صوتو ياعنزة لكريم الجعفري
السلام عليكم وهذه قصيدة للوقوف مع الشاعر كريم الجعفري في قلطة الوطن
صوتو ياعنزه لكريم الجعفري = شاعر ٍ نظرته قدام ماهي ورا الرساله رخيصه والخصم هاجري = والهواجر وراهم بالمواقف ذرا مار حنا رجال الجد كل ٍ دري = مايخاشر لنا بالاولات اخشرا كل واحد بنا وقت اللوازم جري = ونتجمع ليا ردوا علينا البرا وضعنا اليوم يبغى وقفة ٍ تنطري = لين يدري بها بالناس من لادرا ابو سلطان في فزعاتكم يحتري = جددو فزعة ٍ صارت بوقت جرا شاهر العام عدى كوكب المشتري = يوم نافس تحيزم في قوي العرا انتم المحزم اللي دوم ماينفري = من تقوى بكم ضد الليالي سرا لاتخلون قدره خص منهو ثري = فزعة ٍ من عموم الناس والا اومرا يوم الازمات ينبين بها المفتري = منكم الطيـّـيه دايم تبين اجهرا مار لاتتركون كريم الجعفري = شاعر ٍنظرته قدام ماهي ورا |
رد: صوتو ياعنزة لكريم الجعفري
ونعم ويستاهل انا ماني عنزي بس ابشر بالتصويت |
رد: صوتو ياعنزة لكريم الجعفري
سلامه الجعفري
الله الله الله صح لسانك على النص الواضح و صاحب المعاني الساميه و الحميه الرائعه و التي يتصف بها شاعرنا / سلامه .. اسلوب مميز و لا غرابه ان كان وراء هذا النص شاعر متمكن و مبدع و متألق.. شكرا لك و شكرا لفكرك .. تقديري لك (( تثبيت )) |
رد: صوتو ياعنزة لكريم الجعفري
الله الله
صح لسانك ياسلامه ويستحق ابوسلطان الوقوف معه والتصويت له لانه شاعر جزل ومشرف تقديري للجميع |
رد: صوتو ياعنزة لكريم الجعفري
صح لسانك ياسلامه ولاهنت
وهذا اقل واجب نسويه تجاه كريم الجعفري اتمنى الوقفه الصادقه .. |
رد: صوتو ياعنزة لكريم الجعفري
صح لسانك يابو عواد وبيض الله وجهك وافي والله انك وافي ياكحيلان وعلى ماقال اخوي سعود "وهذا اقل واجب نسويه تجاه كريم الجعفري اتمنى الوقفه الصادقه " لان ماشوف اي اهتمام بالموضوع هذا من ادارة الموقع بنرات منسوخه ولا حتى تغطيه للحلقه .. وين عيال وايل وين حميتهم وين فزعتهم العلم يبن ليلة السبت والله لاهينك أخوي سلامه |
رد: صوتو ياعنزة لكريم الجعفري
الوافي سلامه الجعفري صح لسانك وماهي غريبة عليك هذه المشاعر الرائعة وبالتوفيق لشاعرنا الرائع/كريم الجعفري , |
رد: صوتو ياعنزة لكريم الجعفري
ابو سلطان في فزعاتكم يحتـري.. ابو سلطان في فزعاتكم يحتـري.. ابو سلطان في فزعاتكم يحتـري.. يبشر بعزه ابو سلطان .. وصح لسانك ياسلامة وبيض الله وجهك .. http://www.alm5zn.com/upfiles/5Ua93932.gif |
رد: صوتو ياعنزة لكريم الجعفري
صح السانك ياسلامه
والشاعر كريم يستاهل الوقفه معه والله يوفقه ويكتب له الفوز تقبل تحياتي وتقديري |
رد: صوتو ياعنزة لكريم الجعفري
صح لساااانك وبيض الله وجهك شاعرنا المبدع والمتألق / سلامه الجعفري ..
