السلام عليكم ورحمة الله وبركاته


مسآئكم .. صباحكم كأرواحكم النقيه ..
مجاراة شعرية .. من نزف الشعراء
/

كل شاعر يرد على الشاعر الذي قبله
وبعدها يكتب أبياته وإلي بعده .. يرد ويلتزم بالوزن والقافيه وهكذا ..

اتمنى وصلت الفكره ..


تقديري ..

//



/

الليل يتعب خافقي لاسهرته =ياويل من خله رحل عنهّ واقفاه
كيف امحي الذكرى وشي ٍ كسرته =وانت الذي ابغاه ولا اتمناه

الليل يتعب خافقي لاسهرته =ياويل من خله رحل عنهّ واقفاه
كيف امحي الذكرى وشي ٍ كسرته =وانت الذي ابغاه ولا اتمناه

لاعاد ترجيني ولاعاد ابرجيك=كلاً يروّح يالغلا في طريقه
دربك خضر واللي يجيبك يوديك=حان الفراق وبان نور الحقيقه

لاعاد ترجيني ولاعاد ابرجيك=كلاً يروّح يالغلا في طريقه
دربك خضر واللي يجيبك يوديك=حان الفراق وبان نور الحقيقه

يّكفيك وقتن راح وياه يّكفيك =تبقى جروحك (لو تكابر) عميقه
يّذكرك وقتك بحبك وماضيك=تبكي ندم .. والدمع منهو يطيقه

تفاصيل الحزن صعبه نفسرها بخط اقلام=وانا لو اكتب اللي داخلي ماكفت اقلامي
تعبت امن الشقا ياويل من حظه قعد ماقام=تعبت وليتني اقدر احقق ربع احلامي

أنا حزني ملازمني واعرفه للامل هدام=تجرعته سنين وعشت معه بكثرة ألامي
يمر الفرح بايامي عجولٍ والهنا مادام=كأن الهم والحسره خذت عهدٍ على ايامي

تدري فراقك غصب والبعد جبري=واني بحبك ياغلا الروح غارق
هذا قدرنا ولابقى غير صبري=على القدر يومه حكم بالمفارق

تدري فراقك غصب والبعد جبري=واني بحبك ياغلا الروح غارق
هذا قدرنا ولابقى غير صبري=على القدر يومه حكم بالمفارق

لولا الظما ماكنت محتاج للماا=ولولا السهر ماكنت محتاج للنوم
ولولا الغلا ماجيت ساري بظلماا=لجلك ونا ادري منك يالزين محروم

لولا غلا طيفك مامريت حلماا=مكان في صدري هواجيس وحلوم
غلاك وصلني على ديار سلماا=الله ياني فيك مغرم ومظلوم

ان قلتلك مسؤل ماني بسؤل =يالله ياعل العواقب سليمه

مورق نما عرقٍ نبت صفح غرمول=الحظ مقفي والليالي مقيمه

طريقنا نمشيه مبهم ومجهول=واللي مقدر ربنا هو عليمه
ومن وكل امره للولي همه يزول=دنياك تحتاج الصبر والعزيمه

اقبل علينا الصيف وقت السفر حان=وبدت معاه ايامي السود تحلا
لارض الشمال اللي له القلب شفقان=تطرب به النفس الحزينه وتسلا

اقبل علينا الصيف وقت السفر حان=وبدت معاه ايامي السود تحلا
لارض الشمال اللي له القلب شفقان=تطرب به النفس الحزينه وتسلا

بيتك واهلك والشوارع والاركان=واصواتنا في جيتك حيل تعلا
ترحيب للي لالفت كل شي زان=وتزهر اراضينا وتصبح بك احلا

اللي عطيته زماني ماهو شويه =واللي خذيته عذاب وكذب واخداعي
بس العفو .. فهمتني من حواليه=خلتني افهم بأن الناس انواعي
وخلاصة الهرج ياللي طعنتّك فيه=من باعنا والذي سواك ينباعي

ياصبر قلبي على الطعنات والكيه=كم لي وانا اضحك واداري سبة اوجاعي
هذي ظروفي وماجاب الزمن ليه=دايم على البعد بين قلوبنا ساعي
لوغبت تبقى بقلبي وانت راعيه=ماغير البعد لا قدرك ولا اطباعي

مدري علامك تبتعد كل ماجيك=وش غيرك يانور عيني علينا
تعبت من هجرك وكثرت تغليك=ماهو كذا كان انت فعلآ تبينا
اما تجي كلك عطا كثر ماعطيك=ولا وداع ولانجيك وتجينا

مدري علامك تبتعد كل ماجيك=وش غيرك يانور عيني علينا
تعبت من هجرك وكثرت تغليك=ماهو كذا كان انت فعلآ تبينا
اما تجي كلك عطا كثر ماعطيك=ولا وداع ولانجيك وتجينا

ليت الرقم هذا على طول شغال=من شان لاضاق الخفوق أتصلّبه
للي له بوسط المعاليق منزال=اللي له بقلبي لقيته بقلّبه

ياليت خويك في بلد مابه ارسال = وقالو لقاله واحدن منشغلبه

ابي حمد يلعب مع صغار الاطفال = لوجاء الطبيب الهاشمي يبتحلبه

ههههههههههههههههههههههههههههه:D نذاله هههههههههههه

الكلام اكبر مصيبه والسكوت مصيبه = استحي لاصارحك وانا الغلا جارحني

ودي ان اللي بقلبي يالغلا تدريبه = مير اخاف اطيح من عينك وذي تذبحني

لان لي بين البشر قدر ومقام وهيبه = انا ماقبلها لو انك سمح وتسامحني
احفض اسراري عن اللي ينقلون الغيبه = مار اخوف الشوق ملعون الثوى يفضحني

الغلا مو عيب ياللي خايفن تفشي به=قول احبك والغلا لو جارحك صارحني
واضح ٍ فيك الوله من غير لاتحكي به=أشرح عيونك ولاانته قادرن تشرحني

عز الله اني بلشت برقة احساسي = البارحه مشكله والليله ممصيبه
مشكور جداً على ماصار ياقاسي=الله يسامح وفاي ويلعن الطيبه