الدور ....عندك يــاحـمـد
السلام عليكم ورحمة الله وبركاته........
قم ياحمد قدامك الميدان لاتلبس قناع=وانا معك بالطرقة السهلة حسب ماتستطيع العب معي يالخمعلي طاروق والدنيا متاع=عسيت يم ديار نجد وهات لي علم الربيع |
رد: الدور ....عندك يــاحـمـد
عليك السلام ورحمة الله وبركاته0
الخمعلي لاقام قدامك لقا ولا وداع=اما على خط الهدا ولا على الخط السريع يالجعفري جيت الديار اللي بها صوت السباع=ولياا جلهت انشد بني وايل وينبونك سبيع |
رد: الدور ....عندك يــاحـمـد
مدري تكون المشكلة بالموهبه والاندفاع=والا تكون المشكلة بين الاذاعة والمذيع مار الوكاد انك غزيت ولاكسبت الا الضياع=والمعركة ماترحم اللي باللقا عكس الشجيع |
رد: الدور ....عندك يــاحـمـد
المشكله في راسك اللي باينٍ فيه الصداع=اللي معرّف بك مابين الناس يالصقر المنيع سلم على طلاال تال الوقت سوا الاتساع=ارفع شهادة شكر للمذكور ياالطفل الرضيع |
رد: الدور ....عندك يــاحـمـد
الذيب مايحسب حسابه للثنية والرباع= وله ماقفه بالعز والامجاد والقدر الرفيع وانا موقف فالمواقف وقفة االرجل الشجاع= وانت وخويك داخل المخباه لو جيتو جميع |
رد: الدور ....عندك يــاحـمـد
اثريك صاير ضبعتٍ تمشي على درب الضباع=وليامشت ماهما تاطى على شوك النقيع يالجعفري جود حزامك في نزولٍ ورتفاع=والمشكله مخباك كبرة وتبلشت بكل ريع |
رد: الدور ....عندك يــاحـمـد
الحميدي ابن طالب
حمد الخمعلي الله عليكم شعراء كبار ومبدعين صحت السنتكم والمرة هذي انا بصف الخال / حمد الخمعلي وارقااا سنووود |
رد: الدور ....عندك يــاحـمـد
الشاعر /الحميدي
الشاعر/ حمد الخمعلي صح الله السنتكم مبدعين بنسبه لخوي حمد مشاركته في شاعر المعنى شاهد لشاعريته وثقته من نفسه والسنه القادمه يكون من ضمن 48 انشالله وبتوفيق للجميع تحياتي |
رد: الدور ....عندك يــاحـمـد
يالخمعلي لاجبت صاعك نص خذ عشرين صاع=لكن ماني مكثر الغلطات لأحسنت الصنيع كلمتك هذي ياطويل العمر معنى الانصياع=وفي وسط سوق الوضح مدري تشتري والا تبيع |
رد: الدور ....عندك يــاحـمـد
طاروق كايف وشعار مبدعين
|
رد: الدور ....عندك يــاحـمـد
الخمعلي خله يدرسك الكتابه باليراع=حتى ليامروبك الشعار قالولك فضيع من وين ماوجهت يالاصحاب مدري وين ضاع=أثر البلا بالزبده اللي كل ماحمية تميع |
رد: الدور ....عندك يــاحـمـد
اقتباس:
الاخ محمد بن موسى صح بدنك وانا اتشرف بوقوفك بصفي ياولدي كُن بخير |
رد: الدور ....عندك يــاحـمـد
اقتباس:
الاخ صبيح العوض صح بدنك وافتخر بأنك من متابعيني0 كُن بخير |
رد: الدور ....عندك يــاحـمـد
اقتباس:
الاخ نافع الجديد شكراً لهذه الشهااده كُن بخير |
رد: الدور ....عندك يــاحـمـد
حنا تعلمنا عليها وانت في سن الرضاع=يوم ان مثلك يشرب المصاص سنتوب وربيع الجعفري فالموقف الغصاب وبلوي الذراع=وانت ونعم في حملة الاثقال يالرجل المطيع |
رد: الدور ....عندك يــاحـمـد
ابضاعتك زينه وغطوها الجماعه بالشراع=تبي تلكع وانت يالافدغ ترا مانته لكيع حملك تزوزيبه متر ولا شبر ولا ذراع=ون زرفلتبك ياعساك بخير مع اول قطيع |
رد: الدور ....عندك يــاحـمـد
شعراء مبدعين
سلمتوا ع الابداع الله يعطيكم العافية |
رد: الدور ....عندك يــاحـمـد
خذها على وضح النقى يالخمعلي ماهي خداع=واللي سواتك لأحتمى الميقاف روح له فطيع الله خلقكم للبشر خدام وامر الله مطاع=في محكم الايات مابين المودع والوديع ولك الشكر.....والاحترام اخي ....وصديقي الغالي حمد الخمعلي......تشرفت باللعب معك....فأنت شاعر.....له موقفه المشرف في ساحة القلطة...سواءً من خلال هذا الصرح الشامخ...او من خلال الحظور الميداني...... فشكراً لــــــــك.... |
رد: الدور ....عندك يــاحـمـد
الاخ القدير والشااعر الحميدي طاالب
صح لساانك على هذه المحااوره وابيااتك جزله0 تشرفت بالعب معك ولناا لقااء آخر بإذن الله في الميداان هههه كُن بخير |
رد: الدور ....عندك يــاحـمـد
عاشواااااااااااااااااااااااااااااااااااااااااااااا ااااا
|
| الساعة الآن (06:05 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه