قـصيـد الـعـواجـي
متواضعه أخرى للتواصل معكم أحبتي ^ ^ ^
جيتك وياخذني لك شعور وأحساس = دافع غلا ماهو شعـور ازدواجـي وبنيت لك بالحب قصرٍ على سـاس = وعيشتني بالحلم في بـرج عاجـي وتوجتني باغلى الجواهر والالمـاس = حتى مزاجك متفـق مـع مزاجـي وسكبت لك عذب الاحاسيس بالكاس = واسقيتني مـر العـذاب الهماجـي رحت وتركت الهم يربى بالانفـاس= ودعتني والضحـك وّدع احجاجـي وعيشتني فى ضيقة الصدرواليـاس = وطفيّت فى وجهى فتيلـة سراجـي كنت الامان اللي توارى بالادمـاس = واسدل خيوطه هالظـلام المفاجـي عشتك بحلم الليل وأصبح بالافـلاس = حظوظ ياحظـي كفايـه احراجـي عمري قضى حرمان وسنينه اتعاس = وسكون ليلـه عبرتـي وختلاجـي ورجعت وجروحي تشمّت بها الناس =وكسر الخواطر مثل كسر الزجاجي من كسرة الخاطر أجر وألف لا باس = مافيـه ضيـق إلا وراه انفراجـي يسلـي احزانـي ليامـر هوجـاس = حزنٍ قريته في قصيد العواجـي و سلامتكم عذب التحايا للجميع |
رد: قـصيـد الـعـواجـي
يسلي احزاني ليا مر هوجاس حزن ن قريته في قصيد العواجي
الله الله صح لسانك والله العنود الشيباني على هذه الرائعة... |
رد: قـصيـد الـعـواجـي
يسلـي احزانـي ليامـر هوجـاس= حزنٍ قريته فـي قصيـد العواجـي الله درك يا العنود |
رد: قـصيـد الـعـواجـي
غاليتي
شدا عزفك.. الحاني على قيثاره الاحساس.. بـ اروع المقطوعات... و نثرت نوتات.. سحرك.. في سماء الابداع.. فـ رسمت لـوحه تغنت بـ نقاء الحروفــ.. و صدق الكـلمات.. و جمال البوح... سلمت على روعة ما اودعة.. و لا حرمنا ابداعك.. لك الود.. و جنائن الورد.. آح ــترآآآمـــي |
رد: قـصيـد الـعـواجـي
الله عليك يالعنوود شاعره مبدعه صح لسااانك اختي ولاهنتي
قصيده رااائعه لامست الاحساس دمتي بخير |
رد: قـصيـد الـعـواجـي
الاخت الشاعره العنود الشيباني
صح لساانك على هذا الاحسااس الرااقي المرهف0 كُوني بخير |
رد: قـصيـد الـعـواجـي
الشاعره المبدعه العنود الشيباني
صح كلك على ماقدمتي مبدعه بشهادةالجميع وتقبلي مروري المتواضع |
رد: قـصيـد الـعـواجـي
الاخت الشاعره العنود الشيباني
صح لساانك لكِ خالص التقدير وجل التحايا |
رد: قـصيـد الـعـواجـي
الشاعرة القديرة
العنود الشيباني صح لساانك ..ولاهنت ِ نص حوى رقة واعذب المشاعر والأحاسيس لله درك ابدعتي اختي العنود سجلي اعجابي وتقبلي فائق التقدير والاحترام |
رد: قـصيـد الـعـواجـي
العنود الشيباني
صح السانك قصيدة راااائعة ومميزة باحساسها الراقي تقديري وودي |
رد: قـصيـد الـعـواجـي
العنود ..
صح لسانك .. نص جميل و رائع لا يكتبه إلا المميزون .. من أول بيت إلى آخر بيت و أنا أعيش التفاصيل بسلاسه.. هنا الشعر .. والصمت أحياناً يغني عن الكلام و هنا سأهضم حق هذه الدره لروعتها .. دمتي بخير .. |
رد: قـصيـد الـعـواجـي
عز الله إنها فاخره ومن طراز معتق
ليست كغيرها شاعرتنا الشيبانيه فلله دركي على حضور مثل هذا الحضور ولله دركي على ابهار كهكذا ابهار ابيات من اول مشدها وحتى الختم منها مبدع صح بوحكي ولاحرمنا الله تواصلكِ الشعري هذا تقبلي في الختام مرور اخيك ومتابع من ضمن متابعيك بالشعر ابو احمد |
رد: قـصيـد الـعـواجـي
العنود الشيباني
مااروع ماقريت هنا من ابيات لامست الاحساس فعلا كيف لا ومن كتبها العنود الشيبان وقد اخذت من قصيد سعدون العواجي مااخذاً(ن) ماذا اقول الاصح لسانك عدد بلا مدد لك الف تحية يالغلا وبنتظار جديدك |
رد: قـصيـد الـعـواجـي
مافيه ضيق الا وراه انفراجي
العنود الشيباني صح لسانك على هذه الابيات الرائعه والمعبره |
رد: قـصيـد الـعـواجـي
الشاعره الجميله بشعرها وحضورها
صح لسانك مليوووون مره هنا جمال الشعر النسائي الطاغي بالعذوبه والاحاسيس الصادقه |
رد: قـصيـد الـعـواجـي
وانا اغوص في اعماق الشعر والادب في هذا القسم وجدت هذاالنص المميز
فحبيت تسجيل اعجابي وان كان متاخر صح لسانك يالعنود |
رد: قـصيـد الـعـواجـي
صــح لســانك واعتــلى شــانك
قصــيده جميله من شاعره مبدعــه درر رايت في هذا النص الشامخ لك خالص تحيــاتي |
رد: قـصيـد الـعـواجـي
العنود الشيباني صح لسانك ع هذه الرائعه
يسلـي احزانـي ليامـر هوجـاس= حزنٍ قريته فـي قصيـد العواجـي فكره رائعه من شاف مصيبه غيره تهون عليه مصيبه يمل قلبن عذبه كثر الامراج ماذاق لراحه طعم وانبهاجي |
رد: قـصيـد الـعـواجـي
صح لسانك ولا هنتي يالعنووووووووود
قصيدة رائعه لا استطيع أن اشبهها إلا بعقد الدر الفريد المتماسك من البداية حتى النهاية والذي يجبر القارئ على المتابعة بدون توقف ,,, لك خالص شكري ,,,,,,,,,, |
رد: قـصيـد الـعـواجـي
فعلا هذه القصيده فريده من شاعره فريده
العنود الشيباني صح لسانك ولاتحرمينا الاستمتاع بإبداعك |
| الساعة الآن (12:16 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه