كل شيء بالدنيا ترى ممكن يصير=دام القريّب قال مالي ومالك
بعض القرايب قربته لك مخاسير=وأغلى الحبايب ما يقدر دلالك
يا صاحبي الهجر ما ياتي بخير=بالذات لو خلّك تعنّى وجالك
الناس من حولي تعايد طوابير=وانت بعيدي ما لقيت اتصالك
وشلون تنسى صاحبـ(ن) صحبته غير=عشرة سنينـ(ن) ماضياتـ(ن) وفالك
لا صرت حامل لك معزّة وتقدير=صون المعزّة لا تمنّ بوصالك
ما كل فعلـ(ن) منك يحتاج تبرير=كل شيء يا خالد فداك وحلالك
إلا الكرامة دونها رقابنا تطير=نارد بسبّتها حروب ومهالك
هي راس مال أهل الشرف والمناعير=ما دمت مقفي جمّل الله حالك
روّح ولا لك يا ابن الأجواد تاثير=نلقى ترى مليون شخصـ(ن) بدالك

المشاركة الأصلية كتبت بواسطة ابو غريب العبدلي (المشاركة 412516) الله الله عليك يالحربي صح الله لسانك يالعزيز ونعم فيك وبربعك والله اخوك ابوغريب العبدلي

المشاركة الأصلية كتبت بواسطة ابراهيم السلمي (المشاركة 412517) صح لسانك ياشبل الحرووب قصيده راااائعه وجزله دمت بكل الود محبك ابراهيم السلمي

المشاركة الأصلية كتبت بواسطة محمد دعسان (المشاركة 412524) ياالجابري والله انك مطنوخ يازين بوحك الراقي تقبل مروري الله يرعاك

المشاركة الأصلية كتبت بواسطة حمد الضوّي (المشاركة 412527) الشاعر القدير عبدالرحمن الجابري صح لسانك مبدع دائما ً ونعم فيك وفي خالد الجهني وما اجمل المداعبه بين الأصدقاء وهذا من طيب ذاتك وطيب رفيقك ادام الله المحبه والتواصل بينكم انقى تحيه

المشاركة الأصلية كتبت بواسطة هندي المقبل (المشاركة 412536) في كل مره تحضر ياعبدالرحمن يزيد اعجابي بشاعريتك صح لسانك ولله درك على هذه الابيات الجميله ارجوا تقبل اعجابي المتواضع