كبسة رز بكبسة زر!!!!!!
مساء الخير للجميع هاذا الله يسلمكم من الشر وكل من يسمع نقلت لكم هالمويضيع
وانشالله بس يحوز على اعجابكم بس هالله هالله بالردود السنعه ,,, كبســــــة رز بكبســـــــة زر :: الزواج التقليدي والفرق بينه وبين الزواج الحديث: يظهر أن الزواج التقليدي اصبح في وقتنا هذا عند بعض المجتمعات زواج محكوم عليه بالفشل فنظرا لتعدد سبل وطرق التعارف بين الشباب والبنات الواضح اصبح من الممكن للشاب المقدم على الزواج ان يختار فتاة احلامه التي يتمناها ويضع شروطه في زوجت المستقبل ويجد كل مايتمناه واكثر بكبسة زر,, قديما كان الرجل يجد فتاة احلامه بكبسة رز اما الان فاصبح الشاب يجدها بكبسة زر ,, والمعنى ان رجاجيل قبل كانو يدورون عن البنت اللي تكون ظفره يعني مو مهم الجمال قد السناعه واهم شي كبسة الرز ياسلاااام ومو مهم الجمال بس ماتكون شينه عااد مره اهم شي تكون دينه وتخاف الله و انها تكون بنت حموله وسنعه فعلا مواصفات معقوله اما الحين لاااا تغير الوضع كليا عند بعض الرجال فصار يبحث عن زوجته بس بكبسة زر يعني ممكن يعرض المواصفات اللي يبيها على احد مواقع الزواج ويلقى البنت اللي يبيها ووطبعا الحين اختلفت المواصفات عن قبل : صار فيه شروط ولازم تتوفر : البشره: بيضاءاذا كان هو اسمر يووووه يصير اهم طلب عنده هو انها تكون بيضاء وطبعا الرجال اللي بالسعوديه وخاصه بنجد الاغلبيه سمران فالطلب على البيضاء اكثر وبعد من كثر مايشوفون هالقنوات وهلي لاطيين بوجههم طبقات الاساس فهذا يعني ياثر فيهم اما اذا كان ابيض فيتمناها سمراء وطبعا السمراء محبوبه في الحجاز يمكن اكثر وعند القصمان بعد نظرا لان البيضان اي ذوين البشره البيضاء اكثر من السمران اي ذوين البشره السميره الطول:طويله او مربوعه يعني زين طولها هذا اذا كان الرجال قصير لكن اذا كان طويل يتمناها طويله بس عشان لي طلعت معه قدام الناس تواجه الحمدلله والشكر- الجسم :عاااااد حدث وفيه حرج لازم طبعا يكون جسمها قريب من بيونسي او شكيرا بمعنى اقرب يكون مثل جسم هيفا بس انا انصحهم بجسم اليسا لان فساتين السهره تكون ازين عليها، بس في هاذي الصراحه ماالومهم انخطفت عيونهم من اللي يشوفونه بالقنوات بعد ال بي سي وملكات الجمال وهيفا ونانسي وسوزي وبوبي وكوكي وبوري ----> خاشه عرض ، لهم حق ينبهرون ويتمنون ويحلمون , مايدرون ان النفخ والشد والربط والشفط عاملين عمايلهم الله لايبلانا, الشعر: ليل نقل حمرة مساه (الله يعافي الصبغه ) اجعد حول على صدره همل (الله يعافي الخروع) مايجن من فوق متنه ماطواه(الله يعافي التوصيله) لون شلال مع المغرب نزل (الله يعافي الفرد ) بس اشوى الموضه الله يعافيها من الشر خادمه الكثير بهالموضوع يعني الحين الكشش والتجعيد صار موضه ومرغوبه بعد , لا وبعد الله يديم الرخص صارت المشاغل تتنافس على تخفيض اسعار الاستشوار يعني يجيك مشغل راز لوحه وش طولها مكتوب عليها قص + استشوار+صبغه +مناكير وبوديكير بـ 100 ريال وتشوفها صاحبة المشغل اللي جمبهم وتروح تكتب لوحه اكبر من لوحتهم استشوار 40 ريال والقص 30 ريال (عرض خاص ولفتره محدوده) ويشوفهم راعي مشغل بس بحي ثاني غير حيهم بس مر بالصدفه وشافهم(صارت قصه) ويقوم يوزع اوراق دعايه لمشغله وتخغيض 30% لحامل هذا الاعلان (يقال له اكشخ يعني) الله يجعلهم دايم على هالحال لين يصير انشالله قص والاستشوار مجانا عاااد فله كل يوم بنجي نقص بس خاف نقرع ومعاد يبقى شعر يستشور , الكشخه: عاد لازم بعد الجسم والطول والبشره والشعر ماتصير مخلقنه وقرويه والا وش سوينا لازم تكون كشخه لي دخلت عند اهله الكل يسال وين مخيطه لبسها منه ولا وين شاريته منه الرومانسيه: تكون رقيقة المشاعر والاحاسيس يعني حليمة اطباع وحلاها بيديها تتكلم بهدوء وشوي شوي لزوم النعومه والركه (بس للامانه هذا الطلب مو اساسي يعني ممكن اذا توفرت جميع الشروط ماعدا هذا يغض النظر عنه او حتى مايشترطه من الاساس) مدرسه او موظفه :اهم شي تصرف على نفسها وتفكه من الغثاء ويكون راتبه كله له اصلا حتى لو انها غير موظفه الراتب كله له الا الفتات مسيكينه وبعد التحبب والترجي يالله يحن عليها ويعطيها شي من هالراتب بالاعياد والمناسبات الكبرى فقط والباقي الله يعافي خواتها ويديم الرخص, عااااد مشالله الله لايضرهم مني بعين اخر شي يذكرونه هو الاخلاق لا ولي ذكروها قالو ((( نبيها ونبيها ونبيها ونبيها وترى اهم شي الاخلاق وتكون دينه وتخاف ربها ))) اقول صباح الليل توكم تذكرون الزبده كلنا نعرف ان الجمال شي مهم الله سبحانه وتعالى جميل ويحب الجمال بس لانبدي الجمال على اهم شي اللي هو الدين والاخلاق وبنت الحموله الذربه السنعه المؤدبه العشره الطيبه الحنونه المثقفه اللي تراعي رجلها ومشاعره وين ماكانت واللي وش مايسوي فيها ماتذكره قدام الناس الا بالخير وماترضى عليه لو انه محسرها وموريها الويل يبقى هو ابو العيال وتاج الراس والعزوه وظل راجل ولا ظل حيطه (بديت اخربها ) اشوفكم على خير مع وجهة نظر اخرى ,,, |
قديما كان الرجل يجد فتاة احلامه بكبسة رز اما الان فاصبح الشاب يجدها بكبسة زر ,,
والمعنى ان رجاجيل قبل كانو يدورون عن البنت اللي تكون ظفره يعني مو مهم الجمال قد السناعه واهم شي كبسة الرز ياسلاااام ومو مهم الجمال بس ماتكون شينه عااد مره حتى البنت كان يهمها الرجل برجولته وافعاله الطول:طويله او مربوعه يعني زين طولها هذا اذا كان الرجال قصير لكن اذا كان طويل يتمناها طويله بس عشان لي طلعت معه قدام الناس تواجه الحمدلله والشكر- شكلك ماقريتي موضوع شموخ لا وبعد الله يديم الرخص صارت المشاغل تتنافس على تخفيض اسعار الاستشوار يعني يجيك مشغل راز لوحه وش طولها مكتوب عليها قص + استشوار+صبغه +مناكير وبوديكير بـ 100 ريال وتشوفها صاحبة المشغل اللي جمبهم وتروح تكتب لوحه اكبر من لوحتهم استشوار 40 ريال والقص 30 ريال (عرض خاص ولفتره محدوده) ويشوفهم راعي مشغل بس بحي ثاني غير حيهم بس مر بالصدفه وشافهم(صارت قصه) ويقوم يوزع اوراق دعايه لمشغله وتخغيض 30% لحامل هذا الاعلان (يقال له اكشخ يعني) الله يجعلهم دايم على هالحال لين يصير انشالله قص والاستشوار مجانا عاااد فله كل يوم بنجي نقص بس خاف نقرع ومعاد يبقى شعر يستشور , يازين والله تقفيلة هالمشاغل كلها الكشخه: عاد لازم بعد الجسم والطول والبشره والشعر ماتصير مخلقنه وقرويه والا وش سوينا لازم تكون كشخه لي دخلت عند اهله الكل يسال وين مخيطه لبسها منه ولا وين شاريته منه ولا تنسين بعد لبسه وحده بس وترميه الرومانسيه: تكون رقيقة المشاعر والاحاسيس يعني حليمة اطباع وحلاها بيديها تتكلم بهدوء وشوي شوي لزوم النعومه والركه (بس للامانه هذا الطلب مو اساسي يعني ممكن اذا توفرت جميع الشروط ماعدا هذا يغض النظر عنه او حتى مايشترطه من الاساس) الا هذا الشرط هو الاساس مدرسه او موظفه :اهم شي تصرف على نفسها وتفكه من الغثاء ويكون راتبه كله له اصلا حتى لو انها غير موظفه الراتب كله له الا الفتات مسيكينه وبعد التحبب والترجي يالله يحن عليها ويعطيها شي من هالراتب بالاعياد والمناسبات الكبرى فقط والباقي الله يعافي خواتها ويديم الرخص, هذا اللي خلاه يتزوجها اصلا عااااد مشالله الله لايضرهم مني بعين اخر شي يذكرونه هو الاخلاق لا ولي ذكروها قالو ((( نبيها ونبيها ونبيها ونبيها وترى اهم شي الاخلاق وتكون دينه وتخاف ربها ))) اقول صباح الليل توكم تذكرون ماعليتس الاخلاق تزين عقب العرس اختي اميرة المشاعر موضوع راااائع كروعة حضورك تحياتي لك ,,,,,,,, |
أهلآ أميرة المشاعر وأهلآ بطرحكِ الجميل
جذبني العنوان كنت أبي أعرف وشدخل الرز ؟ بس جد موضوع راااااااااااايق ويبيلي كاس شاي وفصفص عليه : ) لب الموضــــــوع : اقتباس:
فسابقاً كان الزواج لايتعدى محيط الأسره الواحده .. اما اليوم أختلف الوضع كلياً .. اقتباس:
اقتباس:
اقتباس:
اقتباس:
بس وين اللي يقنع ؟ اقتباس:
وياللي تقول قفلوا المشاغل لاتقطعنا رزقنا:cool:<< ماتقصد مهاجر أبد ولكن أعتقد أنه لايصلح النجار ماأفسده الدهرُhttp://www.alriyadh1.com/vb/images/smilies/sm09.gif اقتباس:
اقتباس:
حتى النظره فيها رومانسيه ...:o اقتباس:
اقتباس:
لكن الأخلاق مهمه ... اقتباس:
. كل الشكر لتس عزيزتي .. وللموضوع الحلوو |
الرز والزر علاقة طردية يا اميرة :)
اقتباس:
|
اهلا بك اخوي مهاجر .
صاحب الكلمه . اهلا بك بمتصفح اميرة المشاعر . اخوي العزيز انا لم اقرأ ما كتبته شموخ وياليتك وضعت الرابط حتى اطلع عليه . كل الشكر لحضورك . دمت بكل ودّ. اختك \ اميرة المشاعر |
اقتباس:
غاليتي شموخ أشكر كريم حضورك وتعطيرك المتصفح بحرفك النيّير امتّن لطلتك وباطراءك دمتِ بخير |
حييت يا مطلق
حييت يا صاحب القلم المبدع ذو الاحساس المرهف والحس الراقي شاكره حضورك وطيب حرفك وروعت تعليقك لا عدمتك |
اميرة المشاعر
حياك الله موضوع جميل وهام ولا اقدر اضيف اكثر من ماقالو مهاجر وشموخ ومطلق بس اختلف معك حول الشروط واعتقد تختلف من شخص لاخر والكمال لله سبحانه لايوجد فتاة تحمل كل مايتمناه الرجل والمثل يقول بنت الرجال لو...................... يعني احرص على بنت الرجل الشهم الكريم الشجاع يجي ولدها مذربن كنه الذئب ...............عزٍ لبوه وكل ماقال طاعه واحرص على بنت الرجال المؤدبه والخلوقه والمثل يقول الجره على ثمها والبنت على امها والجمال جمال الروح وليس جمال الشكل وانا ضد الزواج من الموظفه ماسمع اللي يقول ابله خذيت ابله وربي بلااني ..................قامت اتقودني مع السوق تقويد يطبخ غدانا مطعم الترجماني ..................اما العشا فشفاش جمله وتفريد واحيان تنهرني وتمسك اذاني .........................صارن اذاني للحبيبه مجاويد<<<<<<<من يفكني من الموظفات وسلالالام |
أي والله وش يفكك مني ياأبوجاسر :)
<<< وقعت ولحدش سمى عليك أفااااااااا ياذالعلم ..؟ علامك علي ياأبوجاسر ماكنا حلووووين وشفيها الموظفه ؟ ماتصلح للزواج والا شلون يعني ؟ والا علشان الأكل ... أكيد اللي بيقدم على الزواج من موظفه بيكوون عارف بظروف شغلها وخروجها من الدواام ويكون قابل بهالشئ وموافق (ومحدٍ ضربكم على يديكم )<=== أغنيه مدري شتبي بس ذكرتها ههههههه واللي يبي طبخ من يدهااا مافيه مشكله أبد تطبخ من الليل :( وأذا جت من الدواام تكبس الرز <<< هالطريقه مفضله عند المعلمات وسريعه :) يعني مالكم درب علينا أبد .. والعشاء جبن وعسل وتميس وأهم شئ الأخلاق :) .. واحيان تنهرني وتمسك اذاني .........................صارن اذاني للحبيبه مجاويد<<<<<<<من يفكني من الموظفات وليه أمسك أذنه ؟؟؟ والا يعني دقه بالراتب وكذاااا؟؟؟ :) أعتقد أننا شعب متحضر ومتعلم وهالتصرف ما يبدر من أنسانه مثقفه ومتعلمه وتعرف ماعليها ومالها من حقوق وواجباات وكل واحد أذنه عنده ..خخخخخخخ عذرآ للمداخله مره ثانيه . تقديري للجميع |
