بسم الله الرحمن الرحيم
بلاشك شك عنزه وشمر قبيلتان عريقتان فيهم حقهم من الرجال
ومعاركنا معهم كثيره قتلنا من خيرت فرسانهم وهم ايضاً قتلوا من خيرت فرساننا

ياليتني ماجيت يمك ياحايل = ثارت عليه من عنا الوقت ضيقات
من يوم شفت الزين راع الجدايل = غرون سلب عقلي وانا ضعت بسكات
واشيب عيني يوم قام يتمايل = يشعل عروق القلب مامن وريدات
قلت الاصل ياهيه من اي الحمايل = قالت انا من روس قوماً (...........)
يوم اللقاء ناطى على كل عايل = يشهد لنا التاريخ في ماضياً فات
قالت ابرمع انت من اي القبايل = شكلك بعيداً من دياراً بعيدات
قلت ارمعي يابنت ماني متحايل = وانا قريب من دياراً قريبات
قالت فديت اللي من عيال وايل = فديت انا الهذال وعقاب بالذات
تشهد لكم شمر بكثر الفعايل = على ظهور خيول والله عريقات
ياما ذبحتوا شيوخ منا وعوايل = وياما خذيتوا ديار والله عزيزات
اقرب مثل يضرب بيضاء نثايل= صارت لكم من دون حرباً ولقوات
مسلط تركها يوم شاف الهوايل = شاف السيوف اللي تلامع شطيرات
واذا تبيني لاتروغ وتحايل= تعال دق البـاب تـلقـى الجـوابـات

مشهور الرشدان


نعم مليون نعم بعنزة وشمر
وصح السانك مدد بلا عدد
نص رائع ومميز بروعة وتميز مشهور بن رشدان
وحوار راق لي كثيراً
والله يجمع بينكم بخير


تقبل فائق الود والمحبه