إلى ضحكتي تضحك الانس والجان=وإلى زعلتي يزعـل الكون كـلـه
يادرةٍ عـزة عـلى كـل الاثمـان=بالوصف عن كل الدرر مستقـلـه
يافرحـةٍ تبسمـت بين الاحـزان=يافـرجةٍ بين الشدايد امـطـلـه
ياكـف شهـمٍ مدها يم غـرقـان=باخر رمق من تحت الامواج تلـه
ياجرعةٍ عـذبه على حلق عطشان=امن الضما عجزت اعظامه تشلـه
ياضوح برقٍ لاح بعـيـون بدوان=تباشـروا عقب السنين المغـلـه
يانشوة الصحـه على جسم وجعان=اربـع سنينٍ ثاويٍ فـي محـلـه
يالذة الغفـوه على عين نعـسـان=مـره تغم العيـن ومـره تفلـه
يادمعـة التوبه على خـد ندمـان=تحدرت يومٍ سمع خـف مـن الله
يافيضةٍ عشبه غدى اشكال والوان=بالسدر عن شمس الظهر مستظله
يانسمـةٍ تسللت بين الاغـصـان=ياوردةٍ مـن شـمـهـا مايملـه
صرتي ورب البيت للزين عـنوان=كنك شعاع الشمس والناس ظلـه
لو قسموا زينك على كل الاقـران=كـفى وفاض ومابقي شَيَنْ لـَلـْه
ماهمني غيرك من العالم انسـان=من بينهم وسط الحشا مستحـلـه
يارب سهـل دربها وين ما كـان=وخل الحياة بوجهها مسفـهـلـه
يارب وفـقـها على كل ميـدان=يارب لاتجعـل حياتـه مـمـلـه
أعيذها بالله من كـل شيـطـان=واعيذها من كل نفـسٍ مـظٌـلـه
أستغفر الله واحمده عالي الشآن=إن شاء .. يغـفـر كل ذنبٍ وزلـه

المشاركة الأصلية كتبت بواسطة صبيح العوض (المشاركة 315689) اخوي احمد العريفي صح السانك قريت هذا النص الشامخ واجبرني بتسجيل اعجابي الله يحميها ويخليها لعينن ترجيها تحياتي واحترامي

المشاركة الأصلية كتبت بواسطة سعد النفج (المشاركة 315965) أحمد العريفي .. شاعر مميز .. لم أقرأ شعر بل قرأت سلة أشعار .. صح لسانك .. شاعر مميز و نسعد بمصافحة ابداعاته ..

المشاركة الأصلية كتبت بواسطة سالم العنزي (المشاركة 319564) قصيده تجعلك تحلق عاليا في سماء الخيال وانت تقرأها صح لسانك يانديم المجره

المشاركة الأصلية كتبت بواسطة عبدالله المعيوف الدهمشي (المشاركة 329827) إبداااااااااااااااااااااااااااااااع ما هذا الإبداع شلون يعني وش تبيني اقول لازم يعني تحرج اللي يردون على قصايدك يعني مثل هالقصيدة وش تبيني اقول صح لسسسسسانك ملايين

المشاركة الأصلية كتبت بواسطة سعد بن هندي (المشاركة 329835) صح السانك قصيدة رائعه بكل ماتحمل من معاني وكلمات ودي

المشاركة الأصلية كتبت بواسطة فراس العنزي (المشاركة 332420) http://www.munasbh.com/vb/mobile_056...1230150552.gif