العمار والخراب ....
سلام تسليمة اللي عاد عقب الغياب = الغيبة اللي يالولا الظرف مااغيبها الله يازين العمار الله ياشين الخراب = الدار به واحد يسعى لتخريبها |
رد: العمار والخراب ....
يا مرحبا بك تراحيب المطر والسحاب=اصحابنا الغاليه واجب نهلي بها والدار لو رامها حاسد وودا وجاب=تبقى عزيزه تحت حشمة معازيبها |
رد: العمار والخراب ....
دام البقا وانت ياصالح عزيز الجناب = لكن تلحقك شرهه وانت تدري بها انته وماجد رحلتو تشعبون الركاب = ودياركم غثرب المخرب مشاريبها |
رد: العمار والخراب ....
الذيب يا صاحبي وده بصوت الذياب=والدار لأخلت من العربان مالي بها عودت رجلي على ممشى الدروب الصعاب=وان عاد وسم الحياء للدار ناتي بها |
رد: العمار والخراب ....
اصرف ذهب والخطا ماهو بمثل الصواب = ياللي تميز بمخطيها وبمصيبها انا ادري انك شجيع وفاللقا ماتهاب = لو انك احيان تنقلها وتقفي بها |
رد: العمار والخراب ....
اذن العصر ياصالح استاذنك نكمل بالليل ان شاء الله
|
رد: العمار والخراب ....
اصرف ذهب والكلام الصعب يبي الجواب=والا انت كل العلوم الطيب تحريبها لا شك لا شفت من ينعق نعيق الغراب=تركت كل الديار اللي يغني بها |
رد: العمار والخراب ....
ماني بزايدك لو ظني بموقفك خاب = يوم السوالف لفتني مع مناديبها قالو لي ان الهنوف اللي تحط الخضاب = سبيت وعينك مع العالم تراعي بها |
رد: العمار والخراب ....
من قال لك ما يرد العلم يابو الشباب=خل السوالف لجهالٍ تهذريبها من دونها في مواقفنا نبيع الرقاب=ندوس الاخطار ما نحسب عواقيبها |
رد: العمار والخراب ....
بيت الفقر من يدور به طعام وشراب = يبطي ولاحققت نفسه مطاليبها انته تشوف الغدير وتحسب انه سراب = ولا انت تجحد حقايق بين ٍ غيبها |
رد: العمار والخراب ....
العالم اللي على المخطي تحد الحراب=ناسٍ تعد العيوب ولا تعرف عيبها العام تتبع مناديبه ذهاب وأياب=واليوم تنكر على العالم مراقيبها |
رد: العمار والخراب ....
من بعدها ماني بملحقك لوم وعتاب = ياجاهل ٍ بالصلاة اللي تصلي بها قص الجرر واحسب لبعض السوالف حساب = ماباقي الا على شانك نبدي بها |
رد: العمار والخراب ....
سلامة الجعفري ..
صالح السالم .. ماشاء الله عليكم .. وصح السنتكم .. متابع بشغف .. |
رد: العمار والخراب ....
اخواني سلامة الجعفري صالح السالم صحة السنتكم ابدعتم الله يعطيكم العافية لكم اجمل التحايا والتقدير |
رد: العمار والخراب ....
القصد واضح ولا تفتح على النفس باب=فكر بنفسك عن الناس وعذاريبها والجادل اللي تقول انه سباها العقاب=العام بادت حيولك وانت تحكي بها |
رد: العمار والخراب ....
عبدالعزيز السعود
بنت الكحيلا صحت ابدانكم اشكركم على المرور والمتابعه |
رد: العمار والخراب ....
اخوي سلامه صح السانك ... وبيض الله وجهك
سرى الليل استاذك ولي الشرف في اللعب مع شاعر بحجمك الختام عندك تقبل شكري وتقديري |
رد: العمار والخراب ....
على العموم الله يسلمك والقاف شاب = واقول واشيب عيني منك واشيبها اسهرتني وانت عينك مغتيشها الضباب = اثر الليالي مافادت بك تجاريبها |
رد: العمار والخراب ....
تصبح على خير ياصالح
وانا متشرف بلقائك واشكر جميع المتابعين بدون تحديد كلهم لهم الشكر والى اللقاء |
رد: العمار والخراب ....
الله الله ابدعتم والله يعطيكم العافيه
اسجل اعجابي تحياتي لكم |
رد: العمار والخراب ....
الله الله ,, صح لسانك يا سلامة , وصح لسانك يا صالح ويني عن هالطاروق من أوّله :).. ما قصرتوا وصحت ألسنتكم يا مبدعين |
| الساعة الآن (10:23 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه