سلام مني يالوجيه المسافير= سلام مخصوصٍ جديدٍ طرازه
حياكم الله يالمطاليق بالخير=ياللي لكم بين الضلوع ارتكازه
من فكرٍ انقى من حليب المغاتير =اصفى من اخيار العسل في قزازه
بالمسك والجوري وريح النواوير=ارسل سلامي للحضور بركازه
جوي معاكم ياجماعه يجي غير =عن كل جوٍ ضف حزني وحازه
من شاعرٍ مطنوخ مع كل تعبير= لجل الوفا والطيب حاز امتيازه
من لابتن بالعز روس ومناعير= ترقى (سنام المجد) معها جوازه
من دور (وايل)..من عهد(سالم الزير)=خوينا يمشي فخر بعتزازه

المشاركة الأصلية كتبت بواسطة هندي المقبل (المشاركة 395470) الشاع فرج الدهمشي كل عام وانت بخير وصحه وسلامه وصح لسانك على هذه الابيات الجميله مبدع كالعاده

المشاركة الأصلية كتبت بواسطة فارس مهل المهيدي (المشاركة 395473) كل عام وانت بخير وعيدك مبارك وصح لسانك قصيده جزله

المشاركة الأصلية كتبت بواسطة حمد الضوّي (المشاركة 396120) الشاعر القدير فرج الدهمشي من العايدين وكل عام وانت بخير وصحه وسلامه صح لسانك مدد بلا عدد رائعه من شاعر رائع ابدعت يالدهمشي ولاهي غريبه عليك سلم فكرك الراقي تحايا

المشاركة الأصلية كتبت بواسطة سعد النفج (المشاركة 396274) كل عام و انت بألف خير .. و صح لسانك و الله يبارك فيك .. و الف نعم بك يا فرج و انت شاعر ترفع الراس .. صح لسانك و دمت بألف خير ..

المشاركة الأصلية كتبت بواسطة بنت الكحيلا (المشاركة 396312) والنعم فيك وفي لابتك بني وايل وصح لسانك اخوي فرج الدهمشي والله يعطيك العافية على القصيدة الرائعه بارك الله في على هذا الإبداع لك كل الشكر

المشاركة الأصلية كتبت بواسطة خلف الغريب (المشاركة 396349) صح لسانك اخوي فرج وشكرا لمشاعرك الطيبة ايها الفاضل .. تحياتي لك

المشاركة الأصلية كتبت بواسطة بدرفهد الجعفري (المشاركة 396511) الشاعر فرج الدهمشي ابدعت في هذه الابيات وامتعت صح لسانك وتقبل اعجابي