°~*¤®§(§ شبـــكة ويــلان العـربـيـه §)§®¤*~ˆ° - سلامي سلام يقطع اطول مسافات .....كاتب

- منتدى المحاوره (http://www.weelan.com/vb/forumdisplay.php?f=32)

- - سلامي سلام يقطع اطول مسافات .....كاتب (http://www.weelan.com/vb/showthread.php?t=15510)

سلامي سلام يقطع اطول مسافات .....كاتب

سلامة الجعفري

سلامي سلام ٍ يقطع اطول مسافات = ليا ما يصل لاهل الديار البعيده
ياكاتب تعبنا بين روحه وجيات = الايام تمضي والفوايد زهيده

كاتب الجعفري

هلا مرحبا ترحيبة ٍ خص بالذات = باهل ديرة ٍ بالقلب تبقى وحيدة
تكفل برزق العبد رب السماوات =لاتشكي لرجل ٍ ماطلع شي بيده

سلامة الجعفري

يدوم البقا لكن ترى ابليس مامات=لايغويك ويسوي بدربك مكيدة
يجر القلوب البيض راعي حيالات=وهو كان مانقص وزن مايزيدة

كاتب الجعفري

انا اعوذ باللي لاعنه عشر لعنات= عقب ماحرم ادم حياةٍ رغيده
ترى ظاهر المخلوق يعطي علامات=لكن بلشة العالم مطوع بريده

سلامة الجعفري

زبون الردا مايكسب الا الرديات = وهذي ترى ماهي علوم ٍ جديده
يازين الفهيم اليا طلع بالمنصات = ماهو جاهل ٍ ماقال جمله مفيده

كاتب الجعفري

عطيتك لكن هذا الطمع فيك ميزات=وكل يوم تشكيني بوسط الجريدة
ياليتك تذكر موقف لي قد فات = خزمت البعير اللي تزايد زبيدة

سلامة الجعفري

تقوله وانا ماشفت منك المسرات = ياراع المكارم والفعول السديده
لابالله شجاع ولاتبي لك شهادات = لكن الخطا اللي صار حذرا تعيده

كاتب الجعفري

رفعناك لين اسمك وصل للمجرات=ولاانته بشايف من فعولي حميده
اذا مانت راضي روح يم الامارات= ونافس على مليون روضه وعيدة

سلامة الجعفري

دعايات كل اللي تقوله دعايات = ياراس ٍ تلاعب به جنون ٍ مريده
انا اول معادي فيك حتى القرابات = وهلحين معلنها عداوه شديده

كاتب الجعفري

تراك انت ماانته داري ٍ بالخفيات =عقب ماتساوى به سعيد وسعيدة
ترى الظلم يبقى يابن الاجواد ظلمات= ومن هو زرع له زرع يحصد حصيدة