عيد الحواشيش ... نفسه براس خشمه...!!!!!!!!
.
مصلح النشمي:.... الو السلام عليكم انت عيد؟ عيد الحواشيش:...... عليكم السلام من معي (بصوت يفضخ القلب:mad: مصلح النشمي: ..........ياولد بشويش خلاص اكلمك بعدين دامك مشغول..!! عيد الحواشيش: ........ياخي عندي درس اخلص من انت مصلح النشمي:...........خلاص ادق عليك الليله بعد ماتخلص عيد الحواشيش: .......لا ..لاتدق ..بصوت يسمعه اللي بعرعر وبزعله سكر التلفون:eek::eek: هذه المكالمه كانت البارح.. طبعا عيد معطيني جواله قبل فترة بالمسنجر وناشب بحلقي يقول دق علي قلت انتظرني راح اتصل فيك ولي فترة ادق والقى جواله مقفل والبارح دقيت ورد وياشينه وياشين رده:D فعلا المنتديات تغش الواحد ؟؟ يازينه بالمنتدى واثره على الطبيعه ياربي سترك:cool: الوكاد الرجال دابل تسبدي وراح اسوي حزب واسميه ((حزب النشامى)) واللي يبي ينضم منكم معي حياه الله ((ادري صالح اول واحد ====حبيب ألبي وهو واللي يبي يصير معه اقولهم الميدان ياحميدان لأقطعنكم ولأشوينّ على اذانكم البصل كي بورديه
الصاحب اللي نفسه براس خشمه = يثور في وجهي تقل بيننا ثار انشد وادور يالربع وين رقمه؟؟=مافيه حاجه..!! بس ابعرف شـالاخبار ودقيت بالجوال.. دقمه..و.. دقمه =والشوق يسري بي على صوت الازرار وفي صوتٍ اقشر قال من دون رحمه=من انت؟؟؟ ثمٍ سكر الخط بانكار!! وقمت اضغط النجمه*...مربع#...ونجمه*=صدّق..و كذب..والله ان العقل طار هو "عيد"..واصل العيد مافيه نقمه = وش لون هو عيد الحواشيش جبار!! معقوله اسلوبك كذا..!! دون حكمه = تقمز بوجه المتصل يابن الاخيار اكرمك ربي ..جاك "مصلح" بشحمه =والمؤمن الصالح للأنعام شكار..!! ارحب بكل من ينضم الى (((حزب النشامى)))... واستعدوا لحرب ضروس ((ضروس يعني طاحنه مو ضرس عقل:D |
ول ول يا مصلح أنت ما ترحم وش هـ القسوه أثرك أقشر لا زعلت :mad: والله أنك خوفتنا يا خوك يمكن الرجال يحسبه مقلب من أحد الشباب لان هـ اليام كثرت مقالب الجوالات والرجال ما خذاً حذره :D وانت ما شاء الله على طول جاهز --------------------------------------------- الرئع والمبدع الاخ / مصلح النشمي كيبورديه تستحق الاعجاب من شاعراً أتقن ما يقدمه لنا كعادته بل جعلنا نعجب بما يكتبه لنا بروعة أسلوبه وجمال طرحه صح لسانك وسلم بنانك على كل كلمه وكل حرفً كتبته لنا مصلح النشمي دمت ودام صفاء طرحك الرائع وتقبل فائق التقدير والاحترام ونحن بأنتظار رد الشاعر عيد الحواشيش ليبرر موقفه |
العلم العلم
ان ارى روؤسا اينعت وحان اليوم قطافها عيد الحواشيش هالمره لن تفلت بدون عقاب لا وصارم بعد ما فيه يمه ارحميني مصلح النشمي انا معك قلبا وقالبا اضربي ضلع الجبل ويتهايل عيد الحواشيش لونك مخلي جوالك مقفل تراه احسن (( الا يا ثارات النشمي )) الدرب شاااااااااااااااااااااااام |
اقتباس:
هلا وغلا اخوي تركي صالح ياخي ما ادري ليه اغليك حيل ==== ساقط بالتعبير :D يالله حي اخوي تركي يعلم الله وحده مدى مكانتك يالغالي اما بالنسبه للي شايف نفسه المدعو عيد الحواشيش فمهما كان المتصل حتى لو مايعرفني وش اللي يخليه معصب وقافله معه واسلوب يجفّل البعارين خخخخ ياخي الدنيا بخير وش اللي مخليك ترد دام ام العيال طاردتك مثلا او مالك خلق ترد ومعصب على وشو وانت شمالي والشمالي وسيع صدره هذا لو ابي اسيّر عليه وانا ماعلمته انا من يمكن يطردني:eek: والله ياتركي بالحرف الواحد قال ((لاتدق خلاص وقفل التلفون )) ولو ماني حكيم وعاقل وواثق من نفسي ورجال ماعلي كلام((امشششش يالمدح خخخخخخخ)) كان ازعل عليه بس ارسلت له رساله قلت انا مصلح بعدين دق علي بس وشو عقبه تركي باختصار .... شف الحصان الابيضاني صافقط بالمواقف يالله اقمز على غاربه مدري ظهره وخلك معي :D وناسه مشرف معي علشان يحذف ردود عيد هههههه لك الحب كله يالغاااالي تركي وتأكد ان الابداع يكتمل بعطر مرورك العذب لك الحب كله |
اقتباس:
http://images.animationfactory.com/i...play_sm_wm.gif يالبى قلبك والله ياصالح عيد الحواشيش جهز نفسك http://images.animationfactory.com/i...ring_sm_wm.gif دام ابوعبدالله معي هذي بداية نهايتك والله يعينك على نهاية صدام هههههه صالح العرجان النائب العام للقوات النشمية جهز نفسك يابعدي والحرب تراها باولها وانا ناوي له نيه تحياتي لك |
القائد العام
(( مصلح النشمي )) ابشر بعزك وابشر باللي يجيب لك عيد مخفور بس قلي تبيه حي والا ميت برايفت::-(( مصلح النشمي )) رجل من المرجله والمرجله منه ....//...................مدري عمود المراجل مدري اطنابه " " الزبده اني الى ضاقت بي الكنه ....//...................خذيت لي ساعه وانا اتعزوا به " " وشرواك لامن دعيته فزلي كنه ....//..................ذيبا دعته الحميه وجاوب أذيابه نيابه عن الفدعان ارفع بيارق الرووووووم لترفرف في سماء المعركه يقول سليمان المانع اما حياةٍ كلها سهود ومهود ....//.................والا يصير الموت موتا جماعي ونحن كذالك معك (( النشمي كلي لك )) |
<<<<<<<<<<<<<<< الامم المتحده لكم بالمرصاد
|
نسيت اقوووووووووول
عمر غربي صح لسانك ولاهنت ونحن بانتظار الرد لكي تتضح الصوره فقد تكون انت المخطيء وهو البريء ولكن لاحقاق الحق لابد ان نسمع رأيه قبل ان نرمي التهم جزافا" دمتم بخير |
اقتباس:
اسلم على عمرك يالنسيب ترا شيبان يوم شال السيف على خاله الزيييييييير بنفس السيف خاله اذبحه المعادله في هذا الموضوع يا معنا يا معه انصاف الحلول ما نرضى بها او تنحى جانبا (( النشمي كلي لك )) |
اقتباس:
حقوق ما حقوق الرجل مهو مفتري عليه بهالفضيه وحتى لو يبيها النشمي عقوق يبشربها <<<<<<<< مبطي وحنا لها (( النشمي كلي لك )) |
صالح
واضح من مباشطك لي انك تبي حلقي لكن سالتزم الصمت لبرهة" من الزمن حتى نرى ماذا سيفعل عيد الحواشيش |
اقتباس:
انا لا زادت اوجاعي نخيت وقلت ياصالح ..//........................نخيت وقلت يا صالح انا لا زادت اوجاعي مدام ان صالح اذراعي بلا احمد بلا فالح ..//........................ومنهو احمد وفالح مادام ان صالح ذراعي انا والله داري يابعدي مادامه يوطوط وصالح حواليه ............ لا والله بالصطل راح فيها يمكن يشيله بالسما مع علابيه ..........ثم يقطه بالوطا ويشتويها:D وينك ياعيد رووووح جاي الطخ جاك وفرع اليوم ياعيد .................. والله لاحوس اليوم (عيد) و(رجبها) احذر تلفلف ياولد احذر تزيد ................. رح للثريا ان طلتها روح جبها بعدي يابوعبدالله شد حزااااامك |
اقتباس:
اسمع ياكوفي عنان الحين بدال ما تفزع وتجي كلك من اقصاك جاي تدور تحقيق وراي انا كلامي مايندور وراه ادله وشهود لانه كالسيف الصارم اما يقطع الراس ويقص الرجل ===امش يالامثال خخخخخخخخخخخخخخخخ بعدين يكفيني صالح العرجان دليل |
اقتباس:
ابشرك تبي تبطي صامت لان عيد من غير شر ماراح يجي والله يعينه على بلووووااااه خخخخخخخخخخخخخخخخخخ |
"
" الو عد الليله يا قليل البخت |
"
" ما هي هي يا مزيد المزيد ولكن ان قتلني جساس // فمطلق النومسي لا زال حياً |
.
خبر عاجل عيد الحواشيش في العنايه المركزه دعواتكم له بالشفاء العاجل والسبب ابياتي اللي ذبحته مع خسارته الاسهم خخخخخخ |
اقتباس:
عزاه والله التبطي وانت ببرهتك يا النسيب مير عين وجهتك وكلنا على مسراه ربي يعينه <<<< ابداع بالامثال (( النشمي كلي لك )) |
اقتباس:
الحين الليله بكره لو تبي اسبوع نعطيك لكن بالنهايه راح تاخذ درس اتمنى انك تتعظه منه في المرات القادمه <<<<<<< مبطي وحنا لها (( النشمي كلي لك )) برايفت::- ابو زياد ما هي بالوعود حلاة الشي حاضر بحاضر |
اقتباس:
اسمع رد خلف يوم دري وش قال انا فالملعبه يطري علي ان الرسول يقول ....//.......................دم المسلم على المسلم حرام وعرضه وماله " " وانا فالملعبه هرجي يمر عقول دون عقول ....//........................عميلا ما يجاريني يدور له من اشكاله " " لامنه حشم نفسه عن الزله ماهوب مخذول ....//.......................ولامن ضاعت علومه تركته يشرب دلاله : : انا ما اقول من قدي ولاني من السماء مرسول ....//.......................ولكني من يبي يلعب يناظر منهو قباله : : ولد من يعتزا فيه يحل وينقض المفتول ....//.......................انا منهو على درب المراجل يسحبه خاله : : انا من عشق لعب القوافي داخل الزهمول ....//.....................انا من جبر كسور القصيد وقام يبراله : : انا من طوح سيوف النشاما سيفه المصقول ....//.....................الى من قال خلوها سرا ياليل مواله : : برايفت وابو فهد عسى عيني ما تذوق له حزن وانا حي هذا خالي ولو يامر على حدا عيالي ياخذه . عيد الحواشيش وصاه مني لك (( يا مشي درب الزلق لا تامن الطيحه )) (( النشمي كلي لك )) |
عيد الحواشيش
ابي اعلمك باهداء جاني من خالي مطلق ابو فهد (( هو بيت ولاكنه بعيوني مثل جبال السرات )) الوفاء ياللي تدور للوفا بحربه .....//...................في عيون وفي حنايا صالح الفدعاني (( النشمي كلي لك )) |
اقتباس:
الوعد في كل ليله وين ماتبغى يصير ........................... اجمع حروفك و روح ياحلالي لاتغدي تدري اني ياخويي بالشعر اكبر خبير .......................... انطح المخطي وارده لايحوص ولا يعدي :d |
اقتباس:
ماتسذب ولا اخطى والله ابوفهد وصح لسانه وسلمني عليه وقله يجي يشوف المجزره على يدينا خخخخخخخخخ |
سعادة القائد الاعلى لحزب النشامى
السلام عليكم ورحمة الله وبركاته وبعد أطلب من سعادتكم قبولي ضمن حزب النشامى المقاتل ونعاهدكم بأن نخون من خانكم (زيادة دخل شهري..وبيت وسياره وطياره خاصه ) ايه ونعادي من عاداكم .. إحترام ياحضرة القائد ............. السالفه ماهي مثل هاك عطني ..................................... السالفه ياعيد فيها خبر شي أما تقول اليوم مصلح جلطني .........................................ولا ترد ونسمع العلم ياخي مصلح يقول أدق لكن صفطني ............................................من يصفد القائد يجهزله الكي صفطتك للقائد يابو زيد تطني ..........................................وشلون مدري كيف ولا ماهي هي ياعيد كاننك مع الناس فطني ............................................... أفطن لها من قبل تالع وتطفي أعلن أنضمامي رسميا للقوات النشمية |
القايد
