السلام عليكم ورحمة الله وبركاته

مشاركه بسيطه بعد طول انقطاع

ارجو ان تنال على رضى ذائقتكم

تدلل لعن ابو جد القصايد والشعر يفداك =تدلل يا بعد روح القصيد وروح من قاله
تدلل وانت ما تدري عن الي واردك يظماك =شربتك نبع لين انه سرى في دمي زلاله
تدلل لك حبيب ٍ لا طلبته ما قدر يعصاك =تدلل يا ربيع العمر يا ديمه وهمّاله
انا لولا شعوري بك حبيبي ما طلبت رضاك =ولا جت لك بنات الفكر منقيه ومختاله
بيوت ٍ لك منقيها عن النقاد والشكاك =هواجس شاعر ٍ مثل الذهب فيدين عماله
بعد ما جيتني تنثر عطورك يا غصين الراك =الا حي المكان الي جمعنا يا سعد فاله
عبير يفوح بانفاسك وعودك غار لي من فاك =بدا يعزف على اوتار الكلام وذب مواله
تشرّب وجهك بنور الصباح وفاض بمحياك =تحت ليل ٍ معنيه السواد وهمّ باذلاله
توقد جمرتينك كل ما عضيت لي بشفاك =وكنك تشعم الجمره بصدر ٍ فاحت دلاله
سجد رمشك على ورد الخدود وقلت له لباك =والا مّنك رفعته فوق غطى الورد بظلاله
بدايات البياض وآخر كفوف الترف يمناك =نهايات الحرير الي يعلّق فيك آماله
حبيبي وش تقول بعاشق ٍ صب ٍ عجز ينساك =كتب اسمك على كل الجهات وصار ترحاله
يشوفك كل ما لدت عيونه من هنا وهناك =مطر صوتك حيا صدر ٍ زمانه سبة محاله
عشقتك لين ما قلبي تركتني ولاذ يم حماك = عبيري فرحتي صبحي وريف العمر وظلاله
ولا يمكن على طول البعاد وغيبتي بجفاك=يمر الوقت ما اتغيّر ولو غيّر لي احواله

المشاركة الأصلية كتبت بواسطة سليمان مفضي العنزي (المشاركة 328124) الله يحييك ياحاسب شاعر متمكن ولديه قدره فذه في كتابة الشعر بأبداع لله درك على هذا النص الراقي

المشاركة الأصلية كتبت بواسطة بدرفهد الجعفري (المشاركة 328125) مبدع ياحاسب الرويلي ياهلا ومرحبا مليون وان شاء الله ماتغيب الا عن الشر واللي مثلك لانريده ان يبتعد عنا بل كن بالقرب دائما وامتعنا بما تكتب صح لسانك مليووون

المشاركة الأصلية كتبت بواسطة سالم صالح (المشاركة 328140) حاسب الرويلي ياهلا بك ملياااار ومن طول الغيبات جاب الغنايم صح السانك ابدااااااااع ليس له حدود من شاعر مبدع ويعرف كيف يصيغ الكلمات لتصبح شعراً مملوء بالمشاعر الراقية تقبل تقديري وننتظر ابداعاتك القادمة

تدلل لعن ابو جد القصايد والشعـر يفـداك ،،،،،، تدلل يا بعد روح القصيد وروح مـن قالـه

بعد ما جيتني تنثر عطورك يا غصين الراك ،،،،،، الا حي المكان الي جمعنا يـا سعـد فالـه

سجد رمشك على ورد الخدود وقلت له لباك ،،،،،، والا مّنك رفعته فوق غطى الـورد بظلالـه

المشاركة الأصلية كتبت بواسطة سالم العنزي (المشاركة 328179) حاسب الرويلي شكرا على هذا الحضور وهذا التواجد ابيات جزله وامتعتني فسجلت اعجابي بها

المشاركة الأصلية كتبت بواسطة تركي علي الخالدي (المشاركة 328187) قصيده ممتعه واعجبتني حاسب الرويلي ارجوا تقبل اعجابي بما كتبت اتمنى لك التوفيق

المشاركة الأصلية كتبت بواسطة البدر (المشاركة 328190) بـيـوت ٍ لــك منقيـهـا عــن النـقـاد والـشـكـاك = هواجـس شاعـر ٍ مثـل الذهـب فيديـن عمالـه انا اشهد انها نقوه واحلى من الذهب حاسب الرويلي ماذا عساي اقول في هذه القصيده التي تتزاحم بيوتها جمالا وصورا وابداعا تشرّب وجهك بنور الصبـاح وفـاض بمحيـاك = تـحـت لـيـل ٍ معنـيـه الـســواد وهـــمّ بـاذلالــه اجد في هذا البيت الكثير من الصور الابداعيه باسلوبها البسيط الممتع ثم اجد البيت الاخر الذي يسبح فيني بعيدا في فضاء الجمال سجد رمشك على ورد الخدود وقلت له لبـاك = والا مّنـك رفعتـه فـوق غطـى الـورد بظـلالـه سوف اتوقف هنا لانه سوف يطول المقال لو اردت استعراض كل صور الجمال في هذه القصيده شاعر اتلهف بشوق لمعانقة المزيد من قصائده

المشاركة الأصلية كتبت بواسطة هندي المقبل (المشاركة 328213) كفو ياحاسب الرويلي وصح لسانك على هذه القصيده الجزله بكل كلمه فيها رائع بما تعنبه الكلمه واشبعتني شعرا بما كتبت صح لسانك

المشاركة الأصلية كتبت بواسطة عبدالله المعيوف الدهمشي (المشاركة 328220) لعن ابو جد الابداع الله عليك ماا هذا الابداع صح لسانك ملايين يا مبدع

المشاركة الأصلية كتبت بواسطة محمد بن موسى (المشاركة 328238) الشاعر القدير / حاسب الرويلي اولاً / الله يحييك اخوي في منتدى النخبه ويلان نورتنا بأنصمامك الى كوكبة ونجوم هذا الصرح الشامخ وثانياً / صح السانك ملايين ونبض قلبك قصيدة جزله من جزالة شاعرها ونص يبهر القارء بجمال مفرداته وعذوبته وعمق معناه لاخلا ولا عدم يثبت النص لروعته وروعة شاعره

المشاركة الأصلية كتبت بواسطة جلال الدرعان (المشاركة 328243) تتسم معانيك بصدق المشاعر وكلماتك المنشوده لها عبق فواح حروف تجمعت وأرتسمت فوق هامات الابداع لينثر قلمك وترسم حروفك كلمات تحمل بين طياتها مشاعر حب جياشه 000! دمت بألف خير أطيب تحيه** **