اذكريني لو بغيتي الصد يابنت ونويتي = اذكري قلبن وفالك في زمن كله خيانه
اذكري كم كان من يمك وعود وكم نسيتي = لو رحلتي صدقيني هاجسك غادر زمانه
العمر لجلك رهنته للاسف وانتي نهيتي = حلمي اللي قد بنيته قد تلاشى من مكانه
شوفي ان الورد الاصفر يوم شاف انك مشيتي = صار من هجرك رمادي! والدمع يسقي جنانه
سامح الله كبريائك ذا قرارك به خطيتي!! = كيف قلبي تذبحينه بعد ماخذتي حنانه
في غيابك غاب ضي الشمس عني!!.. مادريتي؟ = وانكسر فــيّ القصيد وصورة البيت وكيانه
كم ليالي صرت اعاني ساهرن وانتي غفيتي = وكم نزف جرح الخفوق اللي خسر عندك رهانه
آه ياجرح المفارق كيف يبرا..! لاطريتي = لو برا جرحي يصيح القلب بسمك يا فلانه
اذكريني لو ضحكتي مع سواي ولو حكيتي = واسمحيلي لو اقول .. اللي تسوينه خيانه

الشـاعــر / مشاري بن فالح البدري العنـزي ( هاجس الحرمان)

:

:

المشاركة الأصلية كتبت بواسطة طلال معيض (المشاركة 299404) الشاعر مشاري الابداع التميز التالق كتبته في هذه القصيده شكرا لك تحياتي

المشاركة الأصلية كتبت بواسطة عاشق المعالي (المشاركة 299435) الله عليك يامشاري دائما حضورك زاهي بكل الوان الجمال لله درك وصح لسانك