هــــــــــــــــــــــلا بشـــــــــــــــــموخ وهـــــــــــــــلا بعتابها
اختي الفاضله انا لا انكر با ننا شعب متحضر ومتعلم ونومن باهميت عمل المرآه ودورها الهام جداً فنحنا نعتز ونفتخر في البارزة من بناتنا وخواتنا فمنهن الطبيبه والمعلمه والكاتبه والخ وهن شقايق الرجال ومثل ماقالت العباسه اخت هارون الرشيد يا هارون نحن نساء مع رجالنا رجالن مع غيرهم وزوجه المتعلمه اكيد افظل من الجاهله الام مدرسه ان عددتها.................................... لاتقولي تتناقض لايا اختي الفاضله انا قلت وجهة نظري وفاضي لايمثل غير نفسه فا انا لااحب ان زوجتي تكون موضفه>>>>>>>>>>>>>>>>>>بدوي بكرتونه واسف اسف العذر وسموحه من كل الموضفات والعفو عند المقدره من صفات الكرام عموه ابو جاسر |
يعني احرص على بنت الرجل الشهم الكريم الشجاع
يجي ولدها مذربن كنه الذئب ...............عزٍ لبوه وكل ماقال طاعه اخوي فاضي عبد العزيز الرجال الشهيم والكريم موجود . . . اما الشجاعه فأعتقد بزمننا هذا الشجاع من يمتلك اخلاقاً فاضله ورجالنا بحكم آل سعود ؟؟ واحرص على بنت الرجال المؤدبه والخلوقه والمثل يقول الجره على ثمها والبنت على امها والجمال جمال الروح وليس جمال الشكل اخوي فاضي عبد العزيز ليست كل صاحبة وجه جميل جميلة، فالجمال لا تحكمه الملامح الخارجية للجسد فالشكل ما هو إلا إطار, أما الصورة الحقيقية فهي في أعماق ونفس وسلوك صاحبة الإطار. لا شك أن قضية الجمال تحتل المقام الأول في عقل وقلب الفتاة في هذه المرحلة العمرية من حياتها إن الجمال ليس جمال الشكل والملامح والصورة فقط, بل إن للجمال أشكالاً أخرى * جمال الشكل والصورة. * جمال العقل. * جمال التدين والأخلاق. اخوي فاضي عبد العزيز . . . انت الاجمل وابدعت بالرد . . . شاكره لك توقيعك يمنتصفحي ودمت بود ويا هلا وغلا . . .. |
اختي شموخ . . .
هلا وغلا بك وبعودتك . . . وشاكره لك ما قدمتيه من دفاع قوي للمرأة . . . وبالفعل أي شاب لا يتقدم للخطبة إلا وعنده العلم بعملها واحنا مو اغراب عنهم يعرفون حتى زميلاتنا بالمدارس وبالعكس يالغلا الشباب تفتحوا الان وصاروا يشجعون الموضفات والمتعلمات . . . لا يغرك كلامهم اشكرك ونورتي متصفحي ودمتي بود ومحبه . . اختك \ اميرة المشاعر |
فاضي عبد العزيز هلا وغلا بك وبعودتك
والف شكر لك على هذا المثل الذي استدليت به . . . وهن شقايق الرجال ومثل ماقالت العباسه اخت هارون الرشيد يا هارون نحن نساء مع رجالنا رجالن مع غيرهم فا انا لااحب ان زوجتي تكون موضفه>>>>>>>>>>>>>>>>>>بدوي بكرتونه ليه ياغلاي تقول كذا مو معقوله وربي حتى البدوا تعلموا فالكثير منهم الان بناتهم معلمات انا اعرف بنات بديرة جدي متعلمات ومعلمات وكلهن متخرجات من امممممممممم معهد المعلمات يعني تخرجن من بعد الكفائه فأنا ايتدل بهذا الحديث . . الذي ذكره لنا الرسول صلى الله عليه وسلم في حديثه الشريف عند اختيار الزوجة: 'تنكح المرأة لأربع: لمالها ولحسبها ولجمالها ولدينها, فاظفر بذات الدين تربت يداك'. متفق عليه اخوي فاضي اشكرك على جمال اخلاقك الكريمه ونوووورت متصفحي . . . واسفه على التقصير لاني مرديت بسرعه تأخرت اختك \ اميرة المشاعر . .. ملاحظه الايقونات مو شغاله معاي . . |
| الساعة الآن (03:56 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه