سلام تسليمةٍ تاخذ من الطاروق وزنه وتركيبه ومعناه=واهل المعرفه بليا شك تعرف فالطروق القديمة والجديدة

الفارس اللي غزا العربان متّجهد ومتّجهز بسيفه وشلفاه= حث المطيه يرادفه الامل لكنها رحلةٍ ماهي سعيدة

يامرحبا ياهلا باللي على الطاروق يبعد مراميعه وهقواه=يالشاعر السيد ياللي تالي الايام يبغى يتعلا فوق سيده
ماكل فارس غزا العربان يرجع من مغازيه حصل ماتمناه=بعض المغازي تراها ماتجيب لفارس القوم ياكود المكيده

دام البقا والمحيط الاطلسي للسفن ولا القوارب تغرق بماه=واللي عيونه نظرها سته بسته يشوف القريبه والبعيده
ايوالله انك صدقت وكل ماقلته عن الفارس شفناه=وقف هاك الوقفه وضاعت علومه وحسبه قبلها رجلٍ وليده

سود الليالي تراها ماتفك الادمي لو زبنها الموت لاجاه=والمشكله هزة اركون الدول والناس ياصاحبي ماهي بليده
الفارس اللي وقع عند اللقا ذاك النهار وفقد راسه وعلباه=مصيبة عمة العالم بكل بلاد ومفلسٍ معها رصيده

العلم واضح وضوح الشمس لاكن صاحبي صد عن علمي مايبغاه=جته الرساله كذا مره وذا جته الرساله حذفها من بريده
الشعر عند العرب نبع الفكر واللي يقول الشعر من كسب يمناه=تايه وفقر الفلوس احسن من الفكر الذي باقيٍ على الحديده

لابد مانجرح المجروح حتى يعترف ثم نعطي جرحه ادواه=ونته تبي تشرح الموضوع لاكن مالقينا لكم جمله مفيده
أعرفك كبتً فريق إذا جته كوره يعديبها في وسط مرماه=ضيع فريقه بكاس الدوله وغنابها الخصم في كل البديده

دنياك ربح وخساره ياخساره كل حرفٍ على شانك كتبناه=ترديد واريد لاكن ياحمد ربي هو اللي يسوي مايريده
الله واكبر ياهذا الوقت حتى الشاوي اللي مابين العنز والشهاه=يناطح القوم وسمه من تحت صورته ينشرعلى صدر بالجريده

اللي هدم بيته من اول ترا مافيه احد لآذ يارجال بحماه=ماهو معزز لقومه فالليال السود والنصر ماغنى نشيده
الوقت مايحرم الرجال واللي يرتجي رحمة المخلوق عزاه=ياعزتيله على حاله وياعزي لربعه ولا يذكر حميده

دام البقا والمحيط الاطلسي للسفن والا القوارب تغرق بماه=واللي عيونه نظرها سته بسته يشوف القريبه والبعيده

ايو الله انك صدقت وكل ماقلته عن الفارس المغوار شفناه= وقّف هاك الوقفه وضاعت علومه واحسبه قبلها رجلٍ وليده

العلم واضح وضوح الشمس لكن صاحبي صد عن علمي مايبغاه=جته الرساله كذا مره واذا جته الرساله حذفها من بريده

الشعر عند العرب نبع الفكر واللي يقول الشعر من كسب يمناه = تايه وفقرالفلوس احسن من الفكر الذي باقيٍ على الحديده

دنياك ربح وخساره ياخساره كل حرفٍ على شانك كتبناه= اتريد واريد لكن ياحمد ربي هو اللي يسوي مايريده

الله واكبر ياهذا الوقت حتى الشاوي اللي مابين العنز والشاه= يناطح القوم واسمه من تحت صورته ينشر على صدر الجريده