ولاهو غريب عليك الفزعه والحميه .. قصيده رائعه كروعة كاتبها .. تحياتي لك .. |
رد: صوتو ياعنزة لكريم الجعفري
جميع من مر هنا ....... اهلا وسهلا وحياكم الله
اشكركم على حضوركم وانارتكم الصفحة بردودكم اشكركم على مشاعركم النبيلة .......... تجاه الشاعر كريم الجعفري وتجاه الابيات وكل ٌ بمايستطيع يجود والتوفيق بإذن الله والى الامام ياعيال وايل |
رد: صوتو ياعنزة لكريم الجعفري
اقتباس:
متعب السبهان ونعم فيك كفو الله لايهينك .... وانا اضم صوتي لصوة متعب وقول ابشر يبوسلطان تستاهل يالبناخي شكراً للجميع |
رد: صوتو ياعنزة لكريم الجعفري
يستاهل الجعفري وصح لسانك وبيض الله وجهك يالبناخي على هذه الوقفه
تقبل مروري وتسجيل اعجابي |
رد: صوتو ياعنزة لكريم الجعفري
اخوي سلامه يعطيك العافيه
وانا اضم صوتي لصوتك واقول تكفون ياعيال وايل لاتخلون عنه تحياتي لك |
رد: صوتو ياعنزة لكريم الجعفري
الشاعر سلامه الجعفري
بيض الله وجهك على هذه القصيده المميزه وعلى هذه اللفته الجميله منك للشاعر كريم الجعفري هو بلا شك يستاهل واكثر صح لسانك |
رد: صوتو ياعنزة لكريم الجعفري
سلامه الجعفري ؛؛؛ 0 بيض الله وجهك على القصيدة ولا هي غريبه عليكم لن الطيب مايستغرب من اهله و ابو سلطان يستاهل كل خير وطيب .. وهذه ماقاله فيه بداية الحلقة :
سلام ياشيخ (ن) حميده مساعيه=خليفه اللي للمهمات مقدام وسلام يادار (ن) نـعـزه ونغلـيه=يـعـمهم لجنه وشعـب (ن) وحكام وسلام يابـيـت (ن) عزيزه مبانيه=عـزوة بنى وايل ذرا كل من ضام الـمحـزم اللي باللزم نحتزم فيه=ياسعـد من صاروا معه درع وحزام |
رد: صوتو ياعنزة لكريم الجعفري
الاخ سلامه الجعفري صح لسانك على الابيات الرائعه والجميله0 اتجاه شاعرنا كريم رحيل الجعفري0 يبشر بالفزعه 0 ونتمنى له التوفيق والى الامام دائماً تحياتي |
رد: صوتو ياعنزة لكريم الجعفري
صح السانك/شاعرنا الرائع سلامه
وبيض الله وجهك على هذا الموقف النبيل والغير مستغرب منك وابو سلطان يستاهل كل خير تحيااااتي لك |
رد: صوتو ياعنزة لكريم الجعفري
جميع من مر
اشكركم على المرور واشكركم على التفاعل مع شاعرنا كريم وهذا عير مستغرب من عيال وايل شكرا مرة اخرى بدون تحديد اسماء |
رد: صوتو ياعنزة لكريم الجعفري
صوتو ياعنزه لكريـم الجعفـري
شاعر ٍ نظرته قـدام ماهـي ورا الرساله رخيصه والخصم هاجري والهواجر وراهـم بالمواقـف ذرا مار حنا رجـال الجـد كـل ٍ دري مايخاشر لنـا بـالاولات اخشـرا الغالي سلامة الجعفري نحن مع كريم الجعفري قلبآ وقالبآ ونتمنى له التوفيق |
رد: صوتو ياعنزة لكريم الجعفري
سلامه الجعفري صح لسااااانك ...ولاهنت وبإذن الله الجميع سيقف ويدعم شاعرنا الكبير كريم الجعفري وبيض الله وجهك على هالوقفه الراائعه والتي ليست بغريبه عليك ..... . . قصيدة جزلة ...ودعم وافي وقوي لله درك ...ولافض فوك دمت بكل خير ....ودام هذا الوفاء تقبل جل تقديري واحتراااامي |
رد: صوتو ياعنزة لكريم الجعفري
صح لسانك إلين ترضا قصيدة جزلة من رأس جزل بالمعاني أبيات عانقت الأبداع |
رد: صوتو ياعنزة لكريم الجعفري
الف شكر لك اخوي سلامة على هذه الحمية ويستاهل الفزعة شاعرنا كريم بن رحيل الجعفري ..
صح لسانك ولا هان بوحك .. مواقفك دائما مشرفة لا هنت .. تحياتي وودي.. |
رد: صوتو ياعنزة لكريم الجعفري
سلامة الجعفري لاتخلون قدره خص منهـو ثـري فزعة ٍ من عموم الناس والا اومرا بيّض اله وجهك .. ولا هنت اقسم ان ابو سلطان خير من يمثل القبيلة ان صار للقبيلة ممثل بالمحاوره .. وجهة نظر شخصية .. كريم يستاهل .. وانت وفي صح كلك مدد لا عدد .. تقديري لك |
رد: صوتو ياعنزة لكريم الجعفري
الله الله
صح لسانك ياسلامه ويستحق ابوسلطان الوقوف معه والتصويت له لانه شاعر جزل ومشرف تقديري للجميع |
رد: صوتو ياعنزة لكريم الجعفري
اشكر جميع من مر مرة اخرى
وكل من وقف بجانب الشاعر كريم له الشكر الجزيل نعم تمنينا الفوز لشاعرنا كريم ولكن قدر الله وماشاء فعل حسبنا ماقالت اللجنة وبينت تفوقه على زميله وان لم يكن عندنا شك بشاعرنا من قبل بالتوفيق لشاعرنا وفيه الخيرة ان شاء الله تحيتي وتقديري |
| الساعة الآن (11:14 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه