°~*¤®§(§ شبـــكة ويــلان العـربـيـه §)§®¤*~ˆ° - مساجله مع الشاعر محمد الذرفي الشمري

السلام عليكم ورحمة الله وبركااته

هذه الابيات متوااضعة ولكن يجملها ذكر المصطفى صلى الله

عليه وسلم يقول الشاعر : محمد الذرفي

هـــــلا والله , هــــــلا والله , هــــــلا والله , هــــــلا واللــه=هـــــلا والله , هـــــلا والله بـطـيـبــة هـــــي وصـاحـبــهـا
احــــبــــك يــــارســــول الله احــــبـــــك يــــارســـــول الله=واحب ارض(ن) مشيت ابها واحب ارض(ن) مشيت ابها
مـــن الـطـايـف الـــى مــكــة مــــروراً حــيــث بــيــت الله=الــــى طـيـبــة تـــــرد الـــــروح الــيـــا وردة مـشـاربـهــا
عـلـيــتــس الله يـاطـيــبــة عـلـيــتــس الله عـلــيــتـــــس الله=اعــــز ابــــلاااد عــنـــدي مـابــعــد يــســـوا مـضـاربـهـا
لـحـيــثــي كــــــل مـاجـيــتــه تــخــيـــل ان رســـــــول الله=يـصـلــي فــــي مـسـاجـدهـا ويـخـطــب فـــي مـحـاربـهـا
وتـخـيـل يـــوم هـاجــر لــــه وعــاشــوا بــــه جــنــود الله=أبــابــكـــراً وعـــمــــراً ثـــــــم ذا الــنــوريـــن رتــبـــهــا
ولابـنــســى عـلــيــاً يـــــوم قــاااتـــل فـــــي ســبــيــل الله=بـــرز فـــي غــــزوة الـخـنــدق لــهــل الــشــرك وادبــهـا
ولابــنـــســـاااك يــاحـــمـــزة اســـــــــد الله اســـــــــد الله=بـأسـلااامــك قــــوى الاســـــلام وعــتـــزت مـقـااضـبـهـا
لـيـامـنــي تــذكـــرت الـصـحـااابــه مـــــع رســــــول الله=تــــرد الـــــروح لـــــو ان الــدمـــوع الـعــيــن تـسـكـبـهـا
سـقـاااتـس الله يـاطـيـبـة سـقـاااتــس الله سـقـاااتــــــــس الله=مـــن الـمــزن الـــذي يـنـشـا مــــن الـمـنـشـا سحـايـبـهـــا
وعـسـى تخـضـر فـيـااضً كــان يـتـلـى بـــه كـــــلاااام الله=رســــــــول الله يــتــلــوهــا وذا الــنـــوريـــن يـكــتــبــهـا

الشاعر / مشعل عسام التريباني الشمري
رد على محمد الذرفي

الا ياللــــــه الا ياللــه الا يـــــااللــه الا ياللــــه=يمـــــــينك يامحمد جعل ماتــــــربط عصايـبهـا
لانك تبتدي باسم الإله ومــــــــــــن بدا بالله=يمـــــــــــينه ودك انه كل مامـــــــّرك تخضّبها
كتبت ابيات شعــــــرمعطره باسم الولي كله=جميع اللـــــــــي قراها قال يسلم راس كاتبهــا
حماك الله من شـر الحسد وعيون خلق اللـه=وعسا نفسن تحسدك قاصــف الارواح يظربهـا
لانك مــــــــــبدعن تخضع لك القيفان وتذله=ولان العوب تركع لك وترخـــــــي لك مناكبها
ولانك صيرمــي ضرغام والصعبات تحتله=ولانك صاطــــين تقدم على الصعبه وتكسبهـــا
ولانك شاعـــــــرن تعقد يسير الحبل وتحله=ولانك مهــــــــــرت الاشعار تخدم لك وتركبها
ولانك تكتب الاشعارفـــي سيرت رسول الله=كتبت ابيات شعـــــرمعطـــــره بالذكرمطيـبهــــا
وانااحب الكلام الزين والتذكـــــــــــــيرماملّه=الاياحض نفســـــــــن سيرت الصادق تهذ بهــا
فداك الروح والاموال واللـــــــــي نمتلك كلّه=فدا للصـــــــادق اللـــــي حطم الكفار وادبهــا
نبيٍ صادقن ينزل عليه الوحــــــــــي بامرالله=نبــــــــــيٍ كافـــــح الالحاد والكفار عاقبهــــا
نبــــــــــــــــــــــــيٍ ماتوّفا الا وكمّل ديننا كلّه=نبيٍ كافح الصعبات مايخشـــــى مصاعبهــا
نبيٍ سيف دين الله علـــــــــــى العدوان يستلّه=نبيٍ جيش كســـــــرا فككه واخلا مضاربهـا
ختاما يا إله الكـــــــــــــــــون ثبتني على الملّه=عسانا دايمن نتبع خـــــــــــــطاه ولا نجنبهـا
وتم القاف في ذكرالرســـــــول وفي كلام الله=علـــــــى محمد صـــلاتي عد ماتذرا هبايبهـا