ياسلامي سلام احباب من طيب نيه
ياسلامي سلام احباب من طيب نيه = ورحمة الله تشملكم واجل بركاته بعد عيد رمضان وقبل عيد الضحية = وقبل مايحرم الحجاج ناخذ عباته |
رد: ياسلامي سلام احباب من طيب نيه
خلوهـــــــــــــــــــــــــــــــــــــــــا
اسعد الله اوقاتكم بالمسرات / الحقيقه ماني شاعر محاوره بس مابغيت اخلي معيض الحاله بالملعبه مرحبا يالمســـــلم واليالي مــــديه كل مسلم سلوب الدين تبقاء صفاته يامعيض الحقيقه نار الجواد حيه والرجال الوفيه مــاتجيها الشماته |
رد: ياسلامي سلام احباب من طيب نيه
الشاعر معيض صح لسانك و الشاعر صبيح العوض صح لسانك متابع |
رد: ياسلامي سلام احباب من طيب نيه
اقتباس:
اخوي ابو فهد الميهوبي صح الله بدنك وحياك الله بين الصفوف والجمهور |
رد: ياسلامي سلام احباب من طيب نيه
اقتباس:
البقى ياصبيح وانت حل القضيه = كيف ابودقن نصف ذراع ضيع صلاته ومانسب الرجال اهل الوفاء والحميه = مير بعض البشر يجبرك بالالتفاته |
رد: ياسلامي سلام احباب من طيب نيه
خلوهــــــــــــــــــــــــــــــــا ،،،،،،،،،،وين الصفوف
القضية على اهل العرف ماهي خفيه وبو دقــــن النشاما ماتسوي سواته يامعيض انتبه من نيتن شقلـــــــبيه من يدور على النكبات ياخـــذ جزاته |
رد: ياسلامي سلام احباب من طيب نيه
اقتباس:
ذمتي ياوسيع العرف ذمه بريه = وانت ود الخبر والا لي العلم هاته اصح قصدي لحون الشيله السامريه = قبل مايطلع المضلوم يثبت براته |
رد: ياسلامي سلام احباب من طيب نيه
خلوهـــــــــــــــــــــــــــــــا
ذمتك طشتك يامعيض بالمهمهيه وبنكك الى يرابي ماقبلنا زكاته كل ماجبت حسنه تقتفيها بسيه والبحر من غرقبه ماتحقق نجاته |
رد: ياسلامي سلام احباب من طيب نيه
اقتباس:
راعي الطيب مداته تجي حاتمية = وراعي الشر ينطح من يجيه بحصاته فيه بالجحر داب وعقرب بجنب حيه = مره وقل يافقر الذيب والا غناته |
رد: ياسلامي سلام احباب من طيب نيه
خلوهـــــــــــــــــا
وردوها على هــــــداج مرو الظميه ينقذ الى لسانه ناشبن في لهاته والجحر لزواحف وانت راع المطيه الشعيب الخضـــر عش الذلول بنباته |
رد: ياسلامي سلام احباب من طيب نيه
معيض بن عريفج
وصبيح العوض لاهنتم ماسك الصف مبدعين الله يعطيكم العافية |
رد: ياسلامي سلام احباب من طيب نيه
لله دركم
معيض بن عريفج وصبيح العوض ابدعتم وبيض الله وجيهكم |
رد: ياسلامي سلام احباب من طيب نيه
اقتباس:
راح هداج ماباقي ياغير الحسيه = ومن بنهر الفرات اكبر غنيمه فراته كم غلام يتحدى ودندن الهاشميه = في نهارالخطر والزحف والاستماته |
رد: ياسلامي سلام احباب من طيب نيه
خلوهـــــــــــــــــــا
كان رجلك على المشوار صارت جريه *** مــــد يمناك يارجــــال تاخذ مــلاته انت يالي مابيــــــن الارض والجاذبيه *** فكرك الي مشتت روح جمع شــتاته |
رد: ياسلامي سلام احباب من طيب نيه
اقتباس:
ابك انا اشره واشره ماندور عنيه = ولاخشرت اليتيم بورث ابوه و خواته خل كرمتك عندك يازبون الونيه = ومن زرع له بداره شوك يجني نباته |
رد: ياسلامي سلام احباب من طيب نيه
خل شرهتك عندك مع اثبات الهويه ** لين اتابع كلام الرجل وعرف ثباته
ياهل المعرفه ترى الحروف البجديه ** وبن عريفج يعيد الساريه من عناته |
رد: ياسلامي سلام احباب من طيب نيه
سرى الليل طاروق كايف وشعار كبار
وانا بصف صبيح ولايهون ابو وليد |
رد: ياسلامي سلام احباب من طيب نيه
مرحبا يابو عيد
الله يحيك وانا اتشرف بتواجدك في صفي وخوي ابووليد استاذ نستفيد منه احترامي وتقديري للجميع ملاحظه يوجد خطاء املائي في كلمة البجديه الصحيح( ابجديه )من لديه صلاحية التعديل |
رد: ياسلامي سلام احباب من طيب نيه
الشاعر والمبدع / صبيح العوض صح لسانك......
