اقرب..شاعر....على الطاير
السلام عليكم ورحمة الله وبركاته.........استلموا..ياشعار
كلكم شعار والطاروق مابه منَه=ومن يدورني لياجاء ماقفي يلقاني ادري انتم من هل الاسلام واهل السنه=مابكم شيعي ولايهودي ولانصراني |
رد: اقرب..شاعر....على الطاير
اقتباس:
مرحبابك والشياطين الكبار مكنه = وادري انك شاطر وتشبه لابن حياني يالحميدي انت تبي النار والا الجنه = تبي مع علي وعمر والا مع السستاني |
رد: اقرب..شاعر....على الطاير
البقا بالشاعر اللي مانشدنا عنه= مار جانا سايل دمه على الاوجاني والله انه شيخ قوم ولاذكر به لنه=يلبس العمة ويقرأ سورة الرحمن |
رد: اقرب..شاعر....على الطاير
اقتباس:
يالحميدي مانت صابر في لهيب الكنه = لوجحدت يجيب لي علمك حسن كراني مار شل عفشك وهيجن فوق شبك الدنه = والديانه في قيادة خورشيد افغاني |
رد: اقرب..شاعر....على الطاير
صاحبك ساق الهقاوي لاتخيب ظنه=لاتشح بشربة المويا على العطشاني جهز بويتك على المعنى وجبه وغنه=بعدها بلقبك بالشاعر الفناني |
رد: اقرب..شاعر....على الطاير
اقتباس:
صاحبي يلقا علوم ن لو زعل يرضنه = مانقدم له ياغير الهيل والخولاني وانت لاغنيت لاتخالف لحون الشنه = وثم تفتح باب للمشروه والشرهاني |
رد: اقرب..شاعر....على الطاير
لو خذيته بالحكم حنا خذينا صنه=لاتعلم لك ملك في ساحة الميداني ولو تطول في شنيبك نربطك بالعنه=تحسبنك في زمانك هتلر الالماني |
رد: اقرب..شاعر....على الطاير
اقتباس:
صرح الصحاف واذان العرب يوحنه = ولاقدر ياقف دقيقه قدم بوش الثاني تدري ان عندي علاج العالم المنجنه =وانته اولهم ولك وصفه على البرهاني |
رد: اقرب..شاعر....على الطاير
ويش اسوي فالمريض اللي تجاوز سنه=لاتثير اعصابنا يالشايب الخرفاني كل مجنون ان حظرنا له نطلع جنه=وانت يامعيض العريفج راكبك شيطاني |
رد: اقرب..شاعر....على الطاير
اقتباس:
ياوليدي استرح والداب جنب عنه = لاتقرب له ولاتقرب من النيباني وانت ماتحفض من القرأن حرفن منه = كيف تبي تعالج اللي حافظ القرأني |
رد: اقرب..شاعر....على الطاير
ماني بمطلق سراحك لو تجر الونه= مار رفرف يالطوير اللي بلا جنحاني كان عندك سيف هيا يابن غانم سنه= ثم رده فالجراب وشغل الوناني |
رد: اقرب..شاعر....على الطاير
اقتباس:
الحميدي ياجماعه ركب شنه دنه = لين احطه بين صلو النار والدخاني ان سحبت السيف ابي اعطيكيه معه الرنه = طللمانك شاطراًبتفتح البيباني |
رد: اقرب..شاعر....على الطاير
كل رجل في زمانه يفتخر في فنه=وانت هذي شغلتك من ماضي الازماني انت ذيب ولكن ظروف الزمن حدنه=يالله تعافيه ياربي ولا تبلاني |
رد: اقرب..شاعر....على الطاير
اقتباس:
انت راعيها وباديها وكفك حنه = وعطر الشارب من اليشموم والريحاني وانته لسانك حصانك مار سم وثنه = لاتصير اول ضحايا الملعب الاسباني |
رد: اقرب..شاعر....على الطاير
تدري ان الحرب بيدي لو بغيت اشنه=بعدها بصب فوقك نار من بركاني لو يهدر شعيل لابده يجيب الحنه=والنتيجة واضحة يامنتدى الويلاني صح لسانك....يابن عريفج ...ويعطيك العافية تشرفت باللعب معك...... فأنت شاعر ..تمتلك كامل المقدرة الشعرية...... ويعلم الله اني من اشد المعجبين والمتابعين لمحاوراتك.......ايها النجم الساطع... والختام عندك.............دمت ....بكل خير |
رد: اقرب..شاعر....على الطاير
اقتباس:
من نجا من حرب فتنام بحياته هنه = من توفى ادع له مولاه بالغفراني مد كفك ونتسامح خل هن وهنه = ولاتبيع الورد على راعي البستاني بيض الله وجهك يالحميدي وفيت وكفيت ولاعليك زود والله وبدون مجامله انك شاعر محترف واعجبتني سعت صدرك ويشرفني ويسعدني اللعب معك ولك تحياتي وتقديري |
رد: اقرب..شاعر....على الطاير
الله الله
الحميدي بن طالب معيض بن عريفج الله يسعد ايامكم كما اسعدوتمونا محاوره قمه في الابداع بها عذوبه شعريه وتمكن وسلاسه وروح اخويه ومداعبه راقيه متعكم الله با العافيه كما امتعتونا صحت افئدتكم |
رد: اقرب..شاعر....على الطاير
صح بدنك.....يازايد....على هالاطراء ............
ومروك...بحد ذاته نعتبره....شرف ياطويل العمر.... الله لايهينك |
رد: اقرب..شاعر....على الطاير
اقتباس:
وحضورك له طابع خاص يعلم الله به والله يسعدك ويطول بعمرك وحضور مثلك هو من العوامل التي تعطي الانسان الدافع الى الامام والشاعر الحميدي بن طالب شاعر عذب ولكن انه خطير بنفس الوقت هههههههههه ولكن اللعب معه ممتع للغاليه لكونه شاعر قوي وصاحب روح طيبه وصدر وسيع الله يمتعك يازايد انت والشاعر الحميدي بالصحه والعافيه ولكم تحياتي وتقديري |
| الساعة الآن (08:54 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه