الليله .. المحاوره المباشره .. هنا ..!!
مساكم الله بالخير ..... والود والمحبه .. أخوان وأعضاء وشعراء وضيوف
سوف تكون في هذه الليله المباركه محاوره مباشره بين الشاعرين / القايد .. وصلاح المناور في هذه الصفحه ....... فأرجو من الجميع التواجد والتشجيع .... والتحليل أيضا .. علما بأنني سوف أكون ..عريف.. هذه المحاوره وسوف أكون مراقبا ومتابعا للجميع والمحاوره بإذن الله سوف تبدأ في تمام التاسعه .. بعد قليل كما أرجو من الشعراء / القايد .. وصلاح المناور.... التواجد في الوقت وأرجو من الأخ الشاعر / القايد ... أن تكون البدايه عنده حيث أن هذا طلب من الشاعر صلاح المناور ...... وخلووووووووووووووها . |
الله لايهينك ياخوي نمش وتسلم والله
وبانتظار القايد الليل الليل |
الله لايهينك ياخوي نمش
أكيد ممتعه شعراء لهم وزنهم بالانتظار |
اسعد الله مساءكم حضرنا طال عمرك يابوسامي
وبنتظار أشارتك في البدايه كما اتقدم بالشكر لكل من حضرهذه المحاوره المباشره ودمتم |
السلام عليكم الله يعطيكم العافيه بنتظار القايد اليل اليل |
مساءكم الله بالخير
خلووووووها
يامرحبا ردت(ن) يبدى بها القايد على اللي حضور= من هاجساً يشري الجزلات بالجزلات ويجيبها ياصاحبي ياصلاح العلم توالعلم والحق نور= وان جتك غلطه من الاصحاب مدري وش تسوي بها |
السلام عليكم
اسعد الله مساكم وانا بنتظار القايد ولكم جزيل الشكر علي الحضور0 |
يامرحبا ردت(ن) يبدى بها القايد على اللي حضـور
...........................من هاجساً يشري الجـزلات بالجـزلات ويجيبهـا ياصاحبي ياصـلاح العلـم توالعلـم والحـق نـور ................................وان جتك غلطه من الاصحاب مدري وش تسوي بها ياسلام يالقايد بدايه موفقه اليل اليل |
يامرحبا ردت(ن) يبدى بها القايد على اللي حضور= من هاجساً يشري الجزلات بالجزلات ويجيبها ياصاحبي ياصلاح العلم توالعلم والحق نور= وان جتك غلطه من الاصحاب مدري وش تسوي بها الله يعطيك العافيه يالقايد متابع |
دام البقاء فيك يالقايد عدد مافاح ريح البخور======واهل الوفاء والشهامه ما تخلاّ عن مواجيبها
ندمح خطا صاحبن طيّب ولا ندمح خطا لمعثور======والنفس ما تطلبه لازم نقضّيله مطاليبها |
خلوها
الله يحييك ياصلاح والدنيا تلف وتدور = واشوف ناسا عن الاصحاب ماكفت مشاعيبها والمشكله كان علة صاحبك تصير وسط النحور= وتكثر عليك الدعاوي ماتميز وش مطاليبها |
إخواني
عيد الوايلي محمد المقبل صلاح المناور لكم أجمل تحية |
دام البقاء فيك يالقايد عدد مافاح ريح البخور======واهل الوفاء والشهامه ما تخلاّ عن مواجيبها
ندمح خطا صاحبن طيّب ولا ندمح خطا لمعثور======والنفس ما تطلبه لازم نقضّيله مطاليبها ماشاء الله عليك ياصلاح صح لسانك بصفك ومدرب صفوف |
اقتباس:
جاك صف صلاح شد حيلك |
استلم استلم
خلووووووووووووووووها اللي يكمل مواجيبه تري ما يلحقونه قصور======لو كان بعض العرب يالوايلي بانت عذاريبها لو كان علّة نحر ماتلتفت صوبه طوال الشبور=====واهل اللحا ياطويل العمر دايم دون اشانيبها |
دام البقاء فيك يالقايد عدد مافاح ريح البخور=واهل الوفاء والشهامه ما تخلاّ عن مواجيبها ندمح خطا صاحبن طيّب ولا ندمح خطا لمعثور=والنفس ما تطلبه لازم نقضّيله مطاليبها الله يعطيك العافية ياصلاح .. والنفس ما تطلبه لازم نقضّيله مطاليبها |
لاهنت ياعيد الله يعطيك العافيه ودامك في صفي ماني ملتفت لحد وياجبل مايهزك ريح
ولا يهونون ربعنا القايد ومحمد مقبل 0 |
الله يحييـك ياصـلاح والدنيـا تلـف وتـدور=واشوف ناسا عن الاصحاب ماكفت مشاعيبهـا والمشكله كان علة صاحبك تصير وسط النحور=وتكثر عليك الدعاوي ماتميـز وش مطاليبهـا الله الله يا القايد تحياتي |
المعذره الاتصال عندي ماهو جيد يالربع
خلوها
