ابـدا بسلام الله وصـى بـه الـديــن =وتحـيـة الاسـلام فيهـا الـتـزامـه
تـحـيـة الاسـلام طـبـع المسلميـن= وتحـيـة الاسـلام رمـز السـلامـه
وكـلف اللـي وارد لـه اسـبوعـيـن= علامـة اللكـزز تعـيـش العـلامـة
اللـي اصنعه يعرف نـظـام القـوانيـن=خبـيـر صـنع ولا بفـكره قـشامـه
تـله الـيـامنه غـداء اللـيـل ليـلـين= مـن العيينـه للحفـر هـو خـتـامـه
مـن عندنا حـرك مساء يـوم الاثنيـن =بثـلـث الاول كـل عـزم وصـرامـه
مـع ازدحـام الدرب بهويـن بهـويـن =يامـا يتـسهلك طـريـق إزدحـامـه
وبعد ازدحـام الـدرب زيـنً على زيـن= الله يفـكـه مـن الجـزاء والغـرامـه
الياسـرى لــيله غـداً عنه قسمـيـن =اليـاكـبـس نـوره تـوزع ظـلامـه
خـله يتـحدى سابقات الشـيـاهـيـن =ايمـاشـي البـي أم والـبينـوا رامـه
يحمل مـردي يـم نـسـل السلاطـيـن= يحمـل مـردي لـبـو شـادي سلامـه
انا معك في سـاعة الـعـسـر واللـين =يـراعـي الطـنـخـه وراع الشـهامـه
عندي عزيز ومـن الرجـالً الحشيميـن= اللي لـهـم فـي قمـة المجـد هـامـه
اخون عـزيـز وما ضيله براهـيــن =الطـيـب فعـلـه والكـرم هـو دوامـه
خذني يمينك ويـن اللـي تـبـي ويـن=مـنـيـن ما ودك علـى كـل قـامـه
خل الضعوف اللي بهم علـة الـبـيـن =مـدوريـن الـهـرج واهـل النمـامـه
لهم على نـقـل السـوالف عـنـاويـن= هـذا يـصـدرهـا وذاك اسـتـلامــه
ذولاك ما يسوون فـي وقتهـم شـيـن =ضعوف الانفـس عابديـن الـرخـامـه
ماهم بعن بعض السوالف مجـيزيـــن =ولا واحـد منهـم محـصـل مـرامـه
يبقون عن فـعـل المراجل يتيـمـيـن =ما يملـكـون الا الخـزى واللـئـامـه
ضعيف سولف عند نـاس ضـعـيفيـن =ومحصـل الـى خيـبـتـه والنـدامـه
المرجله مـهـي بهـرجـة ديـاويـن =المرجـلـه بالـديـن والاسـتـقـامـه
المرجله صعـبه ولها صـعـيـبـيـن =منـالهـا رجـلً تـراعـد اعـظـامـه
المرجـلـه للـي عليها فطـيـنـيـن=للـي يـمـيـز فـي حـلال وحـرامـه
المرجله سـاس الـشـرف للشريفيـن=للـي يحـط الطـيـب ذروت سـنـامـه
ولأهـل الشجاعه والوفـاء والسـخيين=وللـي علـى طـولات فيهمـم قـدامـه
وآهـل الرحـم والوصل للي قريبـيـن=عـن الـردى بـل عـز فيهم جـزامـه
ولا هـذولا بـيــن ذولا رديــيــن =ولا ودنـا عن كشـف بعض الخمـامـه
وصلت ما عندي اثــنيـن وثـلاثـيـن =وكل بيت يشرح عـن خوافـي سهامـه
وصلوا على الهادي اخـتام النبـيـيـن =اعـداد ماهـل المـطـر من غـمـامـه
وعـداد ما لـبـوا بـمـكة ملـبـيـن =على النبـي الهاشـمـي فـي تـمـامـه

المشاركة الأصلية كتبت بواسطة عبدالعزيزالشملاني العنزي (المشاركة 355448) الشاعر / جايز مليحان المفوز صح السانك صح احساسك صح ابداعك قصيده اطربتني سجل اعجابي قصيده تشرفت بقرائتها ويشرفني ان تكون اول مشاركتي بقصيدتك الجميلة اخوك / عبدالعزيز الشملاني

المشاركة الأصلية كتبت بواسطة سعد النفج (المشاركة 355412) الشاعر الجزل جائز المفوز .. صح لسانك و نص فاخر .. و انت استاذ من اساتذتي و لي الشرف بأن تكون ضمن شعراء هذه الشبكة الراقية .. لله درك على هذا النص الذي امتعنا .. دمت و بانتظار نصوص أخرى ..

المشاركة الأصلية كتبت بواسطة سالم العنزي (المشاركة 355386) الشاعر جائز المفوز بيض الله وجهك على هذه المعلقه التي بها من الوصف الجميل الكثير صح لسانك

المشاركة الأصلية كتبت بواسطة بنت الكحيلا (المشاركة 355419) صح لسانك اخوي جائز المليحان والله يعطيك العافية على الرد الرائع ابدعت بهذا البوح الجميل الله يعطيك العافية لك شكري وتقديري

المشاركة الأصلية كتبت بواسطة محمد دعسان (المشاركة 355454) الشاعر / جايز مليحان المفوز مااقول غير سلمت يداك على النص الشامخ تقبل مروري الله يحفظك

المشاركة الأصلية كتبت بواسطة حمد الخمعلي (المشاركة 355461) القدير جايز المليحان المفوز0 صح لساانك وقصيده في غاية الرووعه0 كُن بخير

المشاركة الأصلية كتبت بواسطة محمد بن موسى (المشاركة 355473) جايز المفووز صح الساانك واعتلا شاانك ونعم بالمادح والممدوح قصيدة جزله من جزالة شاعرها تقبل مروري واحترامي كن بخير

المشاركة الأصلية كتبت بواسطة مشهور الرشدان (المشاركة 355478) الشاعر القدير / جايز مليحان المفوز صح لسانك وعتلا شانك قصيده عصمه وشامخه بشموخ سموك الكريم بنتظار جديدك حفظك الله ورعاك

المشاركة الأصلية كتبت بواسطة مبارك كريم المعيتق (المشاركة 355602) انا الصديق اللـي لياطحـت شالـك &&&&لضامتك دنياك والوقت بـك مـال أنـا يمينـك شدنـي فـي شمـالـك &&&&يمنى بلا يسرى ترى حالهـا حـال انـا عـزاك وعزوتـك لا جرالـك &&&&من تاعس الدنيا هواجيس واهـوال ماني من اللي لاغتنـى مـا وفالـك &&&لو لك عليه من الجمايل والأفضـال وماني صديقك كان وقتـك صفالـك &&&أنا صديقك لأدبرت فيـك الاحـوال :thumbs_up: تحياتي ابو خالد المعيتق

المشاركة الأصلية كتبت بواسطة بدرفهد الجعفري (المشاركة 355631) صح لسانك بابن مفوز على هذه القصيده شاعر غزير وقادر على الابداع كثر اسجل اعجابي هنا

المشاركة الأصلية كتبت بواسطة صبيح العوض (المشاركة 355672) الشاعر الراقي /جايز المفوز صح الساانك واعتلا شاانك ونعم بالمادح والممدوح قصيدة جزله من جزالة شاعرها دايم مجمل في حضورك يابو اريج الحقيقه اني استمتع في حضور امسيات الشاعر جايز المفوز ومن جمهورك تقبل مروري واحترامي كن بخير

المشاركة الأصلية كتبت بواسطة سليمان مفضي العنزي (المشاركة 355712) الشاعر جائز مليحان المفوز صح لسانك على هذه الابيات التي تنم عن شاعر لديه مقدره كبيره وسعه في كتابة الشعر اسجل اعجابي

المشاركة الأصلية كتبت بواسطة تركي علي الخالدي (المشاركة 356531) الشاعر جائز مليحان صح لسانك على هذه القصيده الجزله والتي تدل على ان خلفها شاعر كبير

المشاركة الأصلية كتبت بواسطة سالم السلمي العنزي (المشاركة 360237) صح لسانك على هذه القصيده الجميله الف شكر

المشاركة الأصلية كتبت بواسطة عبدالله المعيوف الدهمشي (المشاركة 365929) الشاعر جايز المليحان المفوز صح لسانك ملايين على هذه المعلقة الشعرية امتعتني واطربتني بهذه الجزلة تقبل مروري