سبعه وستين رقم مكررٍ مرتين.. ماجد الولدعي
ماجد الولدعي شاعر محاوره محترف كان له بصمه واضحه في هذا القسم لكن لا اعرف ما سر اختفائه هو وفهد الفريدي وسأقوم بالبحث عنهم , انا لست شاعر محاوره للامانه ولكنني ادخل هذا القسم للتسليه فقط والشي الاخر ان هذا القسم عرفني على رجال افتخر فيهم و فهد والولدعي من خيرة ما عرفت هم شعراء معنى وانا ليس لي بالمحاوره كما ذكرت لكن ابي استدرجهم واسلمهم لكاتب وسلامه وطلال ومعيض وبقية شعراء المحاوره والمعنى
سبعه وستين رقم مكررٍ مرتين=من قبلها بي ثلاث امرار يالولدعي ماهو بخافي وانا انتظره وهو ما يبين=وانا مواصل رجال الطيب هو مطمعي |
رد: سبعه وستين رقم مكررٍ مرتين.. ماجد الولدعي
مشكور ياصالح على الاشاده الطيبه وعسى اني استحقها والله يجملني بعيونك وبعيون الجميع
الخيّر اللي امر بالحج للمسلمين = جاهل شروط الطواف وجاهل ٍ بالسعي احسبك رجل ٍ فطين اثرك منتب فطين = عطيتك العلم الاول مير ركز معي !! |
رد: سبعه وستين رقم مكررٍ مرتين.. ماجد الولدعي
الناس تعرف لابو نيه وابو نيتين =وشوي تبحر بك الموجه وافل اشرعي الاعب اللي فقد فرصه مع القمتين =وين احترافه وهو يلعب بفن ووعي |
رد: سبعه وستين رقم مكررٍ مرتين.. ماجد الولدعي
بكرا تدور الليالي والخفايا تبين = تعرف بطول اصبعك وتعرف طول اصبعي ابشر اذا اخطيت يالطيّب بسمن وسمين = واذا الخطا منك سوق العذر في مسمعي |
رد: سبعه وستين رقم مكررٍ مرتين.. ماجد الولدعي
يعطيكم العافيه صالح،،،،،،،،،،، سعوط المجانين متابع بصمت |
رد: سبعه وستين رقم مكررٍ مرتين.. ماجد الولدعي
الله يعافيك ياطلال ومشكور على المتابعه
|
رد: سبعه وستين رقم مكررٍ مرتين.. ماجد الولدعي
كم لي وانا ادور الذاهب بصدر البطين =من خوف تبدل زغاريد الفرح بالنعي طارت بيارق وفريس العرب قاعدين =ما قلت ابا ارد بالحجه على المدعي |
رد: سبعه وستين رقم مكررٍ مرتين.. ماجد الولدعي
حياك الله ياطلال ولا تبعد عني ترى عند اللزوم ازبنك
|
رد: سبعه وستين رقم مكررٍ مرتين.. ماجد الولدعي
صحت لسنتكم جميعا
ابداع من الطرفين متابع وبين الصفوف |
رد: سبعه وستين رقم مكررٍ مرتين.. ماجد الولدعي
نافع عيد الجديد
صح بدنك متابعتك تشريف |
رد: سبعه وستين رقم مكررٍ مرتين.. ماجد الولدعي
الله الله
مشكور ياصالح على استثارتك للمبدع ماجد الولدعي وان شاء الله هذا يكون رجعة بدون انقطاع فالشعراء امثال ماجد وجودهم مكسب صح لسانك ياصالح وصح لسانك ماجد ونحن نتابع |
رد: سبعه وستين رقم مكررٍ مرتين.. ماجد الولدعي
سلامه الجعفري
صح بدنك والله لا يهينك وبالطبع ماجد مكسب وافتقدناه والله واتمنى ان يستمر معنا هو وفهد الفريدي الذي سنعلن عنه في قناة الجزيره قريبا |
رد: سبعه وستين رقم مكررٍ مرتين.. ماجد الولدعي
انته اظنك غديت معايد القريتين = لاانته بقدمي مع الطرقه ولاانت تبعي ماضاع لي فالرحاه المستديره طحين = يالجعفري في علوم الزور لاتدعي |
رد: سبعه وستين رقم مكررٍ مرتين.. ماجد الولدعي
هههههههههه بك الكفايه، ولاكن ابشر بالسعد وانا اخوك،،،،،،،،، ياصالح ان سبرت القوم لك ولاجيت تأكد ماني حي هههههههه |
رد: سبعه وستين رقم مكررٍ مرتين.. ماجد الولدعي
نافع الجديد
صح بدنك والابداع حضورك يالذيب سلامه الجعفري يالله حيوه وان شاء الله اني متواجد معك ان سمحت الظروف والله لايهينك على الحضور والكلام الطيب تقديري |
رد: سبعه وستين رقم مكررٍ مرتين.. ماجد الولدعي
اقتباس:
يالجعفري في علوم الزور لاتدعي بيوت قمة ،،،الروعه تشد الانتباااااااااااه ماجد شكلك تسحب الصفوف يمك لاكن مهما حصل من القصف الجوي وستخدام الاسلحه الثقيله انا بصف صالح |
رد: سبعه وستين رقم مكررٍ مرتين.. ماجد الولدعي
هلا ومرحبا طلال
الله يعافيك وهذا من ذوقك يالغالي .. والله يعينك على القصف دامك بصف صالح هههههههه |
رد: سبعه وستين رقم مكررٍ مرتين.. ماجد الولدعي
لو ان لي مثل ما تملك مع العارفين = المارد الجم ما تقصر عليه اذرعي ظهرت حتى تعدا نجمك الفرقدين =وخلوك ناس بحزات المواقف تعي |
رد: سبعه وستين رقم مكررٍ مرتين.. ماجد الولدعي
صح لسانك ياصالح وتشرفت باللعب معك يابو سالم
وختامك للبيوت خير ختام |
رد: سبعه وستين رقم مكررٍ مرتين.. ماجد الولدعي
صح بدنك والشرف لي طال عمرك
وشكرا للاخ طلال على متابعته تقديري للجميع |
رد: سبعه وستين رقم مكررٍ مرتين.. ماجد الولدعي
طاروق عملاق من شعراء عمالقه
لو كان حضوري متاخرا صحت السنتكم جميعا |
رد: سبعه وستين رقم مكررٍ مرتين.. ماجد الولدعي
اقتباس:
كل الشكر والتقدير على المرور والعوض بالبايت ماهو بالفايت |
| الساعة الآن (12:22 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه