ياجر قلبـي جـر لـدن الغصون = غصون سدر جره السيـل جـرا
على الـذي مشيـه تخـطي بهونـي = والعصر من بيـن الفريقيـن مـرا
وأهله مـن أول بالورق يورقونـي = على غديـر تحتـه المـاء يقـرا
لا والله اللي بالهـوى وهجروني = هجر بـه الحيـلات عيـت تسـرا
لا مبعـد عنـهـم و لا قربـونـي = ولا عايـف منهـم ولانـي مـورا
وأكثر عذاب القلب يوم سنوحونـي = بيـح بصبـري لـو بغيـت اتـدرا
لا ضاق صدري قمت اباري الظعوني = كنـي غريـر بالدلوهـة مـضـرا
وقبلي عليه اشفق وتبكـي عيونـي = والحـال مـن ود الحبيـب تـبـرا
يا عزتالي مـن تفـرق شطونـي = يعزا لي ارمـي بالسلـب واتعـرا
ان مت فـى خـد بعيـد انقلونـي = على هـدي الزمـل مشيـه تـدرا
ان مت فى دافـي حشـاه ادفنونـي = فى مستكن الـروح مهـوب بـرا
بين النهـود وقـد روس القرونـي = عـن الهبايـب مستكـنً مــذرا
ياليتهـم بالحـب مـا ولعـونـي = كان ابعـدوا عنـي بخيـر وشـرا
والا انهـم يـوم انهـم ولعـونـي = خلونـي اقضـي عازتـي واتـدرا
وياليتهم فى الدرب مـا واجهونـي = وياليتهـم مـا زادوا الحـر حـرا
وياليتهم عـن حاجتـي سايلونـي = يوم انـي اقعـد عندهـم واتحـرا
وياليتهـم مـن زادهـم اطعمونـي = انـا علـى زاد اليتـيـم اتـجـرا
الخد بـرق فـى علـو المزونـي = تقول بـراق مـن الصيـف سـرا
وقفـت عنـده شايحـات عيونـي = كنـي غريـر بـا للهاوي مضـرا

المشاركة الأصلية كتبت بواسطة تركي صالح (المشاركة 289336) الله عليك ياسليمان الجعفري قصيده مميزه وأختياراً أميز وليس بغريب عليك هذا الاختيار فدائمً ذوقك في ألانتقاء رائع دمت بكل عافيه وتقبل خالص التحايا

المشاركة الأصلية كتبت بواسطة ابو غرام (المشاركة 289354) :more19:ابو عادل متذوق من نوع خاص .. وشاعر عازف عن الشعر ولكن القلب الاخضر لا يزال ينبض بالعشق يابن عمي :) والدليل على سابق حديثي اختيارك .. سواء من ناحية الموضوع أو من ناحية المعنى ;) . . صح لسانه ولسان الناقل يابو عادل دائما مبدع في كل حالاتك

المشاركة الأصلية كتبت بواسطة هيـاا العـازمـي (المشاركة 289367) . . . يا لـِ جمال هذه القصيدة دخيل الله بن مرضي الدجيما الروقي العتيبي قامة شعرية شامخة ماشاء الله تبارك الله قصيدة لا يمل من قراءتها يصح لسانه سليمان الجعفري متميز في الطرح والحضور لله درك تقديري هيــــااااا

المشاركة الأصلية كتبت بواسطة نافع عيد الجديد (المشاركة 289386) قصيده مميزه وأختياراً أميز وليس بغريب عليك هذا الاختيار لك المحبه والتقدير

المشاركة الأصلية كتبت بواسطة حمد الخمعلي (المشاركة 289474) الاخ القدير سليمان الجعفري سلم قلبك على الانتقااء الجميل كُن بخير

المشاركة الأصلية كتبت بواسطة عوض بن خميس (المشاركة 289516) اخى الغالى ابو عادل دائماااا جزل دائماااا رائع حتى فى اختياراتك عودتنا على الراقى من ذائقتك المتشبعة فى الابداع.. سلم راسك يابعد راسى على هذة المقطوعة الفاخرة والتى كم تغنى بها الشعراء.. تحياتى

المشاركة الأصلية كتبت بواسطة سعود المسعودي (المشاركة 289773) ابو عادل بيض الله وجهك على الاختيار الجميل والجزيل دمت بود