صدقت لكن نشوف اليوم بعض الناس فيهم غرور= والنفس مع البشر بين البشر يزود تعذيبها والثانيه لاتقول العلم صار اليوم عند المرور= واللي يبي يحتميها نوب يخطيها ولا يصيبها |
البيوت عندك يالقايد؟
انا بلشت بالجهاز ماعرفله ماغير اطلع وارجع مره ثانيه ولا القي رد مشكله اللي مايبخص بالكمبيوتر0الوكاد اني موجه الصواريخ والراجمات وماخذ الاحداثيات وجاهز0 |
والله ياخوك صلاح ماني بعيد عنك في خبرة الكمبيوتر والاتصال عندي 33وبطي مره
|
ماشاء الله محاوره إبداعيه
أنا بصفك يالقايد |
سوا سوا هوا هوا
الليل الليل الليل عبدالله التركي الميل عليكم |
هييييييييييييييييييييييييييييييييييييييييييه
خلووووووووووووووووووووووووووووووووووووووها من ذل نفسه يعيش اليوم مابين الرجال محقور=======والنفس لو ما تستّر حالها محدن ستر عيبها لو كنت رجلن جنوبيّن ولاني من وساع الصدور======ما كان طالت سوالفنا ولا طالت مكاتيبها |
عبدالله التركي يامرحبا وتشرفنا في وجودك معانا انت والحاضرين جميع
ولاهنتوا علي المتابعه |
صدقت لكن نشوف اليوم بعض الناس فيهم غرور= والنفس مع البشر بين البشر يزود تعذيبها والثانيه لاتقول العلم صار اليوم عند المرور= واللي يبي يحتميها نوب يخطيها ولا يصيبها ما شاءالله الله يعطيكم العافيه اتمنى من الجميع التفاعل مع هذه المحاورة الرائعه مبدع ياصلاح مبدع يالقايد |
ومثل ما قالك قايد الصف المخضرم عيد الوايلي الميل عليكم وشد حيلك مير صفوفكم صفوف دحه ماتعرف تلعب مثل صفنا
الله يعينك ======= الداب الداب يقولك عيد0 |
خووووووووووووولوها
ماكل طير(ن) يطير يقال هذا الطير ضمن الصقور= والذيب شاته يجيها بين أهلها ثم يسريبها لاياالشمالي توقع والنقط تصير فوق السطور= لايضيق صدرك ترى دنياك محدن كاشفا غيبها |
عيد الميل عليكم
اليل انا عندك يالقايد اليل |
صلاح ياصلاح
انت الافضل أكله ماعليك منه هو وصفوفه ماعنده احد |
من ذل نفسه يعيش اليوم مابين الرجال محقور=والنفس لو ما تستّر حالها محدن ستر عيبها لو كنت رجلن جنوبيّن ولاني من وساع الصدور=ما كان طالت سوالفنا ولا طالت مكاتيبها صح لسانك ياصلاح متابع |
ماكل طير يطير يقال هذا الطير ضمن الصقور= والذيب شاته يجيها بين أهلها ثم يسريبها لاياالشمالي توقع والنقط تصير فوق السطور= لايضيق صدرك ترى دنياك محدن كاشفا غيبها صح لسانك يالقايد |
استلم استلم
خلووووووووووووووووووها الملح الاسود مع البارود لو جاته شراره يثور=======وصقورنا ياولد دايم عشاها من مخاليبها العود محني ظهره اليا قعد صعبن بعدها يثور======والناس زادت مشاكلها ولا صفيت مشاريبها |
الملح الاسود مع البارود لو جاته شراره يثور=وصقورنا ياولد دايم عشاها من مخاليبها العود محني ظهره اليا قعد صعبن بعدها يثور=والناس زادت مشاكلها ولا صفيت مشاريبها الله الله ياصلاح صح لسانك |
اخوي صلاح الناور
بيض الله وجهك وماقصرت ياطويل العمر وشكراً لك على هذا الطاروق الجميل وشكراً للاخوان محمد المقبل وعيد الوايلي وعبدالله التركي على حضورهم المميز ورجو المعذره انا عندي الاتصال تعبان مره ورجو ان تعذروني تحياتي للجميع |
الله يعطيكم العافيه ماقصرتوا
تصبحون على خير |
صح السانك وماقصرت يالقايد ولاهنت 0
والله يعطيكم العافيه يا عيد الوايلي ويامحمد مقبل ويا عبدالله التركي علي المتابعه وبصراحه لولاكم ماكان نجح الطاروق ومشكورين 0 تصبحون علي خير |
الله يعطيكم العافيه
وشبكة الاتصال تعبانه |
الله يعطيكم العافيه
ومحاوره رائعه لايضيق صدرك ترى دنياك محدن كاشفا غيبها صح لسانكم جميعا والله لايهينكم |
القايد
صلاح مناور بيض الله وجيهكم بصراحه طاروق مثمن وابداع محسوب لكم وشعراء بمعنا الكلمه وتستاهلون ان الواحد يتابع لكم بالمحاورات القادمه لاتحرمونا من ابداعكم ونرجوا تواصلكم وحضوركم المشرف تقبلوا تحياتي |
| الساعة الآن (02:59 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه