°~*¤®§(§ شبـــكة ويــلان العـربـيـه §)§®¤*~ˆ° - يـاليـتني في حبّـهـا مـا تـعـلقّـت !

- منتدى المختارات الشعريه (http://www.weelan.com/vb/forumdisplay.php?f=10)

- - يـاليـتني في حبّـهـا مـا تـعـلقّـت ! (http://www.weelan.com/vb/showthread.php?t=23398)

يـاليـتني في حبّـهـا مـا تـعـلقّـت !

احترت ياعالم ومن العنا ذقّت
...........حدتني ظروفي وكتبت القصيده
.
لحد(ن) يلوم قليبي اليا تشبقّت
...........وحبيتها ياناس لو هي بعيده
.
بنت ارحمي حالي لاينقضي الوقّت
...........وتمضي ليالي العمر وحالي نكيده
.
انتي منى عمري وبخاطري ضقّت
...........يكفي عذاب بالله وش مستفيده؟
.
وانتي لي نسناس الهوا لا تنشقّت
...........من دونك اعد موتي حاجه اكيده
.
وانتي سبب طعم العنا اللي تذوقّت
...........خوفي من الله وارحمي ياعنيده
.
وانتي سبب في عشق انا به توهقّت
...........اشوفك بدنياي صرتي الوحيده
.
اقسم لكم بالله اني لها اشتقّت
...........واشتقّت انا عيش الحياه السعيده
.
ان شاء رب الخلق ثم لاتوفقّت
...........يصير كل شي (ن) على ما تريده
.
اللي ابي منها قول اني وافقّت
...........ونفتح من الدنيا صفحه جديده
.
رسمت انا خطّه بعقلي ونسقّت
...........ونويت ابعلن عشقها بالجريده
.
وفكرتنا بعذال قلبي هل المقّت
...........وهوّنت خايف من حسدهم يبيده
.
هي ملكت روحي ولاغيرها طقّت
...........يشهد على ماقول ربي وعبيده
.
غرقت في بحر الهوى من تعمقّت
...........واللي غريق تموت روحه شهيده
.
ياليتني في حبها ما تعلقّت
...........العشق همّ (ن) يلعن اللي يعيده

للشاعر/ عبدالله محمد السحمان