مرحبا ترحيبة ٍ مثنية ٍ مربوعه .. ياسلامه اقرب
مرحبا ترحيبة ٍ مثنية ٍ مربوعه = من سطاوتها تحالي هتلر الالماني ياسلامه يوم جيت افتش الموسوعه = اكتشفت اني انا الاول وأنت الثاني |
رد: مرحبا ترحيبة ٍ مثنية ٍ مربوعه .. ياسلامه اقرب
لله الله ياسعوط المجانين
صح لسانك بدايه قويه وبالنتظار سلامه متابعين ومستانسين |
رد: مرحبا ترحيبة ٍ مثنية ٍ مربوعه .. ياسلامه اقرب
صح لسانك ومتابعين للاخ سلامه
والذي يظهر انه سياتي من بكره وبعده اما الليله فهو كنه عريس ^_^ فايز وعنده امسيه شعريه ^_^ بنتظاهره حتى يعود |
رد: مرحبا ترحيبة ٍ مثنية ٍ مربوعه .. ياسلامه اقرب
الله الله ياسعوط المجانين بداية قوية
وكما قال ابوغرام ... ننتظر سلامه |
رد: مرحبا ترحيبة ٍ مثنية ٍ مربوعه .. ياسلامه اقرب
الله لايهينكم جميع وصحة ابدانكم شرفتوني
تقديري |
رد: مرحبا ترحيبة ٍ مثنية ٍ مربوعه .. ياسلامه اقرب
العذر ياماجد مثل ماقالوا لك الربع
البقا بك من هجوس ٍ للقا مدفوعه = لو يجي قدامها اهل الصين والياباني ابن عمي لو يجي من فوق بوعي بوعه = ترتفع به هامتي واقول شانه شاني |
رد: مرحبا ترحيبة ٍ مثنية ٍ مربوعه .. ياسلامه اقرب
ابن عمي لو يجي من فوق بوعي بوعه ترتفع به هامتي واقول شانـه شانـي الله الله بجد البيت هذا احترافي غير طبيعي والله بيت عابرالقرات صح لسانك ياسعوط المجانين وصح لسانك ياسلامه الجعفري مبدعين الله يعطيكم العافيه محاوره حاميه من اولها متابع مودتي |
رد: مرحبا ترحيبة ٍ مثنية ٍ مربوعه .. ياسلامه اقرب
كنت على عجل وبيت أخوي سلامة أجبرني على الثناء من خلال بيتين فأعذروني على المداخلة والمعذرة إن وجد خلل والمعذرة من القصور ولايهون البقية ياسلامـة بيتـك الثانـي فريـد(ن) نـوعه *** عن قصيده وافيـه تفخر بها المعاني ابن عمي لويجي من فوق بوعي بوعه *** ترتفع به هامتي واقول شانه شاني جبتهـا يابـن الكريـم بهامـة(ن) مرفوعـه *** كاملـه ومكمـلـة والوايلـي وصاني فعلا بيت أعتبره وصية للجميع يالجعفري وصح لسانك مليون ولا يهون أخوي سعووووووووووط المجانين |
رد: مرحبا ترحيبة ٍ مثنية ٍ مربوعه .. ياسلامه اقرب
اقتباس:
الاخ سلامه صحت السنتكم جميعاًوسجل اعجابي وبصمتي لهاذا الرد الرائع وهذا البيت مخصوص ابن عمي لو يجي من فوق بوعي بوعه = ترتفع به هامتي واقول شانه شاني |
رد: مرحبا ترحيبة ٍ مثنية ٍ مربوعه .. ياسلامه اقرب
صح لسانك ياسعوط المجانين وصح لسانك ياسلامه الجعفري
مبدعين الله يعطيكم العافيه |
رد: مرحبا ترحيبة ٍ مثنية ٍ مربوعه .. ياسلامه اقرب
ابن عمي لو يجي من فوق بوعي بوعه = ترتفع به هامتي واقول شانه شاني
بيت عملااااااااااااااااااااااااق لو شهادتي مجروحه صح لسانك ياسعوط المجانين ولسان سلامه ومتابعين |
رد: مرحبا ترحيبة ٍ مثنية ٍ مربوعه .. ياسلامه اقرب
ياسلامه بعد جبت السلعه الممنوعه = مدري هي جهد الهجوس او موقف ٍ انساني ؟ ! ماالوم الشيخ جابر يوم هل دموعه = راحت ارضه ونصف شعبه مع قصر دسماني !! |
رد: مرحبا ترحيبة ٍ مثنية ٍ مربوعه .. ياسلامه اقرب
صحة ابدانكم جميع ولاهنتو على المرور
.. |
رد: مرحبا ترحيبة ٍ مثنية ٍ مربوعه .. ياسلامه اقرب
ماجد الله يحفظه يالربع وش موضوعه = جابني لكنّ صوب العلم ماوداني المهندس ودك انه لابنى مشروعه = مايخلي به خلل بالزود والنقصاني |
رد: مرحبا ترحيبة ٍ مثنية ٍ مربوعه .. ياسلامه اقرب
مايصرّح راعي البستان عن مزروعه = بالزبون اللي بلش بالخوخ والرماني المهندس لا بنا بتقول يال الروعه = مير وضعك مندمر يالله لاتبلاني |
رد: مرحبا ترحيبة ٍ مثنية ٍ مربوعه .. ياسلامه اقرب
البلا ياصاحبي بالنشرة المطبوعة = من طبعها حايس ٍ فيها من الالواني وضعي انته تعرفه والدرب دل سنوعه = كيف يالمجني عليه اليوم صرت الجاني |
رد: مرحبا ترحيبة ٍ مثنية ٍ مربوعه .. ياسلامه اقرب
مايهز الهرج ربح الراجحي وفروعه = ليت تحما موقفك اليا احتمى الميداني يابدوي ٍ ماتعرف السينما المصنوعه = مير سوق الذود يم الصلب والصماني |
رد: مرحبا ترحيبة ٍ مثنية ٍ مربوعه .. ياسلامه اقرب
ليت رزق المفتقر للناس يقطع جوعه = ابك انا رجل ٍ يدورني يبي يلقاني ياحضري ٍ مايميز مدخله وطلوعه = مايهمه غير نومه والبطن ملياني |
رد: مرحبا ترحيبة ٍ مثنية ٍ مربوعه .. ياسلامه اقرب
ههههههههههه
مايهمه غير نومه والبطـن مليانـي عز الله سمة عيال هذا الجيل ^_^ صح السنتكم جميع ومتابعين لكم ولا زلنا |
رد: مرحبا ترحيبة ٍ مثنية ٍ مربوعه .. ياسلامه اقرب
روعة وفتل ونقض وجمال وقوة ..
اثنينكم على هرم الابداع .. واصلوا يا مبدعين .. |
رد: مرحبا ترحيبة ٍ مثنية ٍ مربوعه .. ياسلامه اقرب
صح لسانك ياسلامه ولاهنت ومبدع كالعاده
ابو غرام وخلف الغريب صحة ابدانكم والله لايهينكم على مروركم الكريم تقديري |
| الساعة الآن (11:50 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه