ياسعود تكفى لايفكون الاطناب.......
المناسبه: اثناء رحلتنا في اجازة الربيع1431هـ الى فياض شعيب الخشيبيه (50 كم شرق لينه) ورغم التوسلات للاستاذ / سعود بن عبدالرحمن الكردي (قائد الرحله) الا انه رفض تمديد الرحلـه . وانا بدوري رفضت المساعده في طي الخيام والتجهيز للرحيل علما بأنني وشقيقي عبدالله وبندر القحطاني-من لينه- الذين جهزنا المخيم حيث وصلنا قبلهم بيوم كامل(من حبنا للبر) قادمين من المنطقه الشرقيه(865كم) وسعود ومجموعته قادمين من عرعر(470كم). ذهبت إلى احد الرجوم المطله على الفيضه اشاهدهم وهم يطوون الخيام والفرش فهاجت قريحتي بهذه الابيات التي آمـل ان تنـال استحسانكـم :
ياسـعــود تكـفى لايـفـكـون الاطــنــاب=ياسعـود تكـفى قلهـم بس لـيـلـه نـفـسي تـشـلع كـل ماشـلع مـنـســـاب=طـواري الـفـرقا عـلـيـنا ثـقـيـلـه يـومٍ طـويـتـوا فـرشـكــم خـافـقي ذاب=كـن الضماير وسط حـر الملـيلـه ياسعـود شفي من هـوى البر ماطــاب=خلوا حـبـيـس الـدار يبرد غـليله يكـفـيه من طـول السنه صكـت الـبـاب=ويكفيه من طول السنين المحيله خـلوه يسـلى عـن هـمـومه والاتـعـاب=ويسج رجله بالفياض الـظـلـيـلـه والصبح يشرف له على راس مرقـاب=ويشم ريح الشيح وسط الخميلـه خـمـيـلــةٍ خـضـرا تـقـل مابهــا تــراب=فيها الزبـيـدي مثل روس النثيله وريح البختري والنفل مثل الاطـيـــاب=تـنعـش قـلوبٍ بالحـنايا عـلـيـلـه وباللـيـل حـول الـنـار تلـتـم الاصحـاب=وتبدا السوالف والعلوم الجميلـه وكـن الكـواكـب فوقـنا والقـمـر غــاب=جمرٍ تـنـثـر في مهـب المـسيلــه وماحلى الصبا لجـت مع الصبح تنسـاب=يحوشها ضوح الفجر في شليلـه بالـبـر نـسـلى عن هـوى تلع الارقــاب=اللي عـلى شـوفه نسوق الجليلـه ونسلى عن هـمـوم المدينه والانـشـاب=ونرتاح من بعض النفوس الرزيله يالله طـلـبـتـك يالــولـي رب الاربـــــاب=تـديـم انـعــامٍ عـلـيـنـا جــزيـلــــه وتغفر ذنـوب اللي من الـذنب قـد تــاب=يارب وفـقـنا لـدرب الـفــضـيــلــه والخاتمه صلوا عـلى سـيد الاحـبــاب=رسول رب البيت راعي الـوسـيـلـه احمد بن عبدالرحمن العريفي (نديم المجره) |
رد: ياسعود تكفى لايفكون الاطناب.......
الشاعر / احمد العريفي
صح السانك مدد بلا عدد قصيدة رائعه وابيات معبره دمت بود |
رد: ياسعود تكفى لايفكون الاطناب.......
اقتباس:
صح قلبك لاهنت الله يسعدك تحياتي |
رد: ياسعود تكفى لايفكون الاطناب.......
الشاعر القدير احمد عبدالرحمن العريفي
صح السانك وعتلا شانك قصيده متميزه ولاغرابه اخوي احمد بشرني عسى سعود وافق على البقاء دامت ايامك بالمسرات |
رد: ياسعود تكفى لايفكون الاطناب.......
ياسعـود تكفـى لايفكـون الاطنـاب = ياسعـود تكفـى قلهـم بـس ليلـه نفسي تشلـع كـل ماشلـع منسـاب = طـواري الفرقـا عليـنـا ثقيـلـه يومٍ طويتـوا فرشكـم خافقـي ذاب = كن الضمايـر وسـط حـر المليلـه الشاعرالرااااائع / احمد العريفي صح السانك حتى ترضى قصيدة رائعه وابيات معبره الله يعطيك الف عافيه ..لاهنت يالغالي تقبل اجمل التحايا والاحترام |
رد: ياسعود تكفى لايفكون الاطناب.......