والشاعر / معيض صح لسانك... بالتوفيق فانا نريد منكم المزيد لان شعر المحاوره ممتع... وخاصه بتواجد كم...... تقبلوا مروري المتواضع |
رد: ياسلامي سلام احباب من طيب نيه
اقتباس:
واضحن مثل نجم سهيل مافيه زيه = كفك اللي يشيل السيف واعرف لغاته السهو بالصــلاة ولاتسوي دعية = وانت وشهي فصيلة دمك ومعطياته |
رد: ياسلامي سلام احباب من طيب نيه
صح لسانك.....
اخوي معيض... والله شديتونا لمسكة الصفوف ... |
رد: ياسلامي سلام احباب من طيب نيه
خلوهــــــــــــــــــــــــــــــــــــــــــــــ ـــــا
النجوم بســـماها ينفوس الرضيه = والحبوب استدارت يازميلي رحاته الفصيله من اهل العـز في كل هيه = جعفرين عشق لطيب من طيب ذاته |
رد: ياسلامي سلام احباب من طيب نيه
روعة يا جماعة وطاروق مبطين عنه ,,
صحت القلوب كلكم وانا بين الصفين كلكم غالين ...ههههه بيض الله وجهك يا معيض وانت دايم راعي معروف اللي اكتشفت لنا صبيح العوض شاعر المحاورة ... ممتعين ومبدعين وشعراء كبار كعادتكم نظما ومحاورة.. |
رد: ياسلامي سلام احباب من طيب نيه
اقتباس:
والنعم والنعم في كل ابو هالسميه = يالله تكثر عيااااال اللبيب وبناته ليه ماتدخل المضماااار تاخذ هديه = ثم يذكر حصان الفعل ومشاركاته |
رد: ياسلامي سلام احباب من طيب نيه
الختام اقبلو من جزيل التحيه = اتمـــنى عيـونك تهـــتني في مــباته
العــذر ياخـوين مايخي خويه = من تواضع مع الاصحاب طابة حياته صح السانك ماقصرت ابيوت جزله من راس جزل استاذ يابو ليد ماشالله عليك |
رد: ياسلامي سلام احباب من طيب نيه
الله يسعدك يابو خالد وقوفك بالصف يشرفني ويشجعني اكثر على المحاوره لحيث اني مبتدي وملاحظات الجميع تهمني
|
رد: ياسلامي سلام احباب من طيب نيه
الختام اقبلو مني جزيل التحيه = اتمـــنى عيـونك تهـــتني في مــباته
العــذر ياخـوين مايخلي خويه = من تواضع مع الاصحاب طابة حياته الشاعر معيض بن عريفج صح السانك وعتلا شانك ماقصرت ابيوت جزله من راس جزل استاذ يابو ليد ماشالله عليك |
رد: ياسلامي سلام احباب من طيب نيه
قبل مايطلع المظلووووووووووووم يثبت براته صح السان الجميع
|
رد: ياسلامي سلام احباب من طيب نيه
االله عليكم
صح لسانتكم ثنيناتكم ولو انها متأخرة |
رد: ياسلامي سلام احباب من طيب نيه
اقتباس:
نيابه عن اخوي معيض صح الله بدنك وشكرا على المرور الخير متى ماجى نفع |
رد: ياسلامي سلام احباب من طيب نيه
صح الله ألسان كل واحد فيكم
امتعتونا صراحه وننتظر المزيد منكم |
رد: ياسلامي سلام احباب من طيب نيه
صح اللسان والبيان للشاعرين
ابدعتوا وراح انسق المحاورة |
| الساعة الآن (07:06 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه