ماجد الولدعي .. مطلوب
يا ماجد الولدعي يا مشغل الساحه
اللي نوا للقتال يجهز اسلاحه لا تحسب السالفه خوخه وتفاحه ياعين ياليل يادنيا من انتي له
سلام يا ماجد وعذر النجم يوم انه يغيب=تاتيه قوه لاهي بحوله ولاهو حولها ان كان شفت الوضع يا ماجد بدا ماهو نجيب=لا تبتعد والناس عاملها بقد اعقولها |
رد: ماجد الولدعي .. مطلوب
ياصالح الجعفري والسيف ابو حده = ماشلته الا لرجل ٍ ماعرف حده اتحدني شيمتي وبسيفي احده = ياعين يالليل يادنيا من انتي له
يامرحبا ترحيبة ٍ من طيبها يسلا الغريب = بالشاعر اللي ماجهل عرض العلوم وطولها ماني بغايب والبشر فيها غبي وإبها لبيب = وسويسرا تصرف ذهب واسيوط تاكل فولها |
رد: ماجد الولدعي .. مطلوب
اعرف طريقي لا تحسب صاحبك غادي
رح علم اللي عن دروب السنع غادي ناقف بميقافنا ونذل الاوغادي ياعين ياليل يادنيا من انتي له
لا تحسب انك كل ما جنبت ما خلفك حسيب=حنا نعرف ابحارك اللي مشغلتك بلولها الدار لو تكره ثراها ما تنسيك الحبيب=لا تستمي في ناس ما تاصل ربع محصولها |
رد: ماجد الولدعي .. مطلوب
اما ركبت الفرس ولا على شهري = تبا تبين النتايج يومي وشهري يالوايلي منته بعمري ولاشهري = ياعين يالليل يادنيا من انتي
حاسب حسابي للسوالف من بعيد ومن قريب = يوم ان بعض الناس من خلفي تدق اطبولها اسم ٍ يشرفني وانا شرّفت ربعي يالصحيب = والناس ياصالح ماظن انك نسيت افعولها |
رد: ماجد الولدعي .. مطلوب
ان كان ماجد يبي له كسب من جده
يجر حصانه على شاطي بحر جده لو ان ما شغلته موروث من جده ياعين ياليل يادنيا من انتي له
انا ادري انك ذيب ظلمى ما تجي في درب عيب=لكن طبع الناس يا ماجد تشيل احمولها عاد انت لك حرية التفكيرلكن لك طليب=ان كان جبت الكلمه اللي ما يشرف قولها |
رد: ماجد الولدعي .. مطلوب
ياللي تقص الاثر لاتضيّع الجره = اما ترخّي حبال الدلو او جره ياراعي الفول لاتكسر لنا الجره = يالليل ياعين يادنيا من انتي له
قود المطيه بالخطام الزين فالكون الرحيب = لاتضيق بك وسع الدّير بجبالها وسهولها امرك عجيب ومطلبك ياصاحبي مطلب عجيب = اتوصّي اللي عارف ٍ مخراجها ودخولها |
رد: ماجد الولدعي .. مطلوب
نمد لك عون كان احتجت للمده
لكن متغيرٍ هالوضع له مده من مد لك كف خير الخير له مده ياعين ياليل يادنيا من انتي له
احق دارك بالمطر والخير والوقع المصيب=والا ديارٍ ما عرفنا غرسها ومحصولها الذيب يوم انه يجر اعواه وده صوت ذيب=ما همته كل السباع اللي تهز ذيولها |
رد: ماجد الولدعي .. مطلوب
ياصاحبي خوتك حلوه مهي مره = لكن لاتعيد هذا الهرج بالمره انداحم مطير والعتبان والمُره = ياعين يالليل يادنيا من انتي له
داري بعز وخير لوّ اني عن احماها اغيب = وانا وصلت إلهم لكن ّ ادياري ماوصلو لها الزير سالم لو يجور الوقت ماينسى كليب = اسرج خيولك والعرب قدمك تعن اخيولها |
رد: ماجد الولدعي .. مطلوب
وصح لسانك ياصالح وتشرفت باللعب معك يالذيب والختام عندك
تقديري |
رد: ماجد الولدعي .. مطلوب
جيتك براي العرب ما جيتك مجازي
يجوز هالهرج والا يجوز ما جازي نجاحك اعتز به وانجازك انجازي ياعين ياليل يادنيا من انتي له
تبي الختام اللي عليه القول والراي الصليب=رايتك بيضا والرجال تبان من مدلولها ان جيتنا شرفت مجلسنا وطيبٍ فوق طيب=والناس ما تفقد بماقفها ياغير ازحولها |
رد: ماجد الولدعي .. مطلوب
صح بدنك يالذيب وانا اللي لي الشرف في مجاراتك
الحقيقه انني تعلمت منك الكثير ياماجد بيض الله وجهك تقديري |
رد: ماجد الولدعي .. مطلوب
تبي الختام اللي عليه القول والراي الصليب
رايتك بيضا والرجال تبان مـن مدلولهــــا ان جيتنا شرفت مجلسنا وطيبٍ فوق طيب والناس ما تفقد بماقفها ياغيـر ازحـولهـا الله يعطيكم العافية ..... |
رد: ماجد الولدعي .. مطلوب
مطلق البجيدي الله يعافيك وياهلا
تقديري |
رد: ماجد الولدعي .. مطلوب
صحت السنتكم جميعا
تحياتي |
رد: ماجد الولدعي .. مطلوب
صحت السنتكم جميعاً الحقيقه محاوره رائعه بين شاعرين مميزين الله يعطيهم العافيه |
رد: ماجد الولدعي .. مطلوب
طاروق يحوز على الاعجاب من الاثنين ..
الف صحت السنتكم واستمر يا ماجد سفيرا للويلان .. |
رد: ماجد الولدعي .. مطلوب
غريب الشمال , خلف الغريب
صحة ابدانكم والله يبيض وجيهكم تقديري |
| الساعة الآن (07:30 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه