قالوا حرامية قصيدك مشاهير = قلت البحر ياما غدت له سحابه

الى كتبته في زمان الطباشير = مازالت الساحه تحلل جوابه

من مدرسة شعري تخرج طوابير= وانا الاديب الي زمانه غدابه

لو الحقيقه تنكشف للجماهير= قالوا غريبه يازمان الغرابه

كيف الاديب الي حروفه مسامير= شعره غدى بلسان غيره ربابه

من قمحنا ياما تغذت عصافير= وماراح منا ما حسبنا احسابه

قضيت من عمري دروب ومشاوير= وما كنت احسب للقلم والكتابه

واليوم ابسوي مثل سالم الزير= واشعل مقابيس الوغى للحرابه

والله مالي بالمواقف معاذير= وان كان سيفي ما تدسم نصابه

انا الذهب يااهل الورق والدنانير= لو االزمن سوى علي انقلابه

تدور باطراف الجزيره معاصير= الروس تبقى والفنى للذنابه

ياهل الخشب حنا خشوم المناشير=كلن يفتش وش بقى من زهابه

وقولوا لفرعون القصايد مسا الخير= الجن مايخضع لحكم الدعابه

صغيرهم عندي يدق المزامير= وكبيرهم يفخر بفعل الصحابه

تحرري ياساحة الشعر تحرير= سيلن تحدر من عوالي اهضابه

تلقى على دربه زهور ونواوير= يلقى بها من ضاق صدره رحابه

مررتها منى للابطال تمرير= الي لهم من بد خلقه مهابه

والله مصورهم بالايات تصوير= حكمه من الله منزله في كتابه

بوجيهم نور الهدايه نوافير= يمشون مع هديٍ نبيه مشى به

والله لاذكرهم على الناس تذكير= قبل الغنم تسرق مديح الذيابه

ملعون يامن بشر الوضع تبشير= بالعولمه والا بحملة خرابه

صرنا تحت رحمة شعوب الخنازير= حتى اندفن مجد العرب فى ترابه

تحيه طيبه لك

المشاركة الأصلية كتبت بواسطة محمد خلف الزايدي (المشاركة 272545) محمد العايد,, صح لسانك على هذا الطرح الرائع تحيه طيبه لك

المشاركة الأصلية كتبت بواسطة محمد خلف الزايدي (المشاركة 272545) محمد العايد,, صح لسانك على هذا الطرح الرائع تحيه طيبه لك

المشاركة الأصلية كتبت بواسطة علي السابل (المشاركة 272546) الشامخ .......... الجزل ........ المبدع( محمد العاند ) شكرا للعصافير التي دلتنا الى سنابل الشعر .. كان ودي لو مسكت عصفور بهالقصيده ... لكن خلها مستوره ... وانت أكرم عموما صح الشعر على لسانك .. ولا حرمنا ابداعك .. وحضورك المشرف دائما .. وأنا لا زلت أقول أنت كنز لم تصله كواشف الإعلام .. تقبل عظيم تقديري

المشاركة الأصلية كتبت بواسطة بدرفهد الجعفري (المشاركة 272612) محمد العاند صح لسانك وسلمت بنانك قصيده جزله بلا شك