السلام عليكم

بعد مشاهدة الشيب في ذا الراس :(
كتبت هذه الرساله .. عله يطيع امري

:

متواضعه .. تقبلوها كما هي ...


يا شيب

ابيضْ مليت الراس وش فيك ياشيب=توّ العمر ماشفت من شمسه النور
قبلك زماني .. مستلمني دواليب!=والحين اشوفك منتظر جيّت الدور!
لولا الحيا لاخرّب الراس تخريب=وانتفك بالمنقاش لاصرت مجبور
اليا نتفتك بان في راسي العيب=و اليا تركتك ساهر الليل مقهور
ليتك رجل ياشيب واذبحكْ تعذيب=واعلن مماتك بالجزيره على الفور
واعيد وقتٍ زان فيه المكاتيب=وقت الوفا .. مافيه لاغدرٍ و زور
وقتٍ .. يزين البرّ مع خوّة الذيب=مانعرف الدينار..! وامغازل الحور
وقت الرجال اهل الدلال المهاذيب=اهل السطر.. واهل المحازم و باكور
الحظ .. عاثر مانفع فيه تطبيب=عاجز يداوي علّته كلّ دكتور
نهر الحزن مجراه وسط المحاديب=ولوعة همومي داخل الصدر ناعور
زهرة شبابي اذبلتها التشاعيب=وبستان عمري مابقى فيه عصفور
واللي سألني عنكْ أخدعهْ واجيب=(استايلي) ياخوك للراس ديكور
مايدري اني مشتعل باللواهيب=دنيا سقتني كاس من مرّها جور
مازدتني ياشيب وقرٍ وتهذيب=من قبل اشوفك عشت بالدنيا موقور
ان كان ماينفعْ معك زود ترهيب؟!= لاصبغكْ .. واجبر خاطر سنين مكسور

لـ مشاري بن فالح البدري العنزي ( هاجس الحرمان)

22/12/2010

:
:

المشاركة الأصلية كتبت بواسطة بنت الكحيلا (المشاركة 326227) صح لسانك اخوي مشاري بن فالح ابدعت فيما كتبت الله يعطيك العافية وتسلم على البوح الراقي لك كل الشكر

المشاركة الأصلية كتبت بواسطة سعود المسعودي (المشاركة 326231) صح لسانك اخوي مشاري بن فالح تقبل تحياتي وجل تقديري دمت بخير

المشاركة الأصلية كتبت بواسطة حمد الخمعلي (المشاركة 326268) اهلابك اخي الشاعر مشاري بن فالح قصيده من اجمل ماقرأة لك قصيده من احسااس صاادق0 الشيب مالك منه فكه ان نتفته ولا صبغته جايك جايك0 ومطلع بالبيت الاول جميل جميل جداً0 ابيض مليت الرااس وش فيك ياشيب ــــــــــتو العمر ماشفت من شمسه النور0 وفي البيت التالي لايختفي الجمال وصوره جميله جداً0 زهرة شبابي ذبلتها التشاعيب ـــــوبستان عمري مابقى فيه عصفور فيه ملاحظه على هالبيتين من جهة نظري لو استغنيت عنهن لاكاان افضل0 لولا الحيا لاخرب الراس تخريب ـــــــــــــونتفك بالمنقااش لاصرت مجبور اليا نتفتك بان في رااسي العيب ـــــــــــــولياتركتك ساهر الليل مقهور مازتني ياشيب وقرٍ وتهذيب ـــــــمن قبل اشوفك عشت بالدنيا موقور لو قلت ((من قبل شوفك عشت دنياي موقور)) كان افضل لانه سبب خلل بالقصيده0 الله يعطيك العافيه0 كُن بخير

المشاركة الأصلية كتبت بواسطة عيسى العنـزي (المشاركة 326296) مشاري صح السانك ولاهنت والف شكر وامتنان لك على امتاعنا بهذه الرائعه يعطيك العافيه احترامي

.
.
.

