xXنـــ ـــاس ملــ ــو نـ ـيـن Xx
بسم الله الرحمن الرحيم الملك عبدالله أحبك <<تسمع بالمقدمات :D صراحةً صراحةً انا يوم أكتب الموضوع كنت رايقه ويوم جيت أكتب المقدمه واعرفكم بشخصي صدع راسي لذلك انا مقفله حاليا <<<برا يالله قومي براا الوكاد يازملائي الأعضاء وياعزيزاتي العضوات الحلوات الأمورات<<واخزياه أدلع الأعضاء عشان تسذا أدلع العضوات دوكم الموضوع عن الشخصيات والعاهات بالمجتمع المصري المعاصر <<<بتتصفق خخخ خوذوا اللي يناسب ميولكم الفطريه واللي مايجوز لكم اجدعوه بأقرب شي . . الشخصيه المزاجيه أو العصبيه : هذي مثلي أنا ياكرهي لي : ( مدري ..شايفتن نفسي : ( اذا صار ضايقن صدري اكره كل الناس ومغير الاسن غيري ,,بس أني اندم بالأخير بقوه<<وش عقبه تندمين أعترف أن هذي من اشين الشخصيات وأرداهم ,,والأعتراف بالحق فضيله ..ونحنُ نسعى دوما للأفضل لكن فيه ناس تصير شخصيتهم عصبيه على طوووووووووووووووول يعني موب السالفه مزاجيه الا مغير يهاوشون فيه موقف انا شفته بالطياره .. ..واحد من الركاب هندي الظاهر ..يوم جا بياخذ شنطته والا تطيح شنطه على حرمه خليجيه جالسه :eek: الهندي قعد يتأسف وحالته حاله الضعيف من الفشيله بس زوج الحرمه استلمه تهزئ قدامنا وانتا مافيه مخ ومن هالكلام الجارح وكل اللي بالطياره ملتفتين لهم وما سكت الا المضيف جا يهدي فيه ليش قلة الأدب؟ ياخي من زين حرمتك .!! <<لا أقناع صراحه : ) . . الشخصيه المتباهيه : ماعندها كلام غير أنا عندي وعندي أبوي غني وجدي قوي وحنا نسافر ومن هالخرابيط وتقعد تتمويع بالكلام وتتكسر بهرجها وهي ووجهها مكتوب عليه (هنا القبر) :D زي وحده تعرفت عليها أيام الجامعه غثت تسبدي تقول : أبوي يبغى يدخلني جامعه سلطان وامـــي صاحباتها بالجامعه زي النمل .. (وتمثل لي بايدها ) مصفوفين بكل مكان بغيت أقولها وش مقعدتس عندنا طيب ؟ غير كذا احس أن هالنوع مايشكر الناس على معروف قدموه لهم .. مدري ممكن انه يحسب انه فرض على الناس مساعدتهم . . الشخصيه النائحه: كل شي نكدxنكد xنكدxنكد بس ماعندهم الا وراه انا تسذا ؟ :_( وياربي ليش العيال وناسه وحنا لا :_( ووراه رجلي نذل :_( ووراه عيالي شياطين :_( مير غدي ربي ياخذني وأرتاح :_( وتهي وتهو :sm266: . . الشخصيه البومه (النكديه) : ..هذي شخصيه وحده من خواتي سبحان الله كل ماتحمست أنا أو أي أحد بموضوع أو أي شي تسوي حركتها المعتاده تقول اييه هييييييين ..هذا وجهي اذا سويته واذا تعلمتي ..وتصير مستاءه وتنقلب نظراتها احتقار ) تصير تقل عجيز حاقده (وجه يكش عليها) <<بخليها تقرا كلامي خخخخخخخخخخ هذي الشخصيه طبعا اي شي قدامها لو صار زين ويهبل الا مايكون فيه عيب بنظرها وأنت مهما كنت متحمس للحياه ومندفع بكل معنويات مرتفعه وكشره مبسوطه الا مايجي الانسان النكدي ويحبطك ..ويقول انت ماتقدر .. انت فاشل ..انت كش عليك ..اقعد ببيتكم خخخخ :D . . الشخصيات المتملقه أو المجامله : تغلف تصرفاتها بغلاف من مجامله ..يعني الأنسان اللي قدامك جاي كأنه هديه بغلافها <<لا عاد تتحمسين بالوصف :D ومغير بلسانها ياقليبي ويامدري وشو وانواع المجاملات .. أسألهم سؤال: ماتتعبون ؟ وش اللي حادكم ؟ . . شخصيــات المتذاكين والمتغابين : إذا جا احد يتذاكى ,,فأعرف انه ضعيف وعلى نياته لأني شايفه مثل هالحالات يصير ماعندهم ماعند جدتي خخخخخخخخخخخخخخخخخ اما اللي يتغيبى ويسوي نفسه غبي ..هذا أخاف منه مدري ليش؟ واسوي نفسي غبيه وان مشت علي تمثيليته ..بالأخير أخليه يستذكي علي <<<خبيثه خخخخخخخ والله انا اللي اخوف خخخخ :D . . الشخصيه السلبيــــه : كل شي مايعرفه كل شي ما له دخل فييه لا له ولا عليه شايل ايده من كل شي متعب جدا لو كان يمثل دور زوج أو زوجه ..أتوقع الطرف الثاني بيشيل كل الحمل عشان الطرف الأول سلبي.. . . الشخصيه الأتكاليــــــــــه : بروووووود مميت ممزوج ببلاده قاتله ..بأختصار يبيله من يخلطه ويحركه شوي كل شي غيره يسويه له ..تقل بزر . . الشخصيه الحنانة مدري الزنانه : باختصار الشخصيه هذي يبي لها كف تقعد تعيد الكلام وتعيد الطلب كم مره <<<هذي موب شخصيه .. هذي عاده سيئه ماعلينا <<تصرف هل انت/ي تتحملين احد فوق راسك يزن ويزن ويزن تقل ذباب؟ . . شخصية (أهم شي عيالي ): <<<<ياهوو احد يمسكها ذي تراها بدت تخنبق خخخ تمشي معك تمااااااااااااااااام وحليله وكل شي ..بس أهم شي لا تجي عيالها عيالها ملائكه وغيرهم شياطين الكل يغلط بس عيالها لا ولدتس يابنت الحلال مايصلي..لا تخسين ولدي مافيه مثله :D . أخيرآ <<<<ايه والله أخيرآ خلصوا منتس اكيد موب بس هذولي شخصيات الناس ,,فيه كثيييير وكثيييييييير بقوه فيه المنافق وفيه أبو وجهين وفيه النصاب <<كلهم ذولا شخصيه وحده ياغبيه خخ ابي كل واحد منكم يذكر الشخصيات اللي يكره تواجدها بعالمه وتضايقه لو كان فيه مواقف بيطلع أحلى أكيد ؛) . . . تراه أول موضوع لي بالعـــــــام بعد أستلامك يا فايز منصــــب الحكم :D أرفق على موضوعي .. غفر الله لكم :D لا هنتوا .. وصيـــــامآ مقبــــــولاً وإفطــــاراً شهــــــــياً . . بقـــــــلمــ / شمـــــــــــوخ |
رد: xXنـــ ـــاس ملــ ــو نـ ـيـن Xx
/
هو انتي خليتي والا بقيتي عشان نقووووووول : أولا شي ليس لكماتكـ شبيه سوى المطر وهبوط طرحكـ هنــا بحد ذاته رائع .. . :: فالشخصيات متعدده بالانسان ربما هي ظروف الحياة وربمــــــــــــا فطرة العباد ! ومصيبة الأنسان هو : التصنع والتقليد بالشخصية من الاخرين ! هو ليس نقص بالشكل العام ولكنه عدم القدرة احيانن تجبرة وهذا الشي مؤسف بلا شكـ !! : هذا من ناحية ! ومن ناحية طبيعته فأنا اقول إن كانتـــ حسنه أستمر بهــا وأن كانت تسيء لشخصه .. فيجب تغييرهـــا حتى لا تكثر ذنوبه ! : أمــا بالنسبة لشخصيتي أنـــــــــا فشخصيتي هي : برووووووووووووود الأعصاب وهذة الشخصية لا مشكلة مع اي شخصية أصادفهــا ! عااااااااد شوفيهــا بأي قائمة تصنفينهـــــــــــــا : شموخ كوني بخير حادي السهر |
رد: xXنـــ ـــاس ملــ ــو نـ ـيـن Xx
حياك الله حادي السهر
اقتباس:
ومشكور لأطراءك العذب وحضورك .. شخصية بروود الأعصاب هذي تسبب مشكله للي حولك أظن :confused: اما عندك مافيه مشاكل لأن البرود ماراح يخلي السكر ولا الضغط يجونك ماشاءالله :D <<<<<<<< صايره محلله للشخصيات على غفله :cool: . . حادي السهر حضورك أسعدني هلابك |
انسان هذا العصر أصبح أذكى وأكثر اطلاع وثقافة .. بل أصبح أكثر مُـراوغة من أن نعرف شخصيتهِ الحقيقية .. خاصة في عالم الشبكة العنكبوتية فمثلا : لو قمنا بعمل استبيان معتمد على بعض الأسئلة المباشرة على معطيات واضحة المعاني بكل تاكيد أن من سيخضع للاستبيان سيراوغ من ان يعطي أجوبة موضوعية على الاستبيان مثلا : لو سألت سين من الناس : هل أنتَ صادق ..؟؟ هل تكره الاختلاط بالغرباء ..؟؟ هل أنتَ سريع الغضب .. ؟ فبكل تأكيد ستكون الاجابة " نعم " نعم ليس لأنه هكذا فعلا .. بل لأن " نعم " تلك سترضي المجتمع الذي يعيش به حتى لو كان جوابه الحقيقي " لا " فالأغلبية منّـا مشرفني بارعيين جدا في تضليل أقوى الاستبيانات طبعا بالأجابات الغير صحيحة :) . . . الفاضلة .. مشرفتي شمــــــــوخ طبتِ وطاب حضورك وطرح يحمل القليل من هذه .. والكثير من ذلك .. أُحييكِ على ما سطرتِ وشخصيا أنا أعترف بأنني كوكتيل شخصيات مع تفوق الهدووء والحساسية الزايدة في كثير من الأحيان وعلى رأيء المقربين مني : " أحتاج الى طبيب محترف لـِ يُـصنف شخصيتي " من يدري لعلي أُمارس عليه بعض الخدع ليخطيء في التحليل :) دمتِ لنا تحياتي هيـــــااااا |
رد: xXنـــ ـــاس ملــ ــو نـ ـيـن Xx
القديره
شموخ تأكدي انك اضفتي الى القراء قبل اضافة موضوعك ضمن المشاركات احيك وبقوة على الطرح الجرئ وعلى شجاعتك التي مست كل واحد منا هنا,,لأن مناقشة المواضيع هذه محتاااجه لدراية وقوة معرفه ذكرتي ما هو حاصل و واقع و وصفتي بالظبط مايدور من حولنا من اناااس واجدتي تعريف شخصية المتذاكيين والمتغابيـــن شموخ تأكدي انني استمتعت بقرائتك عبر قلمكـ وتقبلي كاااامل الاعجاب بالاسلوب وبالطرح ولك اوجه الاحترـرـرااااام اخوكـ فايزـز |
رد: xXنـــ ـــاس ملــ ــو نـ ـيـن Xx
عاد بجد نرفزتني التكاليه لان شايفه كثير من هالنوعيات الله المستعان
|
رد: xXنـــ ـــاس ملــ ــو نـ ـيـن Xx
السلام عليكم ورحمة الله وبركاته
هههههههههههههههههههههههههههههههههههههه غاليتي شموخ وحشتيني ووحشني اسلوبك الجنااان ومن نايحة الشخصيات انا كل يوم لي شخصية يعني احيان تحصليني باااردة واحيان اتكالية واحيان استغبي واحيان استذكي <<< تستذكي بس يبان غبائها من اذانها خخخخخخ مشكورة حبيبتي طرح مااشاء الله عليه روووعة كعادتك دمت بكل خير ولاعدمناااااااااااك |
رد: xXنـــ ـــاس ملــ ــو نـ ـيـن Xx
الأخت العزيزه
شموخ شدني موضوعك على قراءته الى آخر نقطةً به ماهذا الأبداع الذي يفوق الخيال فعلاً يظل لكل شخص شخصيه خاصه به سواء كانت هذه تنعكس بالإيجاب عليه اوذات طابع سلبي والمشكله ان هناك من يكابر ولا يعترف بأنه علىخطأ ويرى انه افضل الناس طرح مميز جداً اخت شموخ ودمت بكل خير |
رد: xXنـــ ـــاس ملــ ــو نـ ـيـن Xx
هلا وغلا هيا
نورتيني ونورتي موضووعي .. ماشاءالله عليتس ياهيا كوكتيل منوع للشخصيات :) . . شاكره حضورتس الشيق دومآ . دمتي بود |
رد: xXنـــ ـــاس ملــ ــو نـ ـيـن Xx
أهلآ فايز
نورتني .. يامشرفنا القدير :) تأكد حضورك أضاف لي الكثيييير ولــ متصفحي .. . شاكره وممنونه كثير لحضورك الكريم . |
رد: xXنـــ ـــاس ملــ ــو نـ ـيـن Xx
أهلآ كبرياء منوره :)
أشين شيء الشخصية الإتكاليه ترفع الضغط :( . حياتس الله نورتيني . |
رد: xXنـــ ـــاس ملــ ــو نـ ـيـن Xx
هلا المختلفه وعليكم السلام والرحمه
وينتس فقدنااااااتس يالغاليه عسى ماشر :) وأنتي وحشتيني أكثر ولاعااد تستذكيين وتغيبين عننا :D وحياتس الله نورتي متصفحي |
رد: xXنـــ ـــاس ملــ ــو نـ ـيـن Xx
حياك الله أخوي ماجد الجعفري
نورت متصفحي بعباراتك . شاكره لك حضورك لاعدمناك |
| الساعة الآن (01:45 AM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه