تبي تعرف مدى حبك مساحة عرضه وطوله
...................تعال وسجل اقياسك بيدك ومختبر طبّك

تشوف الكون بارجائه وناتج حسبت الجوله
.....................ورب الكون ماتعادل بربع المتر من حبّك

واذا ودك تحسبه مال ويصرف بأية عموله
...................مع الدولار واليورو اذا نافست با كسبّك

لانك يالغلا روحي وحسبه لي محلوله
............اذاعانيت من وعكه دوايه رشفة اقربّك

زُرع حبك وسط صدري ونال القلب محصوله
....................تشكل منه كوكتيلك وتوته خالط اعنبّك

يمثل داخلي واحه بصدق الحب مأهوله
..........بها حلقت كالعصفور اغني فيك واطربّك

ساد الفرح بالخفوق وسطر اشعاره.=.وهلت به الروح يومٍ زار ساحتها
كنه سحابٍ بصدري طاحت امطاره.=واسقت غصون الفرح بالنفس وحيتها
من يوم زفوا عليه اعظم ابشاره=مزيونةٍ تبهر الأنظار طلتها
شكرت ربي وجيت اقرا من اذكاره=.وخضعت ساجد لمن ابدع بخلقتها
إن جيت اوصف غلاها زادة اطواره=لانه يعادل غلا روحي لدنيتها
بعيونها العز شفت يسلط انظاره=وفي مبسم الثغر لاقتني برائتها
الكون حيابها واستحضر اشعاره=وصور حلاها وبين سر ميزتها
من اسمها الحزن قُيد داخل دياره=وخلا السعاده تلون منه صورتها
يكفي لها فخر إن الرب مختاره=من يوم ماجا البشير امي وسمتها
واقبل عليها السرور يقلد ازهاره=ويفخر باسمه مدامه ظمن سيرتها
سطرت جزل الشعور وسقته (ال ساره)=.واطب درب الخطر من شان ضحكتها
والقلب يطلب من الله سر وجهاره=يحفظها ليه ويصلح دوم نشأتها