نفسي الحره عن الغبنه تشوم=كنها متن السحاب المعتلي
والزمان إللي فرك شمّ الخشوم=إن صفا أو مال ما يشكل علي
طبعي إن زال الشقا والا يدوم=سيد(ن) بالناس عبد(ن) مع هلي
القريب إن زل يلقاني رحوم=والبعيد ان زل يبلش بزعلي
ان رضيت ارضى على ربع(ن) قروم=وان زعلت ازعل على ذنب(ن) جلي
هيه يا وقت(ن) رفع قدر الرخوم=والقروم بوسط ناره تصطلي
علم الحاقد عسى كبده تزوم=قل له الخاطر من فعوله خلي

الشاعر الراقي / عبد الله المعيوف الدهمشي

الله عليك يابو معيوف

صح الساانك مدد بلا عدد يالغالي

قصيدة من اروع ماقرأت

ولافظ فوك ياعبدالله

ويجب على الجميع ان يتحلو بهذة الصفات

فخيركم خيره لأهله

فأنت سلطت الضوء على حسن التعامل وحق الاهل

وعلى صلة الرحم والشجاعه

ابيات تجلت فيها الروعه وسكنها الابداع

وصفات وقيّم نفخر بها وهي مايجب ان نكون عليها

تقبل فائق الود والتقدير

كن بخير