حياك الله معنا ويا مرحبا بك عيد عارفا حاله مخمل والا ليه من امس ما رد (( البيت + الدخل الشهري + حبه خشم )) لا وابشركم بعد جاني اتصال من عيد المطرفي واخوه بندر وكلهم يعلنون الولاء لمصلح النشمي برايفت ::- (( عيد الى اين المفر )) ياعيد هات الانس والجن ياعيد ...................... واللي تبيه من المخاليق هاته انا ومصلح نعزف الفن ونجيد .....................انجنن الصاحي ونقلب عباته ياعيد لاتلفي تبي عندنا صيد ...................... الصيد عندك لاتضيع صفاته (( النشمي كلي لك )) |
اقتباس:
هلا وغلا ومرحبا باخوي القايد صح لساااانك مليوووووون ماقصرت وعزالله انك اسم على مسمى يسعدنا ويشرفنا انضمامكم الى ركب النشامى واعتبر نفسك قايد للكتيبه النشميه الاولى علشان نهدم فررة عيد الحواشيش ههههههههههههههه اعتمدوا صرف بيت ثلاث ادوار و جيب لكزس و استديو متكامل لالقاء الشعر لاخوي القايد === يشرره طويل العمر هههههههههههههههه بياض ثلج وداخله لون قطني ...................... قلبي عليك اليوم يا كاتبٍ لي تشابهن ياخوك رطنك ورطني ................... والسالفه ماتحتمل كثرة اللي فرطت بالتفكير حتى فرطني .................. حتى لهيب الشمس مايردعه في لو تنبلع خبيتها وسط بطني ................... مير البلا ما يطفي الحارقه مي ولولا الغلا اللي ياخويي ربطني .................... ماكان عدت كنها لمحة الضي لك حبي وبووووسه خشم يالقايد تحياتي لك |
اقتباس:
يابعدي والله ياصالح ][®][^][®][صالح ... لا تصالح ][®][^][®][ ==امششش يا أنا :D اللهم زد محبيني يارب ولاتنسى ابوعبدالله شرّه بندر وعيد كل واحد سياره وانقل لهم رفحاء للقصيم لعيووونهم بس:D ياعيد هات الانس والجن ياعيد ...................... واللي تبيه من المخاليق هاته انا ومصلح نعزف الفن ونجيد .....................انجنن الصاحي ونقلب عباته ياعيد لاتلفي تبي عندنا صيد ...................... الصيد عندك لاتضيع صفاته ونعم ونعم ونعم ابوعبدالله يقولون عيد يوم ضاقت عليه قال انا معتزل الحرب ((اخس يابن عباد خخخخخ)) نسى انه طرف بالحرب هههه تحياتي لك |
.
ابوعبدالله شكل الرجال زل عقله:D
ياعيد "شيطانك".. ترا حان رجمه=وانا تراني "للشياطين"..بيطار الحرب خدعة..واخره دوم هجمه = وانا ان هجمت اضرب على راسك الطار "جنيتك".. في تالي الليل سدمه = "طقه"و"طقه"..بعدها تنسدح زار "جنيتك".. خبله..وعوباء..وطرمه = تسكن بقوطي "صلصله" و تحسبه دار ومادام بيرك بالتساهيل ردمه = اركد قبل لا يجرفك الف تيار اقعد للحق ياعيد علشان مره ثانيه اليا صرت معصب لاترد على الجوال والا لاتقوم تفزفز وتلاخم وانت ماتدري من المتصل :D |
انا لله وانا اليه راجعون
يايتها النفس المطمئنه ارجعي الى ربك راضيه مرضيه مصلح النشمي صالح العرجان واحزابهم ارجو عدم الاستعجال انتم ماتدرون عن شي انا الان بالصين مرسل من عيد الحواشيش برمنا صفقة اسلحه صواريخ صينيه تحمل رؤؤس نوويه وبعد شوي ماشين باتجاهكم وعندي احداثيات مواقعكم ومن انذر فقد اعذر عليكم الانسحاب والتراجع عن جميع ماقمتوا به اغتنموا الفرصه قبل فوات الاوان والله لو تعلمون عن مدى خطورة هذه الاسلحه كل واحد منكم يموت وهو حي والان حياتكم معلقه برقبة عيد الحواشيش وانا ماعلي الا تنفيذ الاوامر من سعادته لاني شرقاوي ,, اجرح ولا اداوي عليكم كما نجماً هاوي ,, اللهم اغفر لموتا المسلمين فقط عيد الحواشيش تكفا امهلهم ساعتين خلهم يراجعون حساباتهم ويكتبون وصاياهم |
الله يستر خوذو الحذر ياشباب انا متبرعة لكم بالمطبخ انواع الطبخ ولاكلات الشهيه بس مع مين يبين بعدين الله يستر شبة الحرب فكرو بالمطبخ الحزب الجيد ابي اجي معة ابي اشوف واقرر |
\
مسائكم الله بالخير جميع اشتقت لكم يا جماعه و اعذرونا على القصور و قلت اليوم ادخل ويلان بس صراحه تفاجأت .......... كأن واحد ضاربني كف على وجهي :( \ \ مصلح شكلك انهبلت و انا أخوكــــــــــــــ راجع نفسك :) اسمع و انا اخوك انت صديقي و حبيبي و اخوي الغالي \ \ بس توصل المواصيل لعند الجحيم ........... وقتها ما احد يعرف احد \ \ عيد الحواشيش :: انا وهو زملاء نجتمع دائما في نفس الحانة .... ؟؟ تصدق مره من المرات رد علي في موضوع و قال لي أحبكـــــــــ حتى الثمالة و انا يومها ما نمت ............. ما خليت مترجم الا و طلعته و كل قواميس العربي ابي ادور للثمالة و الحب معنى غير الي نعرفه ما لقيت ما صدقت عيد يحب ........؟؟؟ يكفيك ايميله الجحيم ........ الجحيم .............. الجحيم :( و ربي انك جنيت على نفسك يا مصلح بس خلني اقول لكـــــ ........... انت بالقلب بس اسمح لي انا من ((حزب جحيم عيد )) يقولون الخوف ثلث الرجولة \ \ صالح العرجان و انا اخوكـــــــــ انت ما تبت كل التوهيقات الي يورطك بها مصلح قبل و للحين تصدقه ........... لا يلدغ المؤمن من جحر مرتين شكلك صار عندك مناعه من شطحات مصلح \ \ عيد هالمره انا الي يحبك الى حد الثمالة \ \ تقديري و احترامي \ \ \\ |
المتحدث الرسمي باسم حزب ( القلوب الخضر )
يعلن بدأ الحرب وعلى كل من لا يطيق الجلوس الذهاب إلى حيث لا رجعه وماهي هي يا عبد الله الثابت ... فرعت وتركتنا يا حيف بس الموت ولا المذله |
<<<<<<<<<<<< مازال يلتزم بالصمت
|
عسى ماشر يالربع وش السالفه والله يوم خبري بكم وانتم ناس عقيل لكن وش الحاصل انا لازم ادرس القضيه من اولها وبعد مادرس القضيه سوف اقرر من اكون ضده والحلم زين والله يعين اللي مخطي كلنا نبي نصير ضده وعسى الله يكفينا شر عيد الحواشيش وصواريخه $$$$$$$$$$$$ |
السلام عليكم ورحمة الله وبركاته
قايد الكتيبه النشميه الاولى يتحدث ......... اخواني افراد الكتيبه الاولى ترفع حالة التاهب في الكتيبه إلى الدرجه الاولى بعد الساعة العاشره من هذه الليله.... والي ماعنده سكن يجي عندي بالبيت ترى البيت واسع ثلاث ادوار وغرفة لقاءات جاهزه كل واحد يجهز قصيده حربيه حماسيه ضد عيد الحواشيش ومن معه وكل قصيده عليها مكافاه من مصلح الله يطول عمره عاد انا ... طالع على الجيب الكزس من قدي وخرو عن الطريق اخوي صالح العرجان مصلح يقول يبي يعطيك سياره بس انا قلت عندك سياره تمشي حالك بها حتى تنتهي المعركه الله يصلح لنا مصلح ونمشي وراه ...................................... يقودنا بالمعارك لين نكسبها القايد المحترم الله يسدد خطاه ................................القوم في فرقته جتله ورحبها الكزس الي معي ياربعنا من عطاه ..................................يمناه بالطيب لهل الطيب يضرب بها شدو حيلكم ياشباب |
--------------------------------------------------------------------------------
مصلح النشمي // كيف حالك // وكيف // حلــ//ــلك // من ارتمى الليلة فوقها // فليرتشف سعيرها النار الموقده !! ياراكب اللي لا مشى زاد عزمه .................................. كنه //يشف// النار من شفة النار في عينه اليمنى طواري لخزمه .................................. وبعينه اليسري تباشير عشتــــــار وليا تحيزم // قوَّتك //ما تهزمه .................................. فك الهنوف // اللي غدرها // هكا الجار وليا زعل// راسه// غدا// زي// جزمه ..................................كنه صعيدي (ن) يبي بنت مخـــــــــــــــتار وجهه على اللي// سووا// اليوم أزمه ................................. مع أنهم // لاشئ / يذكر // ولا صــــــــار يقودها اللي بزمته //خوش// بزمه ................................يومنه أفهى دوشقه // جاك هــــــــــــــــــدَّار حزمة منايح // حقها // اليوم حزمه ..........................................اربطلها السكه // وجهزلها // أوثـــــار يبه // حبيبي // اركد // اركد // ياقزمه .................................أصلاً أنا ما أشوفك !! شلون لك ثــــــــــــــار؟!! يا مدعي بالقول // والهرج // كــــــــزمه!! ..................................... جمَّع دبش حزبك // واضرب لهم طــــــــــار واعرف ترى للقاف // قافٍ // ولزمـــــه .........................................ولا كـــــــل من ماشى// الصقاقير صقار وحزيبك اللي // جاك // زمره //برزمه ........................................ بكره بدون أخبار // تاصلك الا خبــــــار " " " " " " |
اللهم اشف مرضى المسلمين والمصابين بنيران الحروب اجمعين
يبدوا ان مصلح النشمي وصالح العرجان واحزابهم التي سولت لهم انفسهم انه حان الاوان لحصد ارواحهم قبل قليل دوت صفارات الانذار بحفر الباطن وقبيل صلاة المغرب شوهد مصلح وصالح يشترون من السوق كمامات وكشافات ومؤؤنه وذلك تحسبا لما سوف يقع عليهم هذا المساء الكئيب لهم والذي سوف يخلده التاريخ للبطل القائد الضرغام عيد الحواشيش الذي اعد العده والعتاد ولو ان الخصم الذي امامه ليس لديهم حتى الربع من مابجعبة عيد الحواشيش الله اكبر الله اكبر الان الان امر عيد باطلاق صاروخ من ظهر الباخره الحائليه وهي على شواطي المحيط الهندي ووننتظر مراسلنا من هناك بعد قليل على فكره صالح هرب من الجبيل اليوم العصر مايدري ان الموت قدامه بحفر الباطن عيد الحواشيش ارحموا من في الارض يرحمكم من في السماء ياشباب حنا قلنا لكم الحرب ماوراها الا الدمار ولكن لاحياة لمن تنادي |
"
" عفيه عفيه عليكم // آني // والجيش // راح نُصبُر على هاي الشرذمه والعلوج // حتى نشوف شي يريدون بالضبوط // الشرقاوي // آني عينتك من هالسع // قائد الجيـــــش العام // والأخت الخناجر // هاي المقربه كثير لعدنا // هاي المتحدث الرسمي بلسانا وأي واحد تشوفونه يحوم حوالينها // طروه أربع وصل مفهووووووووووووم !!!!! |
ياربع ماهي هي
شكل عيد صيطر على الوضع عيد الحواشيش أنضم لقواتك البواسل وخذ حذرك من مصلح النشمي لايغدربك وسمع طال عمرك ياعيد ياعيد واناخوك يا عيد **** العيد شوفتك وانت اليوم ترفع علم السيف ماتمسكه يمين رعديد **** اضن مصلح عقب مانام نام وحلم هرب ولاشيف وخلف بالمواعيد**** وكان اختفى عن عيونك يمكن انه سلم عين عيونك يالحواشيش |
<<<<<<<<<<<<<<< ( لكل حادث" حديث )
وينك يااااااااااااااااااااااااااا عيد الحواااااااااااااااااااااااااااااشيش
ياعيد جيتك والمهّمه .. مهمّه = ابشر بعزك لاختلط عج وغبااااااااااار ويااااهل الكتيبه لاتجون المعمّه = للمحكمه قاضي وللدار مختااااااااار |
| الساعة الآن (01:14 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه