق وكـي بعـد النديمـة خلاص قلبي راح يتبع هكالصيـت=وحتـى احاسيسـي تتابـع لغيمـة مالومهم بس البـلا بعدهـا ميـت=شدت رحال فكري باسبـاب ديمـة حبه وسم في ضلع قلبـي تناحيـت=يكتب غلاه بـدم جسمـي حشيمـة ومن بين حدب ضلوعي اليوم ناديت=اسمه يلجلج بالصـدا ويـن ريمـة يامالكة عرقي ودمـي لـك البيـت=يسري بارجائـي منابـت وسيمـة حب ووفاء واحساس ياكـم طليـت=بعيونك اللي تحتضر مـن نعيمـة انتي زعيمة حب لاقلـت واوفيـت= يامترفه ياوافيه ياعظيمه ويامبعدة عني ترى الوقت تشتيـت=مالك ومال اللي يبون النميمـة وانا ترى لاصدت النفـس صديـت=للـي ورايـه مالتفـت قـل قيمـة وعزاي شي واحد من بعد مااقفيـت=ريحة يدينك فـي يدينـي كريمـة |
رد: ديوان الشاعر::: سالم صالح:::
الفقـــــــــــيرة
الوقـت قصـر والزمـان البـلاوي =والناس تمشي مادرت فـي كسيـرة والوصل روح صار يـومٍ وطـاوي =روح مع الـي علمهـم فيـه نيـرة وبيض النوايـا يافهـد ويـن نـاوي =راحت وراحت كل ذيـك البصيـرة بعطيك وضعٍ صار باصيـرراوي =خذ الكلام مـن اولـه ليـن اخيـرة الفقر ذيبٍ كل ليله يعـاوي=وسط الظلام ولا له احدٍ يجيرة ياذيب وحدك والبقايا جـلاوي =ساكـن بديـرة كـن ماهـو بديـرة عايش وحيدٍ طـول وقتـه خـلاوي =واصبح كسير ولالقـى لـه جبيـرة ياذيب جب لي كل امـور الخفـاوي =قلي سبايـب بعدهـم فـي مسيـرة قال البلا هـذا هـو الفقـر كـاوي =ياكل خضار الارض وياكل شعيـرة كشـر بنابـه قـال مانـي مـداوي =الجوع عـم وكـلِ ياكـل خشيـرة هذا وحيـد ولالـه احـدٍ يخـاوي =الجـار ولاّ مالـه اليـوم جـيـرة ولاّ وبـات اليـوم كـلٍ شـكـاوي =يشكي من اللي شاف ويشكي حصيرة وبالله قلـي بانـشـدك لاتــراوي =هو القصير الحين يعـرف قصيـرة والا العداوة مـن قريـبٍ عـداوي =يبحث وراك وكل امـوره خطيـرة هذاالصيح و جرحي اليوم حـاوي =يشكي امـورٍ شافهـا فـي فقيـرة ياصاحبي ضاعت علـوم التخـاوي =نـاسٍ غريبـة همهـا بـس طيـرة والكـل منـى لـو لجـاره يـداوي =ماصـار فينـا بهالزمـان الفقيـرة يمنى بلا يسرى ضعيفة هقـاوي =وعينٍ وحيـده ماهي والله نظيـرة ترى التكاتف يشعل النـور ضـاوي =وحتـى الحيـاة تصيـردومٍ منيـرة وعندي نهاية لكـل قـول وحكـاوي =ترى الزمـان ايـدور يالله خيـرة |
رد: ديوان الشاعر::: سالم صالح:::
الزمـــــــــــــــــــــــــــــــــن
هذا الزمن ماهو زمن صدق واحسـاس=ولا زمـان الـلـي يـبـون العـدالـه وماهو زمن قولت ترى النـاس لنـاس=الاّ زمـن حـقـد ونـفـاق وجهـالـه سمعت انا في موقفـي دقـت اجـراس=تنبي عـن وقـوع الخطـر واحتمالـه انفـاس لكـن مابهـا روح الانـفـاس=تمشي هلع مـن شوفـت اللـي جرالـه غول الطمع والظلـم شيئيـن فـي راس=يعمي عيون اللـي عـن الحـق دالـه يبطش غضب من خلف تصوير الانجاس=حتـى يديـن الضعـف قصـر مجالـه طبطب عليـه وقـال لابـاس لابـاس=ويـن العمـل يامحاربـيـن البطـالـه وين التعامل وسـط حـارس وحـراس=ضاعت حقوق النـاس باسـم العمالـه حتى الشعور انبـاع فـي سـوق دواس=لجـل المصالـح كـل شـيءٍ فـدالـه نـاس غريبـة منهـا فكـري احتـاس=باعـت مبادئـهـا بـسـوق الثمـالـه تزرع خداع النـاس والاسـم غـراس=يجنـي ثمـار الفـاس لاطـاح زالـه تغيـرت نـاسٍ وكانـت علـى سـاس=لان الريـال اليـوم غـيـر خصـالـه وين الذي كانوا علـى الفعـل نبـراس=صـاروا ضيـاع وناسيـيـنٍ فعـالـه بالله كـافـي لاتـزيـدون الاتـعـاس=هذا الشعـور اللـي مـن العـام قالـه ماهـو تذمـر لكـن الواقـع الـيـاس=ان الزمـن هــذا زمــان الحثـالـه |
رد: ديوان الشاعر::: سالم صالح:::
** المزهــــــــــــــــــــــــــريـــــــــــــــة **
بين حد العقـل وحـدود الخيـال=أُذهلت عيني من ابصـر نورهـا صابني خيفه وجاء عقلي انذهـال=مـن جمـالاً زاهـيٍ بزهورهـا اقبلـت يمـي تزهمـل بالجمـال=وسحرها الاخاذ يبنـي قصورهـا تنثر طلاسمها وتنفـث فـي دلال=يعني عطتني من خفايا بخورهـا والقصيد اللي عرضتـه باحتفـال=ضاع معها وانغرق في بحورهـا وفي نواظرها نسيـت الارتجـال=انبهر فكـري بزيـن جسورهـا والمهـم ان القصيـدة واحتمـال=راح تاليهـا يراقـب سـورهـا ومزهرية حفلنـا بعلـم المجـال=اعلنت موتتها بصـوت كسورهـا لان الزين حاضر موصوف الكمال=فاح ريح الورد ريـح عطورهـا والعقل صابه من الحلـو اختـلال=يتبع احساسـه وحـس شعورهـا طيفه اللي في زوايا القلـب جـال=يلمس النبضـه وياخـذ دورهـا هذا هو طيفه وكيـف لـو يقـال=ان نـور الحفـل زاد حضورهـا احتـلال الـذات بيديـن الجمـال=يسلب افكارك ما قـال بشورهـا وفي نهاية حفلنـا واخـر مقـال=اعلن اسـدال الستـار غرورهـا |
رد: ديوان الشاعر::: سالم صالح:::
اكتــــــــشفت
اكتشفت ان المحبة لـو تعبـر عـن غـلاك=كان كل لفـظ منهـا غـرد باحلـى قصيـد واكتشفت ان الحلا ماخذ مزايا مـن حـلاك=يوم جاك الزين كله يطلبك هـل مـن مزيـد واكتشفت ان المشاعـر كلهـا لجلـك فـداك=صاغت بزينك قصايـد كونـت عقـدٍ فريـد واكتشفت ان القصايد سحرها لمـت شفـاك=تنثر ورودٍ تمايـل كـل غصـنٍ لـه نشيـد واكتشفت ان المرايا تبحـث تـدور سنـاك=في زوايا البيت ترقب جيت اللي لـه نريـد واكتشفت ان الايادي عشقهـا لمسـة يـداك=تفرح بيـوم التلاقـي كنـه العيـد السعيـد واكتشفت ان الحدايق تفـرح بلفحـة شـذاك=ترقص انواع الورود بحضرت الضيف الجديد واكتشفت ان الشواطي بردها نسمـة هـواك=حركت موج المحبة شوق واحسـاسٍ يزيـد واكتشفت انك حياتي ارضها وايضـاً سمـاك=تمطر انفاس ومشاعر اسقت عروق الوريـد واكتشفت انك لعمري شمس يحييهـا دفـاك=ذوبت جور المشاعر مثـل تذويـب الجليـد واكتشفت انك مشاعل قلعتي يضـوي مسـاك=كل ماظليت دربك شفت ضـوك مـن بعيـد واكتشفت انك سهام القلب ورموشـك هـلاك=تذبح بنظرات عينك قلـب فارسـك الشديـد واكتشفت انك بغيـر الـورد ممزوجـة اراك=ولجذور الزين صرتي مالكـه اسـم الحفيـد واكتشفت اني احبك واعشقك مالـي سـواك=كل نبضه في فؤادي باسمـك تقـول وتعيـد اكتشفت اربع عشر ميزة وباقي لي معـاك=وماخفي اعظم ولكن هذا يبقى لـي رصيـد |
رد: ديوان الشاعر::: سالم صالح:::
حمــــــــــــــــام الاربــــــــــــاش
وحيد من بعدك واحس انـي انـداش=من يوم تطري لي هذيك المطاريـش حتى بعيني زولكـم وسطهـا عـاش=يمـر طيفـك كـل مافقـت ويعيـش اشوف دمعي ينـزل لخـدي رشـاش=منك يزود وحالتـه صابهـا الطيـش سبت رحيلك ارضنا وضعهـا مـاش=صارت يباس عروقها لـك معاطيـش الغصن مات وباقي اوراقـه هشـاش=تسمع صفيـر البعـد ياوقتنـا ليـش هـذا خفوقـي تربتـه قاعهـا نـاش=ماغير قصرك ثابـتٍ مابعـد نيـش ماهزه رياح البطا خـوف وارعـاش=وماصدع ركونـه رعـودٍ مراعيـش فوق الفواد ومنزلـك منـزل البـاش=فكري حرسك وشعلة احساسي الجيش حب وغلا من لحم دمي لـك فـراش=يهدنك نبضي مـن معزتـك بشويـش حتى مواطي حبك الـذرب بالجـاش=على رمال القلـب صـارت مناقيـش تكتب حروف اسمك على صفحة قماش=دمي حبر وضلوعي العوج لك ريـش ياللي غيابك هـم وطيـوره تحـاش=على مدى قلبـي جـروح ومناتيـش عود يعود البـاذر وصيفنـا انحـاش=وتتفتح زهور الفـرح بـك مفاريـش وتشوف مع دربك حمامات الاربـاش=هديلهـا لرجوكـم لــه لوالـيـش والعشب الاخضر يبتسم حول الاحواش=وحتى عناقيـد الولـه لـك دناديـش يعني حياة تعود في لحظـة ارمـاش=تدري وصالـك ياهنـا حبنـا ويـش وصلك ربيع ونسمة انفاسـك انعـاش=والا غيابـك موحـشٍ دابـه يهيـش |
| الساعة الآن (04:04 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه
