المشاركة الأصلية كتبت بواسطة !الواااثقة!

وهذه مواقفي مع رمضان جات....تفضل أستانسوا

موقف كوميدي:

مره في بداية شهر رمضان العام كنت متحمسه إلا أصلي التراويح في المسجد وطبعا لأنا في مدينة رسول الله فرصة صلاة التراويح لاتعوض في قباء او الحرم

المهم وبعد مشوار تعب طول النهار في تحضير فطور رمضان...............كنه ذابحنا الجوع طول الأشهر الماضيه أو كنه ماناكل غير في رمضان المهم

أذن العشاء وصلينا ورحنا للتراويح وكنت تعبانه موت حاسه بنوم مو طبيعي نعسانه عيوني ماني قادره افتحها

المهم بدينا في الصلاة وركعنا وسجدنا .....................تخيلوا اش اللي حصل

جريتها نومه ألين سمعتهم الرجال من بعيد يقولون آمين

وانا اقوم ومتفشله مدري كيف هذا حصل ولاادري اش اسوي كل الحريم اللي بالمسجد يناظرن فيني وانا وجهي طاح خجل وحيا وفشيله مافيه مثلها

حلفت اني ماعاد اروح وصلاتي في البيت ابرك لي واستر


موقف تراجيدي:

طبعا فيه ناس او بعض ناس يصومون بدون سحور ....................وهذا الشيء غلط بلا جدال

المهم قد مره حاولت اصوم بدون سحور مسكت نفسي الين الساعه ثلاث العصر او الظهر وهذا كله مع شغل البيت

المهم الله لايعوده طحت عليهم قبل الفطور يمكن بخمس دقايق ماعاد اقدر اتحمل

وقضيت اسبوع من ايام رمضان القصار في المستشفى

وهذا عبره اخذوها ولاتسوون مثلي انتبهوا



موقف اكشن:


كان عندنا الفطور ذالك اليوم طبعا رمضان كله عزايم وبدور تمشي

المهم صار وابتلشنا في بعض اغراض ناقصه وهذا الكلام قبل وقت المغرب بساعه تقريبا يعني مافيه وقت

رحنا لاخوي الصغير مافيه غيره بالبيت

يله قم قم وهو نايم الموقف محرج عجل مافي وقت ونرش عليه مويه وياللله قام وبالعافيه

وهو دايخ وماهو شايف دربه

الا لازم وحده منا تروح معه الاغراض مايعرف يجيبها هو على الوجه المطلوب

وطبعا انا دايم في وجه المدفع

يالله يافلانه روحي معه خلصينا

واقوم والبس عباتي واحط الشيله على وجهي

واركب السياره وناسه ذاك اليوم راكبه السياره قدام .................هههههههههههه

مااحد قدي .....................ايه انتن تموتن في ركوب السياره في الكرسي اللي قدام

المهم مالكم بالطويله

رحنا السوبر ماركت او الجمعيه

ونزلت انا واخوي في السياره يحتريني

دخلت واخذت اغراضي وبسرعه مشيت

طلعت بره لقيت السياره مافيها احد وين اخوي

مدري

المهم ركبت على امل انه يجي هالحين

الا بعد دقيقه ويجي رجال طول في عرض وشوارب تخوف

وركب السياره وشغلها ويبي يمشي

الا اصرخ وانادي ياهيه ياانت وش تبي هنيا

وقف انزل انت من

واصيح بصوتي العالي

المهم الرجال ينظر وهو مبله

انت من وش جابك هنا في سيارتي

في سيارتك.................................وربي موقف لااحسد عليه

ربي ستر وماصار فيها ذابح ومذبوح

رجعت البيت وانا دايخه ومالي نفس حتى بالفطور



وسلااامتكم وهذي مواقفي مع رمضان الله يعوده علينا وعليكم كل عام بخير وصحه وسلامه.