نبي نزور ربوعنا بمنتداهم=مقدارهم عندي بعال العلوّي
اللابه اللي مايقرب حماهم =تاريخهم قديم ماهو بتوّي
زبن الدخيل اللي لجاء في ذراهم=لياجاء نهار ٍ فيه شر ٍ وسوّي
بيوتهم يفرح بها من لفاهم=عز الخوي اللي عليهم يخوّي
الله على دروب المراجل قداهم=ثلاثة أنعاما ً بمن قيل ضوّي

حان المجال وصار للشعر زاهم=وأنا صفا لترتيب الابيات جوّي
يامادح ٍ ربعي ومظهر ثناهم=جميعهم صوتك وصلهم مدوّي
وافي سلامك يابيض الوجه جاهم=وإستقبلوه بكل طيب وحفوّي
وردّه تحاياهم وكامل رضاهم=بقلوب غاشيها البياض ونقوّي
أما انت يابن ونيس ربعك تراهم=تاريخهم معروف مابه غبوّي
جمع سلمات وعاليا ً مستواهم=قول سلمي يعني شموخ وسموّي
لياعطوا ماحد ٍ يجاري عطاهم= من مدْ كفّه قابلوه بملوّي
هذا كلام الصدق ماني بواهم=هداج تيماء من ورد له يروّي
حلوين جيره ماوذوا لقصراهم=طبع ٍ لهم يعرف ولابه خفوّي
كل ٍ يبي جار ٍ لهم من حلاهم=وعلى العداء يقسون وقت القسوّي
يوم المعارك ينطحون قبلاهم=مايعرفون الكنكنه والجبوّي
خصيمهم حزات سوْ التفاهم=يرجع وراء لو قال اسوّي واسوّي
ربعك تراء ربعي بعيد ٍ مداهم=رجالهم وراء حقوقه إقصوّي
سلّم على كل سلمي وانت فاهم=لعل يفداك الضعيف المهوّي
غالي وربعك يالسنافي غلاهم=يعيش داخلنا بزود ونموّي
وأرجو عسى يرضون عني عساهم=تراء رضاهم هو مُناي ورجوّي

الشاعرالمتألق والمميز/مشهور الرشدان
{ مطنوخ الويلان }
صح بدنك يالغالي وأنت مصدر الشموخ والسمو طال عمرك على الطاعه
ومرورك لاشك إنه يسعدنا كثيرا ً ويزيدنا شرفا ًوإفتخارا ً
فلا خلا ولا عدم يالعزوه

......ثلاثـة أنعامـا ً بمـن قيـل ضــوّي
,,,,,,,,,,,,,,,,,,,,,,

استمتعت بهذه القصائد الجزلة
تقبل مروري اخوي حمد