ياعشيري ترى لولا العيون النظايـر=كان جيتك على الوجنا الوحيده وحدها
والله اني على الهزعه غليل الضماير=لو ذلولي من المطراش وان جهدهـا
مشته مرتك لو كان بيعـي خسايـر=من حسب فايت الدنيا يبـذه عددهـا
مل قلب من الفرقا يسوقـه سعايـر=مثل ما ساق وسط النارحامي وقدهـا
ياوجودي على هرجه خفي السرايـر=وجد خطو العجوزاللي توفـى ولدهـا
كل ما حل له طـاري تهـل العبايـر=وكل ما قيل يا مرحوم تصفـق بيدهـا
شبه خلي تقود الصيد لا صار ذايـر=عين شيهانة خرسـا ليالـي هددهـا
دانة ما احرزوها ما لكيـن التجايـر=عايزة جنس عدم وصفها في بلدهـا

المشاركة الأصلية كتبت بواسطة طلال (المشاركة 270598) يابو خالد الله يسعد مساك ويعطيك العافيه الله يجزاك بالخير حنا قلوبنا دوبها دوبها وانت تحط من النوعيات هذا ذكرتني بقصيده اقول مل لامني في غلاك ودقت سلوبك هذاك ميت حساس ولابه العوضه تحياتي

المشاركة الأصلية كتبت بواسطة الــهــنــوف (المشاركة 270615) الله عليك أخوي خلف الغريب قصيده قمه بالروعه تسلم يمينك على هالنقل الرائع والله يرحم شاعرها ويغفر له يارب

المشاركة الأصلية كتبت بواسطة عبدالعزيز السعود (المشاركة 270666) الله يسعدك ياابو خالد على هالاختيار الجميل ..