°~*¤®§(§ شبـــكة ويــلان العـربـيـه §)§®¤*~ˆ° - القصايـد كـان مالـه معجبيـن وطالبيـن

قال منهو يا تهيض مـا يقـول الا الثميـن

وما يجيب من القصيـد الا الزهـور النافيـه

لا تغنى في قصيـده هـز كـل الحاضريـن

وعطر اللـي يسمعونـه بالبيـوت الكافيـه

القصايـد كـان مالـه معجبيـن وطالبيـن

عيبـاً الشاعـر يقولـه او يقـول القافيـه

والعقل لولا العقل ما كان بـه رجـلا رزيـن

والسوالـف طيبهـا برجالـه اللـي تافيـه

وعقبها لك يا غرام(ن) جدد الجـرح الدفيـن

جيت ابسئل والجـواب بكلمتيـن(ن) دافيـه

خبريني ليـه كنتـي فـي خيالـك تختفيـن

وليه عقب الوقـت هـذا تشعليـن الطافيـه

ألله أكبر لا ذكـرت أيامننـا أللـي تذكريـن

يوم أنا والليـل وإنتـي والمشاعـر دافيـه

أتذكـر كيـف كنتـي تقربيـن وتبعـديـن

وأتذكر كيف كنتـي فـي غموضـك كافيـه

وجيتي الليله وقصـدك توقظيـن وتغرزيـن

الخناجـر وسـط خفاقـاً جروحـه سافيـه

يا حياة الذكريات الجارحـة ، يـا الطعنتيـن

أحتفي بي وأحتفي بك ، يا الجروح الجافيـه

يا حياة الأمنيات الفاتنـة ، يـا الضحكتيـن

يا غيوما(ن) مـا وراه ألا. الآمـال السافيـه

يا حيـاة الأبتهاجـات ، أرجعـي لا تُقبليـن

ما بقى في وسط قلبي . لك مساحـه كافيـه

يا وجودي وجد منهو لا سعيـد ولا حزيـن

بين ذي وذيك ضايـع وأقـرب اهلـة نافيـه

ويا وجودي وجد منهو دونه أقفال وسجيـن

في زلازل بوش أسير وينتظـر وش قافيـه

ويا وجودي وجد منهو ما يذوق الزاد زيـن

حالتـه خطـرة وميؤسـه ولا هـي عافيـه

ويا وجودي وجد منهو فارق أهله له سنيـن

ومن هله وديار ربعة مـا تجيـه الـلا فيـه

ويا وجودي وجد منهو شاف جور الدين دين

السعادة والوناسـة .. مـن حياتـة طافيـه

ويا وجودي وجد غزه وأهل الاقصى العاجزين

من عبث جيش اليهود ودعم منهـو رافيـه

فـي زمانـاً بـه رأينـا كيـف ذل الأمتيـن

والملـوك اللـي تخضـع والدلايـل وافيـه

ويا وجودي وجد من يضحك وهو قلبه حزين

لوعت بـه هاالليالـي والحظـوظ الغافيـه

ويا وجودي وجد بغداد وشعـوب الرافديـن

يوم ضحوا فجر الأضحى في زعيم(ن) شافيه

من شموخة حدروه وصار في وضع(ن) مهين

عقب ماهو رمز شعب . اصبح ورجله حافيه

جعل منهو لام قلبي .. يـوم عـود للانيـن

ينكسر حظه وحيله .. يـا عسـاه الهافيـه

أنتهت والخافي أعظم بس الأفضل ما يبيـن

والقصايـد مـا تطيـب الا بجـزل القافيـه

قصيدةالشاعر// فايزالشمري