الشعرزان وهيضتني معانيه=واسترسلت نفسي بحسن المعاني
كتبت شعري والمثل نفتخر فيه=امدح عريب الجد مدح بياني
والشعرطيب كان طابت معانيه=وعساك يافكري تصوغ السماني
ياعقاب فيك الشعرتفخر مباديه=يالنادر اللي صاحبه مايهاني
يانسل قوم طيبهم مجد ماضيه=يفخربها الحاضر ولاهي بماني
من ربعة للحق تعرف مباديه=دلابحه تشدى سهيل اليماني
وان صاح باعلى الصوت تسمع عزاويه=يجون فوق مكضمات العناني
يجون فوق السرج من غير تمويه=يشفون صدر اللي حداه الزماني
ماقول قول الامثبت معانيه=وقول بلافعل ترى مايباني
عتبان والتاريخ محدن مخفيه=اهل الفعول الطيبه والسنانى
تاريخهم مهماتكلمت محصيه=محصيه لونكتب كثير المعاني
لاشك قصدي طيب ياريف ناصيه= والقلب ترجم لك غلاه اللساني
راع الوفاء لو غاب ماني بناسيه=يبقى مكانه في عزيز المكاني
والله يجيرك عن مصايب بلاويه=ويجزاك عن فعلك جزيل الحساني
وصلاة ربي عد ماحل طاريه=عد النفود وعدمالحق باني
وعداد ماهل المطر من مناشيه=على الرسول اللي بفعله هداني

يامرحبا بالخط والله يحييه=فرحت بالمكتوب ساعة لفاني
اقدر المكتوب من قدر راعيه=قرم يحب الطيب ماهو هداني
من ساس وايل منسب يفتخر فيه=منزحين الضد ريف العواني
المدح لاهل الطيب فرحان مهديه=مهديه للنادر عريب المجاني
وعقاب راع المدح والمدح يكسيه=وعد الرواء ترد عليه السواني
لاشك ابي اشكر راع الخط واجزيه=وللي نصى حفيد جدي نصاني
يالنومسي فعل الوفاء مانخليه=والطيب في شرواك ذخر وضماني
وللي نصانا مانخيب هقاويه=نجود بالميسور والعمر فاني
درب لنا من عصر الاجداد نمشيه=رؤس العلا ونكب درب الطماني
والشهم لاسمع النداء قال لبيه= ويرسي كما ترسي سطول المواني
ورجل تقصر في المراجل مشاحيه=الي مات ماينفعك لو هو جناني
والي يحسب الطيبة والمشاريه=يشارله يانومسي بالبناني
هذا ولك مني تحيه بتاليه=اعداد من صلى وصام رمضاني

المشاركة الأصلية كتبت بواسطة سالم صالح (المشاركة 314328) فرحان بن نومس صح الساانك قصيدة رااائعة وعتيبة تستاهل المدح واكثر وصدى رااااائع من شااعر ارووع صح السنتكم جميعاً والله يديم المحبة بين اهل الطيب تقديري وودي

عتبـان والتاريـخ محـدن مخفـيـه
اهـل الفعـول الطيـبـه والسنـانـى

تاريخهـم مهماتكلـمـت محصـيـه
محصيـه لونكتـب كثيـر المعـانـي

ومليووون نعم ومايسدون يالغالي
قبيلة عتيبه غنيه عن التعريف واسمها يكفيهااا

.
.

المشاركة الأصلية كتبت بواسطة جائز المليحان (المشاركة 314477) ماهي غريبه سمة الابداع والنخوه على عتيبه ويستاهلون ذبّاحة الحيل ما يقال فيهم وزود وبيّض الله وجهك يابن نومس على هالدرّة الرائعه وصوت ولا اروع وصدى لا اجمل منه فصحت ابدانكم ماحييتم ولك الشكر اخي على اتحافنا بها وتشريفنا بقرائتها لك من اخيك كل الود والتقدير ابو احمد

المشاركة الأصلية كتبت بواسطة محمد بن موسى (المشاركة 314576) عتبـان والتاريـخ محـدن مخفـيـه اهـل الفعـول الطيـبـه والسنـانـى تاريخهـم مهماتكلـمـت محصـيـه محصيـه لونكتـب كثيـر المعـانـي فرحان بن نومس ومليووون نعم ومايسدون يالغالي قبيلة عتيبه غنيه عن التعريف واسمها يكفيهااا وصح السانك يالغالي مدد بلا عدد صوت وصدى رائع بروعة حضورك وتألقك بأنتظار جديدك كن بخير

المشاركة الأصلية كتبت بواسطة عامر العنزي (المشاركة 314672) صــــــــــــ لسانك ـــــــــــــــــــــح يالنومسي عز الله انك صغت الشعر صوووغ ونعم بعتيبه قبيله عريقه وغنيه عن التعريف وتستاهل المدح ولا يمدح ونا اخوك الا الرجل الطيب السراحه خاانني التعبير لاكن ماقول الا الله يعطيك العاافيه وعـــــــــتـــــــــيـــــــبـــــــه تستاهل المدح تحيااااتي

المشاركة الأصلية كتبت بواسطة هيـاا العـازمـي (المشاركة 314675) . . يستاهل المدح السيد اللواء عقاب الدلبحي العتيبي والله مليون نِـعم ومايسدون بعتيبه كلها فرحان بن نومس صوت في غاية الابداع والجزالة وصدى لايقل جزالةً وابداع يصح لسانك وبوحك وفكرك ملايين ويصح لسان الشاعر القدير منيف مطلق الدلبحي كذلك بيض الله وجهيكم ودام لنا عطائكم وابداعكم لاتبخلون علينا بمثل هالروائع تكفون :) تقديري هيــــااااا

المشاركة الأصلية كتبت بواسطة احساس قلم (المشاركة 314688) كيف اقول او ماذااقول والمديح ل عتيبة والمادح من عنزة سااقف واصفق بكل حرارة صح لسان الصوت والصدى لن اكتب سوء كثيرا امر على قصائد بها مديح وامرها مرور الكرام لكن هنا وقفت واطلت الوقفه استاذي الكريم فرحان بن نومس تقبل مروري ودمت دووما بخير