المشاركة الأصلية كتبت بواسطة فاضي عبدالعزيز (المشاركة 326297) صح لسانك قصيده رائعه وتوشيب يخوي وبعدين مايطرد هاليام اناس مع الشايب ههههه لاهنت اخوي فالح

المشاركة الأصلية كتبت بواسطة جلال الدرعان (المشاركة 326299) الله يعطيك الف عافية على المشاركة الرائعة . شكرا لعطائك الغير محدود والتواصل الدائم . لاعدمتك على ابداعك الذي يستحق الوقوف عنده دائما والتمعن بكل ما تجود عليه قلمكـ عليناَ . لك من القلب عظيم المحبة والشكر لكل حرف نسج اعلاه لما قدمته لنا من عطاء وتواصل عذب وبشكل مستمر . مشاركة مميزة . الف شكر لك على الابداع المتواصل . اترقب جديدك بكل شوق . مودتي.

المشاركة الأصلية كتبت بواسطة محمد بن موسى (المشاركة 326354) الشاعر العذب / مشاري بن فالح صح السانك مدد بلا عدد يالغالي وبيض الله وجهك على هالنص والشيب ياذيبان وقار وفي وقتنا الحالي ماهو دليل على كبر العمر نلقى شباب بالعشرين وكلهم شيب والناس تسويها موضه هاليومين وانت يابو فالح ماشي مع الموضوه لو ماتعمدت هالشي قصيدة في مجملها رائعه اخي الكريم ولكن اتمنى ان يتسع صدر لبعض الملاحظات البسيطه في الشطر .. (( وقت الوفا .. مافيـه لاغـدرٍ و زور )) فيه ثقل بالبيت ولو قدمت حرف النفي اللآم لكان افضل واسهل حتى بالنطق (( وقت الوفا .. مافيـه غـدرٍ ولا زور )) كذلك اخي الكريم (( من قبل اشوفك عشت بالدنيا موقـور )) لو استبدلت كلمة (( بالدنيا )) الى (( دنياي )) لكان افضل ((من قبل اشوفك عشت دنياي موقـور )) وبالنهايه الملاحظات لا تنفي جمال وروعه القصيدة وشاعرها دمت بود

المشاركة الأصلية كتبت بواسطة جميل الفلاج (المشاركة 326431) صح لسانك يامشاري ابن فالح ذكرتني باالشيب واشيب راسي شاب راسي واناشاب=شاب وتغيرمن سوادلبياضــــــــــــــي

المشاركة الأصلية كتبت بواسطة هيـاا العـازمـي (المشاركة 326733) . . . يصح لسانك وبووحك وفكرك يا مشاري ولله درك على هذا الحضووور الجميل والأحرف الرائعة وبيني وبينك الشيب مامنه مهرب ياخوي :) كلنا راح نشوفه دام نبضك وابداعك تقديري هيـــــاااا

المشاركة الأصلية كتبت بواسطة عبدالله المعيوف الدهمشي (المشاركة 326761) مازدتنـي ياشيـب وقـرٍ وتهـذيـب من قبل اشوفك عشت بالدنيا موقـور أنت خالفت الشاعر القديم عيرتني بالشيب وهو وقار ُ ... ليتها عيرت بما هو عار ُ انا مؤيد لك صح لسسانك مليون

المشاركة الأصلية كتبت بواسطة فهد السلقاوي (المشاركة 326775) صح لسانك ملايين مبدع يالغالي اخوك فهد السلقاااوي دمت بود

المشاركة الأصلية كتبت بواسطة سليمان مفضي العنزي (المشاركة 327001) مشاري فالح قصيده مميزه كالعاده واسجل اعجابي بها صح لسانك

المشاركة الأصلية كتبت بواسطة تركي علي الخالدي (المشاركة 327213) الشاعر الرائع مشاري فالح لقد اوصلت لنا لمحه جميله للشعر العراقي صح لسانك وتقبل اعجابي

المشاركة الأصلية كتبت بواسطة سليمان الرشدان (المشاركة 327886) صح لسانك ... ولاهنت على هــ/ القصيده الرائعه ابيات اعجبتني ليتك رجل ياشيـب واذبحـكْ تعذيـب واعلن مماتك بالجزيره علـى الفـور واعيـد وقـتٍ زان فيـه المكاتيـب وقت الوفا .. مافيـه لاغـدرٍ و زور وقتٍ .. يزين البرّ مع خـوّة الذيـب مانعرف الدينار..! وامغـازل الحـور وقت الرجال اهـل الـدلال المهاذيـب اهل السطر.. واهل المحازم و باكـور فعلا يازين زمان اول ... لاهنت يالذيب تقبل مروري ..