الراقي والمميز دائما
احمد العريفي صح الساانك وكلك على هذا الجمال والابداع والله يلوم اللي يلومك خصوصاً اذا ربعت لينه واللي حولها الله اكبر الله يعطيك العافية امتعتنا وجعلتنا نعيش جو جميل بجمال نصك تقبل تقديري وودي |
رد: ياسعود تكفى لايفكون الاطناب.......
الشاعر العزيز احمد عبدالرحمن العريفي صح السانك وعتلا شانك قصيده مميزه دامت ايامك بالمسرات |
رد: ياسعود تكفى لايفكون الاطناب.......
ياسعـود تكفـى لايفكـون الاطنـاب = ياسعـود تكفـى قلهـم بـس ليلـه نفسي تشلـع كـل ماشلـع منسـاب = طـواري الفرقـا عليـنـا ثقيـلـه يومٍ طويتـوا فرشكـم خافقـي ذاب = كن الضمايـر وسـط حـر المليلـه الشاعرالرااااائع / احمد العريفي صح السانك حتى ترضى قصيدة رائعه وابيات معبره بارك الله فيك |
رد: ياسعود تكفى لايفكون الاطناب.......
صح لسانك حتى ترضى
قصيده جزله من شاعر جزل رعاك الله |
رد: ياسعود تكفى لايفكون الاطناب.......
الله الله الله عليك يا أحمد0
والله انك هيضتناا وذكرتناا بأياام لن ولن ولن ننسااهاا0 صرااحه قصيده مليئه بالشاعريه ولها جرس موسيقي مؤثر لأبعد الحدود0 صح قلبك وسلم رااسك0 كُن بخير |
رد: ياسعود تكفى لايفكون الاطناب.......
الشاعر القدير
احمد العريفي صح لساانك ..ولاهنت عزالله أنك ماتنلام على هذه القصيدة بيض الله وجهك ودمت بكل خير ..,ودام هذا التميز |
رد: ياسعود تكفى لايفكون الاطناب.......
صح لسانك العريفي وقصيده جزله ورااااااااااائعه
صورت الموقف وكاننا معك دمت بخير |
رد: ياسعود تكفى لايفكون الاطناب.......
اقتباس:
صح قلبك لاهنت المشكله اني ماسمعته القصيده إلى بعد ماوقفنا للوداع وبغى يرجع علما باننا جلسنا اسبوع بس انا طماع الله يسعدك تحياتي |
رد: ياسعود تكفى لايفكون الاطناب.......
الشاعر المبدع احمد العريفي
صح لسانك على هالشعر والشعور الجميل والله ماتنلام يا احمد تحياتي لك وتقبل مروري |
رد: ياسعود تكفى لايفكون الاطناب.......
ياسلااااام
الله ما اروعك يا لعريفي ابدعت وصح لسانك على هذه اللوحه الجميله الزاهيه بكل الوان الجمال صح لسانك |
رد: ياسعود تكفى لايفكون الاطناب.......
الله يسامح سعود كانه ماقبل التأخير
عقب هالقصيده هيضتنا يابن العريفي .. ولوني معك والله لجلس لو بس انا وانت زين المكان وجمال المنظر ماشاء الله تبارك الله عليك .. نص واااااااااافر وجميل من نفسٍ جميله تأنس بالجمال .. والبر .. آية جمال لا يدركها الحضر ^_^ <<< لأنه بدوي لا أكثر ومن باب المزح كتبت صح لسانك ماحييت ايها المبدع وتقبل مرور وتعقيب اخوك ابو احمد |
رد: ياسعود تكفى لايفكون الاطناب.......
ماشاء الله تبارك الله
كل قصيده احلى من الاخرى الشاعر احمد العريفي شاعر من الطراز الاول بشهادة الجميع وهذه الشامخه التي لامست مشاعر كل من قراها خير دليل صح لسانك يالعريفي الي ان ترضى |
رد: ياسعود تكفى لايفكون الاطناب.......
اقتباس:
صح قلبك لاهنت الله يسعدك تحياتي |
رد: ياسعود تكفى لايفكون الاطناب.......
|
رد: ياسعود تكفى لايفكون الاطناب.......
اقتباس:
صح قلبك لاهنت الله يسعدك تحياتي |
رد: ياسعود تكفى لايفكون الاطناب.......
اقتباس:
صح قلبك لاهنت دامت لك المسرات تحياتي |
رد: ياسعود تكفى لايفكون الاطناب.......
اقتباس:
صح قلبك لاهنت دامت لك المسرات تحياتي |
| الساعة الآن (05:47 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه